JEREMIA 33:4 - Pathien Lekhabu Inthieng (BSI)

⁴ Hi khawpui inhai chungthua le Juda ram lalhai in kâwlhnâm le hnuoi dêng pâwng lama inthawka dangna siemna dinga sukchima umhai chungthua chun Israel Pathien Lalpa chun hieng hin a tih:

JEREMIA 33:4 ပူးပေါင်းရင်းမြစ်များ

ISAI 22:10

Chun, Jerusalem inhai in tiem a, kulpui bang siem ṭhatna dingin inhai chu in ṭhiek a.

ISAI 32:13

Ka mihai rama hin hlohlingneihai le buorhai chu tlâng a tih; anih, khawpui hlimumtaka hlimna in po pohai chunga chun,

ISAI 32:14

lal in chu mâksanin a um ding a ni si a; mi tamna khawpui chu suoksanin a um ding a na; a muol pâwng le a râlvêng bûkhai chu kumkhaw pûk dâm, ram sabengtung lâwmna dâm, ranruol tlatna hmunhai hung nîng a tih;

JEREMIA 32:24

en ta u, khawpui lâkna dingin hnuoi dêng pâwnghai an hung um ta hi, nangin hung tlung dinga i hril angin, hripui le, ṭâm le kâwlhnâm leiin, a hung dotu Kaldaihai kuta chun khawpui chu pêk a ni ta a; en ta, i hmu zing hi.

JEREMIA 6:6

Sipaihai Lalpa chun hieng hin a lo ti ta si a: Thinghai chu phûr thlu unla, Jerusalem chunga chun pil dêngpâwnghai chu siem ro, hi hi khawpui hremna ding chu a na, a sûnga chun innêksâwrna ringawt el a nih.

ṬAP HLA 2:7

Lalpa chun a maichâm chu a peihâwnpêk a, a hmun inthieng khawm chu a sukthim a; A in ropui kulhai chu hmêlma kuta chun a pêkpêk bawk a. Inkhâwmpui hunbi nei nihai ang elin, Lalpa ina chun an khêkri chêl chûl a,

EZEKIEL 21:22

A changtieng kuta chun Jerusalem ta dinga, kâphmunhai siemna ding le, thattuhai ta ding bau kâk ding le, khêka râwl insuo ding le, dâi kawtkhârhai epa kâphmunhai siem ding le, hnuoi dêng pâwnghai siem a, kulhai bâwl ding thu aisânna chu a um a.

EZEKIEL 26:8

Rama i naunuhmei umhai chu ama chun kâwlhnâmin that a ta; kul bâwl khum a ti che a; hnuoi dêngpâwng khum a ti che a, phaw chawihai inhuol khumtir a ti che.

EZEKIEL 4:2

chu chu rûn la, kulhaiin bâwl khum la, a vêla chun hnuoi dêng pâwng la, puon inhai kei khum bawk la, chun, a vêl el chun kâphmunhai siem bawk rawh.

HABAKKUK 1:10

Anih, lalhai chu an nuisan a, Mi lienhai chu an ta ding chun hmusitum an ni a, Kul det tinrênghai chu an nuisan a, pilvut a sungvûmin a lâk nâwk hlak si a.

DÂN PAHNINA 20:20

A ra fâk naw mi a nih ti in hriet thing ruok chu suksein phûr in ta, a dotuhai cheu khuo chu a siet hmakhat chu kulin in inhuon khum ding a nih.