JEREMIA 33:3 - Pathien Lekhabu Inthieng (BSI)

³ Kei mi hung ko la, lo dawn ka ti che a, thil ropui le inthup i hriet naw hai chu inentir ka ti che.

JEREMIA 33:3 ပူးပေါင်းရင်းမြစ်များ

INPÂKNA HLABU 145:18

Lalpa chun ama kotuhai po po chu a hnai hlak a, Titakzeta ama kotu po pohai chu.

INPÂKNA HLABU 25:14

Lalpa thurûk chu ama ṭituhai kuomah a um a, A thuthlung chu anni inhriettir a tih.

INPÂKNA HLABU 50:15

Chun, lunginzîng ni chun mi ko la, Sanhim ka ti che, chuongchun, nangin i mi chawimawi ding annâwm,” a ti a.

INPÂKNA HLABU 91:15

A mi ko pha chun, dawn ka ta, A lunginzîng lai chun a kuomah um ka ta, Ama chu sanhimin chawimawi ka tih.

ISAI 45:3

chun, Lalpa, i hminga kotu che, Israelhai Pathien ngei chu ka nih ti i hriet theina dingin inthim laia rohai chu pêng ka ti che a, hmun fienrielhaia sum thuphmanghai khawm chu pêng ka ti che.

ISAI 48:6

In hriet de kha; hieng po po hi en ro; nangnîn in hril ding a ni lem ta naw am a nih? Tuta chen chu thil thar inhriettir tâng ka ti cheu, thil inthup in hriet ngai nawhai chu.

ISAI 65:24

Chun, hieng hi hung nîng a ta, annin an mi ko hma khawmin dawn ka ta; thu an la hril lai zing khawmin ka nain hrieng ka tih.

JEREMIA 23:35

Chuongchun, mi tinin mâni tuolbâwmhai kuoma le mâni unaupahai kuomah, “Lalpa chun ieng am a dawn a? Lalpa chun ieng am a hril a?” tiin hril in tih.

JEREMIA 29:12

Chun, kei chu mi hung ko in ta, fêng in ta, ka kuoma chun ṭawngṭai in ta, chun, kei khawma lo ngai ka ti cheu.

JEREMIA 32:17

‘Aw Lalpa Pathien; i bân phar le i thilthawtheina ropuitak chun vân le hnuoi chu i siem a; nanga ta ding chun iengkhawm intak taluo a um naw a;

JEREMIA 32:27

“Ngai ta, mi tinrêng Pathien, Lalpa chu ka nih, keia ta dingin thil intak taluo a um am a nih?

DANIEL 2:18

Babulona mi var danghai lai chun Daniel le a ruolhai chu an thi ve nawna dinga, hi thurûk chungchâng thua hin vâna Pathien zângaina chu an ngên theina dingin.

DANIEL 2:22

Thurûkhai le thil inthûkhai chu an kuomah a puong a, Inthima thil um chu a hriet a, var chu amaa chun a um a nih.

DANIEL 2:23

Aw nang kan thlatuhai Pathien, varna le hrâtna mi petu, Kân pâk che a, i kuomah lâwmthu ka hung hril hi, Kan hung ngên chu i mîn hriettir ta a, Lal thu chungchâng hi kan kuomah i hung inhriettir ta si a,” tiin.

JOEL 2:32

Chun, hieng ang hi nîng a ta, tukhawm Lalpa hming lam taphawt chu sanhim nîng an tih; Lalpain a hril ang khan a tlânsuokhai chu Zion tlânga le Jerusalem khuoah an um âwm si a, chu hai lai chun Lalpain a kohai chu ṭhang an tih.”

AMOS 3:7

Indiktakin Lalpa Pathien chun a rawngbâwltu, a zâwlneihai kuoma a thurûk hril lovin iengkhawm thaw naw ni.

MIKA 7:15

Aigupta rama inthawka i fe suok lai ang khan a kuomah thil maktakhai inentir ka tih.

MATTHAI 13:35

zâwlneiin, “Tekhithuin ka bau kâng ka ta, Leihnuoi insieng tîra inthawka thil inthup chu hril dawk ka tih,” tia a hril kha a hung tlung theina dingin.

THILTHAWHAI 2:21

Chun, hieng hi nîng a ta, Tûkhawm Lalpa hming lam taphawt chu sandamin um an tih,’ a tih, a ti kha.

1 KORINTH 1:2

Korintha Pathien kohran umhai, Krista Isua sukthieng, mi inthieng ni dinga kohai kuomah, ram tina ei Lalpa (anni le eini Lalpa) Isu Krista hming lamtuhai po po kuoma leh.

EPHESI 3:20

Chuongchun, einia thaw hlak thilthawtheina ang peiin, ei hni le ei ngaituo po po nêka nasa lema thaw theitu kuoma ngei chun,

DÂN PAHNINA 4:29

Nisienla khawm, chutaka khawm chun Lalpa in Pathien chu in zawng a, in lungril po po le in lungvar po poa in zawng chun hmu nâwk in tih.

DÂN PAHNINA 4:7

Ei ko taphawta Lalpa ei Pathienin a mi hnai anga anni hnai hlak pathien nei hnam ropui tu am an um ve a?

THUPUONGSUO 2:17

Thlarauin kohranhai kuoma thu a hril hi na nei chun hre raw se. A hnetu taphawt kuom ngeia chun manna thuphmang laia kha pêng ka ta, lung vâr khawm pêng ka tih, chu lung chunga hming thar ziek leh; chu hming chu a changtu chau naw chun tûkhawmin an hriet nawh, a tih,’ tiin.