JEREMIA 33:26 - Pathien Lekhabu Inthieng (BSI)

²⁶ Abraham hai, Isak hai, Jakob hai thlahai chunga rorêltuhai ding ka lâk nawna dingin, ka siehlaw David le Jakob thla chu peihâwn vêng ka tih; an sal intângna chu kân kîrtir ding a na, an chunga chun zângaina ka nei ding a ni si a”tiin.

JEREMIA 33:26 ပူးပေါင်းရင်းမြစ်များ

INṬANNA 49:10

Lal hmawl chu Judaa inthawk hin bo naw ni a, Rorêltu hmawl chu a ke kâra inthawkin bo naw bawk a tih; A neitu takpa a hung hmakhat chun; Hnam tinin ama thu awi an tih.

EZRA 2:1

Hienghai hi chu ram mihai, sala ṭhuoihmanga um, Babulon lal Nebukadnezzarin Babulon tienga a ṭhuoi hung suok nâwk a, Juda le Jerusalema mâni khuo tieng senga hung kîr nâwkhai chu an nih;

EZRA 2:70

Chuongchun, thiempuhai, Levi mihai le chi ṭhenkhathai le, hla saktuhai le, kawtkhâr vêngtuhai le temple siehlawhai chu an khuohaia chun an um ta a; chuongchun, Israel mi po po chu an khuoahai chun an um ta bawk a.

INPÂKNA HLABU 126:1

Lalpain Zion salhai a ṭhuoi kîr lai khan, Manga mangtuhai ang el ei na,

ISAI 14:1

Lalpa chun Jakob rawi chu lunginsiet a ta, Israelhai chu thlangin anni rama ngei chun a lân umtir ding a ni si a; chun, ram dang mihai chun anni chu hung zâwm an ta, Jakob sûnghai chu chel tlat an tih.

ISAI 54:8

Ka lunginsen luotin mitkhapkâr nanga tieng ka hmai ka thup a; nisienlakhawm, kumkhawtluong zainêmnain lunginsiet ka ti che, Lalpa nangma intlantu chun a tih.

JEREMIA 3:12

Fe la, hieng thuhai hi hmârtieng ramah va khêkpui rawh, ‘Hung kîr rawh, nang Israel hnungtawl, Lalpa chun a tih; lungsenpumin en ta nâwng ka ti che, zângai theitak ka ni si a, Lalpa chun a tih, lunginsenna chu kumkhuoin kawl zing naw ning.

JEREMIA 31:20

Ephraim hi ka naupa dittak am a nih? Ama hi naupang tiawi am a nih? Ama ka thunun pha, ama chu ka hriet zing tlat el hi? Chuleiin, ka lungril chun ama ka lainat a; matheilovin, ama chunga chun zângaina nei ngei ka tih, Lalpa chun a tih.

JEREMIA 31:35

Sûna nisa chu var dinga pea, zâna arasihai le thla var dinga ruotna petu, tuisuoriet chu chawkthoa, tuifâwnhai inrûmtirtu Lalpa chun hieng hin a tih: ama chu sipaihai Lalpa chu a hming a na;

JEREMIA 31:37

Lalpa chun hieng hin a tih: Chunga vân khi inkhi thei a na, hnuoia leihnuoi lungphûm chu zawng suok thei a ni chun, thil an lo thaw tahai po po lei khan Israel chi chu pei hmang vêng ka tih: Lalpa chun a tih.

JEREMIA 33:24

“Hi mi, Hnam pahni Lalpa thlanghai chu, anni chu a pei thlâk tah, tituhai chu ngaituo naw rawh; chuongchun, anni hmaa hnam hrim an ni ta nawna dingin, anni chun ka mihai chu an hmusit a nih.

EZEKIEL 39:25

“Chuleiin, Lalpa Pathien chun hieng hin a tih; Tuhin Jakob sal intângna chu hung la kîr ka ta; Israel sûngkuo pumpui ta ding chun zângaina nei ka tih; chun, ka hming inthieng khawm humhal bawk ka tih.

HOSEA 1:7

Juda sûnghai ruok chu lainat ka ta, thalngul amanih, kâwlhnâm amanih, indona amanih, sakawr amanih, sakawr chung chuong mi amania anni sandam lovin, Lalpa an Pathien chun sandam ka tih,” a ta.

HOSEA 2:23

Chun, ama chu ka ta dingin hnuoia hin chîng ka ta, Lo-ruhama chu lainat ka ta, Ka mi nilo chu “Ka mi i nih” tîng ka ta, Chun, ama chun, “Ka Pathien i nih,” tîng a tih.

ZEKARIA 10:6

Chun, Juda insûng chu hung sukhrât ka ta, Josef insûng chu sandam ka tih; chun, anni chu hung ṭhuoi kîr nâwk ka tih, an chungah lunginsietna ka nei si a; chun, anni chu ka lo pei thlâk naw ang hrimin um tâng an tih; chun, an thu chu ngai bawk ka ta, Lalpa an Pathien ka ni si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:32

Pathienin a lunginsiet vawng theina dingin mi po po awi lonaah a khum ta vawng si a.