JEREMIA 33:24 - Pathien Lekhabu Inthieng (BSI)

²⁴ “Hi mi, Hnam pahni Lalpa thlanghai chu, anni chu a pei thlâk tah, tituhai chu ngaituo naw rawh; chuongchun, anni hmaa hnam hrim an ni ta nawna dingin, anni chun ka mihai chu an hmusit a nih.

JEREMIA 33:24 ပူးပေါင်းရင်းမြစ်များ

INPÂKNA HLABU 71:11

“Pathienin a mâksan tah: Hnawt unla, man ro; sanhimtu ding hrim an um si nawh,” tiin.

INPÂKNA HLABU 83:4

“Thaw ro, an hnam bo khawpin sukbohmang ei tiu, Israelhai hming hrim hrim hi hriet zinga a um ta nawna dingin,” an ta,

INPÂKNA HLABU 83:5

Inthuruolin an inrâwn a, I chungah a se tienga thaw dingin thu an intiem tâwl a.

INPÂKNA HLABU 94:14

Lalpa chun a mihai a pei thlâk âwm si naw a, A rochan chu mâksan bawk naw nih.

ISAI 11:13

Chuongchun, Ephraim hai îtthîkna chu bo tâng a ta, Juda hai sukbuoituhai chu sukbohmangin um tâng an tih; Ephraim hai chun Juda hai chu îtthîk ta naw ni hai a, Juda hai khawma Ephraim hai chu sukbuoi ta naw ni hai.

ISAI 7:17

Ephraim chun Juda a ṭhe nia inthawka la tlung ngailo nihai chu Lalpa chun i chunga le, i khuoletuihai chunga le, i pa sûnghai chunga chun intlungtir a tih; Assuria lal ngei chu,” a ta.

JEREMIA 3:7

Hieng thilhai po po hi a thaw zo hnung chun ka kuomah hung kîr nâwk ka lo ring a, nisienlakhawm, a hung kîr si naw a, a zuorpuinu rilotak Juda khawm chun ama chu a hmu a.

JEREMIA 3:8

Israel hnungtawl chun uiretna thil a lo thaw ka hmu lei tak chun ama chu ka mâk a, inmâkna lekha ka pêk tah ti a hmu sa khawmin a zuorpuinu rilotak Juda chun ṭitna châng a hriet chuong naw a, ama ngei khawm chu a fe a, nawchizawrah a khawsa ve ta a.

JEREMIA 30:17

Hrisêlna pe nâwk ka ti che a, i hliemnahai chu sukdampêk ka ti che, Lalpa chun a ti si a; ‘Zion hi a nih, tukhawma an pawisak naw chu,’ tiin, nang chu hnam ṭawphnawk an inbûk che leiin.

JEREMIA 31:36

Hieng thil ruothai hi ka hmaa inthawka an lo fe hmang chun, Israel khawm chu kumkhuoa dingin ka hmaa chun hnam an ni chu bo ve bawk a tih.

JEREMIA 31:37

Lalpa chun hieng hin a tih: Chunga vân khi inkhi thei a na, hnuoia leihnuoi lungphûm chu zawng suok thei a ni chun, thil an lo thaw tahai po po lei khan Israel chi chu pei hmang vêng ka tih: Lalpa chun a tih.

JEREMIA 33:23

Chun, Jeremia kuoma chun Lalpa thu chu a hung tlung a,

JEREMIA 33:26

Abraham hai, Isak hai, Jakob hai thlahai chunga rorêltuhai ding ka lâk nawna dingin, ka siehlaw David le Jakob thla chu peihâwn vêng ka tih; an sal intângna chu kân kîrtir ding a na, an chunga chun zângaina ka nei ding a ni si a”tiin.

JEREMIA 51:5

Israelhai amanih, Judahai amanih, an Pathien, sipaihai Lalpa chu a nghatsan si naw a; an ram chu Israel Mi Inthieng dodâlin khawhlonain sip hle sien khawm.

ṬAP HLA 4:15

“Fe hmang ro, thieng nawhai,” tiin mihaiin an khêk khum a, “Tir hmang ro, Tir hmang ro, Tâwk naw ro”, tiin. Tlânsie le invai an hung ni ta a, Hnamhai lai chun mihaiin, Eini lai um ta naw raw hai se, an ti a.

EZEKIEL 25:3

Ammon thlahai kuoma chun hieng hin hril la, Lalpa Pathien thu chu lo ngai unla, Lalpa Pathien chun hieng hin a ti a nih: Ka hmun inthieng chu sukhmingsiet a ni laiin le, Israel ram chu râusan a ni laiin le, Juda sûngkuo chu sala an intâng lai khan, ‘I hih,’ i lo ti tâk lei khan;

EZEKIEL 26:2

“Mihriem naupa, Tura chun Jerusalem chunga chun, E he, hnam tinhai dâi kawtkhâr chu a tliek a ni ta hi; tuhin keia kuom tieng a hung inher ta a, kei chu hluosip nâwkin um ka ta; tuhin ama chu suksiet a ni hi, a ti leiin,

EZEKIEL 36:2

Lalpa Pathien chun hieng hin a tih; Hmêlma chun i chunga chun, ‘I hi! tienlaia bâwlhmunhai chu ei ta a ni tah,’ an ti khum che leiin;

EZEKIEL 36:20

Chun, hnamhai laia an hung chun, an fena tieng tieng ka hming inthieng chu an sukpawrche a; chutaka chun mihai chun, ‘Hienghai hi Lalpa mihai chu an na, a rama inthawka suokhai chu an nih,’ an ti a.

EZEKIEL 37:11

Chun, ka kuoma chun, “Mihriem naupa, hieng ruhai hi Israel sûngkuohai po po chu an na, ngai ta, anni chun, ‘Ei ruhai hlak a ṭâwl zo ta a, ei beisei hlak a bo dêr ta a; sâtthlâk ei ni ta a ni hi,’ an ti a.

EZEKIEL 37:22

chu rama chun Israel tlânghai chunga chun anni chu hnam khatah siem ka tih; chun, lal pakhat an rênga lal nîng a ta; hnam hni ni ta naw ni hai a, lalram pahnia khawm inṭhe bawk ta naw ni hai;