JEREMIA 33:17 - Pathien Lekhabu Inthieng (BSI)

¹⁷ “Lalpa chun hieng hin a ti si a: Israel sûngkuo lalṭhungpha chunga ṭhung ding, David chun mi tlasam ngai naw ni;

JEREMIA 33:17 ပူးပေါင်းရင်းမြစ်များ

2 SAMUEL 3:29

Joab lu chungah tla sienla, a pa sûnghai po po chunga leh; Joab sûnghaia inthawka thil pût amanih, phâr amanih, hmawl ringsana um mi amanih, kâwlhnâma thi amanih, ṭâm amanih hung um lovin um naw raw se,” a ta.

2 SAMUEL 7:12

I nihai a kina, i puhai kuoma i zâl pha chun, i hnunga i thla, i rîla ra ding chu tungding ka ta, a ram chu sukdet ka tih.

2 SAMUEL 7:13

Ama chun ka hming dingin in bâwl a ta; chun, a ram lalṭhungpha chu kumkhuoa dingin suknghet ka tih.

1 LALHAI 2:4

Lalpain ka chungchâng thua, ‘I thlahaiin an lungril tak le, an lungvar taka ka mithmua thutaka um dinga an umdân an fîmkhur chun Israelhai lalṭhungphaa ṭhung ding tlasam naw ti ni,’ tia a hril kha a sukdet ding a nih.

1 LALHAI 8:25

Chuongchun, aw Lalpa Israelhai Pathien, i siehlaw ka pa David kuomah, ‘I thlahai chu ka mithmua i um anga ka mithmua um ve dinga an um dâna an fîmkhur phawt chun ka mithmuah Israelhai lalṭhungphaa ṭhung ding tlasam naw ti nih,’ tia i lo tiem ta kha hung hlen la.

2 LALHAI 11:2

Ahazia naupa Joas ruok chu lal Joram naunu, Ahazia farnu Jehoseba chun lal naupasal an thathai laia inthawk chun a ṭhuoi hmang a, a enkawltu leh khum pindanah ân umtir a. Athalia hmu thei lo dingin an thuphmang a; chuongchun, that a ni ve ta naw a.

1 CHANCHIN SUINA 17:27

chuongchun, tuhin i hmaa kumkhuoa a um zing theina dingin i siehlaw sûngkuo chu malsâwmpêk hi i lawmzâwngtak a na; Aw Lalpa, nang chun mal i sâwm tah a, kumkhuoa dinga malsâwm a ni ta si a,” tiin.

INPÂKNA HLABU 132:12

I nauhai chun ka thuthlung le, Ka thuinhriettir, anni ka lân chûktir ding chu, an zâwm chun, An nauhai khawm kumkhawtluongin i lalṭhungphaa chun ṭhung pei an tih,” tiin.

ISAI 9:7

David lalṭhungpha chunga le a ram chungah a rorêlna pungzie le inremnain tâwpintai nei naw nih, sukdet ding le tuta inthawka chatuon chen khawma rorêlna le felnaa tungding dingin. Sipaihai Lalpa ṭhahnemngaina chun chuong chu thâwng a tih.

JEREMIA 17:25

hi dai kawtkhârhaia hin lalhai le rorêltuhai David lalṭhungphaa ṭhunghai chu sakawr tawlailîr le sakawr chunga chuongin, anni le an rorêltuhai le Juda mihai le Jerusalem hluotuhai chu la lût an tih; chun, hi khawpui hi kumkhuoin um zing bawk a tih.

JEREMIA 35:19

sipaihai Lalpa, Israel Pathien chun hieng hin a tih: Rekab naupa Jonadab hin kumkhuoin ka hmaa ngîr ding mi tlasam ngai naw ni,” tiin.