JEREMIA 33:11 - Pathien Lekhabu Inthieng (BSI)

¹¹ hlimna râwl dâm, lâwmna râwl dâm, moneitu râwl dâm, mo le, ‘Sipaihai Lalpa kuoma chun lâwmthu hril ro, Lalpa chu a ṭha si a; a zainêmna chu kumkhuoin um zing a tih,’ tituhai râwl le, Lalpa ina lâwmthu hrilna inthâwinahai hung chawituhai râwl ri chu. Hi ram sal intângna hi a tîr ang khan ka lamlêt ding a ni si a, Lalpa chun a tih.

JEREMIA 33:11 ပူးပေါင်းရင်းမြစ်များ

1 CHANCHIN SUINA 16:34

Aw Lalpa kuomah lâwmthu hril ro, ama chu a ṭha si a, A zângaina chu kumkhuoin a um zing si a.

1 CHANCHIN SUINA 16:8

Aw, Lalpa kuomah lâwmthu hril unla, a hming lam ro; Mi tin lai chun a thil thaw inhriettir ro.

2 CHANCHIN SUINA 20:21

Chun, mipuihai chu ân fui zo hnung chun, sipaihai hmaa an fe suok phaa inthieng mawina chu inpâka Lalpa kuoma hla sak dingin mi a ruot a: “Lalpa kuomah lâwmthu hril ro, a zângaina chu kumkhuoin a um zing si a, ti ro” a ta.

2 CHANCHIN SUINA 29:31

Chun, Hezekia chun a dawn a, “Tuhin chu Lalpa kuoma chun in inpêk ta a, hung hnai unla, lâwmna thilinhlânhai le inthâwinahai chu Lalpa ina chun hung inhlân ro,” a ta. Chuongchun, mipuihai le inthâwinahai chu an hung inhlân a; chun, mi a nuom zât zât chun pumrawhmang thilinhlân khawm chu an hung lâk bawk a.

2 CHANCHIN SUINA 5:13

Lalpa inpâka, lâwmthu hrila, hla saktuhai le tawtawrâwt puhai chu pakhat ang el a, ri inremtaka hriet a ni hlak a; tawtawrâwthai le, dârbenthekhai le, rimawi thawna thuomhnawhai leh an râwlhai an insuo a, Lalpa chu inpâka, “Ama chu a ṭha si a; a zângaina chu kumkhuoin um zing a tih,” an ti pha chun, Lalpa in chu sûmin a hung sip hlak a,

2 CHANCHIN SUINA 7:3

Mei a hung tla a, in chunga chun Lalpa ropuina a um zing lai chu Israel mipui po po chun an en zing a; tuolzâwla chun an hmaihaia hnuoi sikin an kûn a, chibai an bûk a; “Ama chu a ṭha si a, a zângaina chu kumkhawtluonga um zing ding a nih,” tiin, Lalpa chu lâwmthu an hril a.

EZRA 6:22

chawl ṭhanglo bei ruoiṭhe khawm chu hlimtakin ni sari sûng an hmang a: Lalpa chun anni chu a sukhlimin, Israel Pathien, Pathien in sin thawa chun an kuthai sukhrât dingin Assuria lal lungril chu anni chungah ân hertir ta nghâl si a.

NEHEMIA 12:43

Chu ni chun inthâwina nasatak an inhlân a, an hlim hle el a; Pathienin hlim namên lovin a sukhlim a nih; chun, nuhmeihai le naupanghai chen khawmin an hlim hle a; chuongchun, Jerusalem hlimna chu hlataka inthawk khawmin ân hriet a.

NEHEMIA 8:12

Chuongchun, thu a hrilfie chu an hrietthiem leiin mipui po po chu fa ding dâmin, dâwn ding dâmin, mi dang chanpuol thawn ding dâmin, hlimtaka um ding dâm chun an ṭîn ta vawng a.

INPÂKNA HLABU 106:1

Lalpa chu inpâk ro, Lalpa kuoma chun lâwmthu hril ro, ama chu a ṭha si a; A ngilneina chun kumkhuo a dai si a.

INPÂKNA HLABU 107:1

Aw Lalpa kuomah lâwmthu hril ro, ama chu a ṭha si a; A ngilneina khawm kumkhuoin a um ding a ni si a,

INPÂKNA HLABU 107:22

Anni chun lâwmthu hrilna inthâwinahai chu inhlân hai sienla, A thilthawhai chu hlaa sakin hril raw hai se.

INPÂKNA HLABU 116:17

Lâwmthuhril inthawinahai chu inhlân ka ti che a, Lalpa hming chu ko ka tih.

INPÂKNA HLABU 147:13

Ama chun i kul kawtkhârhai kalna thingtluonhai chu a sukngar a, I sûnga i nau le te umhai chu mal a sâwm si a.

INPÂKNA HLABU 85:7

Aw Lalpa, i zainêmna chu mîn hmutir la, I sandamna chu mi pe bawk la,

ISAI 35:10

chun, Lalpa intlanhai chu kîr nâwk an ta, hla sak pumin Zion chu tlung an tih; chatuona lâwmna an lu chungah um tâng a ta, hlimna le lâwmna hmûng an tih, lungngaina le inrûmna chu bo tâng a tih.

ISAI 51:11

Chun, Lalpa intlanhai chu kir nâwk an ta, hla sak pumin Zion chu tlung an tih; chatuona lâwmna an lu chungahai chun um tâng a ta, lâwmna le hlimna hmûng an ta, lungngaina le inrûmna chu bo tâng a tih.

ISAI 51:3

Lalpa chun Zion chu a thlamuon ta si a; a hmun se tahai po po chu a thlamuon a, a thlalêr chu Eden angin a siem a, a ram ṭâwl chu Lalpa huon angin a siem bawk a; chutaka chun lâwmna le hlimna dâm, lâwmthu hrilna le hla sak ri dâm um a tih.

ISAI 52:8

Ngai rawh, i râl vêngtuhai râwl chu! Râwl an insuo a, hlimtakin hla an sak tâwl chu, Lalpa chu Ziona a hung kîr nâwk pha chun inhmatuokin an hmu ding a ni si a.

ISAI 52:9

Jerusalem hmun se ta hnunghai, hlim suok phut unla, hlimtakin hla sak tâwl ro; Lalpa chun a mihai chu a thlamuon ta si a, Jerusalem chu ân tlan tah a nih.

JEREMIA 16:9

Israel Pathien sipaihai Lalpa chun hieng hin a ti si a: Ngai ta u, i nihaia hin, in mithmua inthawkin hlimna râwl ri dâm, lâwmna râwl ri dâm, mo neitu râwl ri dâm le monu râwl ri dâm chu hi hmuna inthawk hin ka suktâwp ding a nih.

JEREMIA 17:26

Chun, Juda ram khawpuihaia inthawk dâm, Jerusalem vêl khuohaia inthawk dâm, Benjamin rama inthawk dâm, phai ram le tlâng rama inthawk dâm, Sim rama inthawk dâmin, Lalpa ina lâwmthu hrilna inthâwinahai, berâm dâm, inthâwina hrim hrim dâm, bu thilinhlân dâm, pumrawhmang thilinhlân dâm chu hung chawiin hung an tih.

JEREMIA 25:10

Chu nawa khawm, anni laia inthawk chun, hlimna râwl dâm, lâwmna râwl dâm, mo neitu râwl dâm, mo râwl dâm, bu râwtna ri dâm, sathâu khâwnvar varna dâm chu sukbo vawng ka tih.

JEREMIA 29:14

Nangni ihmuin um ka ta, Lalpa chun a tih: chuongchun, in sal intângna chu inlet ka ta, ka hnawt hmangna cheu hmun po poa inthawk le, hnam po pohaia inthawk chun ṭhuoi khâwm ka ti cheu a, Lalpa chun a tih; chun, sala intâng dinga ṭhuoi hmanga kân umtirna cheu hmuna bawk khan hung ṭhuoi kîr nâwk ka ti cheu.

JEREMIA 30:19

Annia inthawk chun lâwmthu hrilnahai siem a ta, hlimna siemtuhai râwl ri le chun: chun, anni chu sukpung ka ta, tlâwm naw ni hai: chun, anni chu chawimawi bawk ka ta; chîn naw ni hai.

JEREMIA 30:3

Ngai ta, nihai chu a hung tlung ta si a, Ka mi Israelhai le Judahai ka ṭhuoikîr nihai chu a hung tlung mêk ie, ram, an thlatuhai kuoma ka pêka chun ṭhuoikîr nâwk ka ta,hluo tîng an tih',ti hi Lalpa thusuok a nih,” Lalpa chun a tih.

JEREMIA 32:44

Mihaiin lohai chu tangka sumin inchâwng an ta, thuziek chu ziek det an ta, châr an tih, hrietpuituhai ko an ta, Benjamin rama dâm, Jerusalem vêla hmunahai dâm, tlângram khawpuiahai dâm, phairuoma khawpuihaia dâm, Sima khawpuiahai dâm chun: an sal intângnaa inthawkin kân kîrtir ding a ni si a, Lalpa chun a tih” tiin.

JEREMIA 33:26

Abraham hai, Isak hai, Jakob hai thlahai chunga rorêltuhai ding ka lâk nawna dingin, ka siehlaw David le Jakob thla chu peihâwn vêng ka tih; an sal intângna chu kân kîrtir ding a na, an chunga chun zângaina ka nei ding a ni si a”tiin.

JEREMIA 33:7

Juda sal intângna le Israel sal intângna chu inlamlêttir ka ta, a tîra ang khan anni chu rem ka tih.

JEREMIA 7:34

Chun, Juda khawpuihaia inthawk le Jerusalem kawtthlêrhaia inthawk chun hlimna râwl dâm, lâwmna râwl dâm, moneitu râwl dâm, mo râwl dâm inrêtir ka tih; ram chu suksiet a ni ding a ni si a.

AMOS 9:14

Chun, ka mi Israelhai chu sala inthawkin ṭhuoi kîr nâwk ka ta; khaw ṭâwphai chu siem nâwk an ta, hluong an tih; chun, grêp huonhai siem an ta, a uoin dâwn an tih; huonhai khawm siem an ta, a ra chu fâng an tih.

JONA 2:9

Kei ruok chun lâwmthu hrilna râwl leh i kuomah inthâwina inhlân ka ta; Thu ka tiem ta chu hlen ka ta, Sandamna chu Lalpa ta a nih,” tiin.

NAHUM 1:7

Lalpa chu a ṭha a, lunginzîng nia chun kul nghet a nih, amaa an ringna innghattuhai chu a hriet.

ZEPHANIA 3:14

Aw Zion naunuhai, hla sak ro; aw Israel, khêk suok rawh; Aw Jerusalem naunu, lungril po poin hlimin lâwm rawh.

ZEKARIA 10:7

Chun, Ephraimhai kha chu mi thilthawtheitak ang nîng an ta, uoin leiin an lungril chu hlim a tih; anih, an thlahai chu hmûng an ta, lâwm an tih; an lungril khawm chu Lalpaa chun lâwm bawk a tih.

ZEKARIA 8:19

“Sipaihai Lalpa chun hieng ang hin a tih: Thla lina bu ngheina le, thla ngana bu ngheina le, thla sarina bu ngheina le, thla sâwmna bu ngheina chu Juda sûngkuo ta ding chun hlimna le lâwmna le thafânna ruoiṭhehai an ni lem ding a nih: chuleiin, indikna le inremna hi ngaina ro,” tiin.

ZEKARIA 9:17

A ṭhatna chu a va nasa lâwm lâwmin, a mawina chu a va nasa lâwm lâwm de aw! bu chun tlangvâlhai chu sukhlim a ta, uoin thar chun nunghâkhai chu sukhlim a tih.

JOHAN 3:29

Moneitu chu a pasal chu a nih; nisienlakhawm, pasal ṭhien ngîr puma a thu hretu chu, pasal râwl leiin a lâwm bêk bêk hlak; hi ka lâwmna a tlung tah a ni hi.

HEBRAIHAI 13:15

Chuongchun, ama zâra chun inpâka inthawina hi Pathien kuomah inhlân rawp ei tiu; chu chu a hming ṭanna hmûr rahai chu a nih.

THUPUONGSUO 18:23

Khâwnvar khawm i sûngah var nâwk ta naw tawp a ta; pasal le mo ri khawm i sûngah hre nâwk ta naw tawp an tih. I sumdâwngtuhai chu hnuoia mi lienhai an ni si a; i dâwiin hnam po po hlêm an ni kha.