JEREMIA 32:9 - Pathien Lekhabu Inthieng (BSI)

⁹ Chun, kei chun chu chu Lalpa thu a nih ti ka hriet a. Chun, ka pami naupa Hanamel lo Anathotha um chu kân châwk ta a; tangka shekel sâwmpasari chu ama ka bûkpêk ta a.

JEREMIA 32:9 ပူးပေါင်းရင်းမြစ်များ

INṬANNA 24:22

sanghâwngseihai chun an dâwn khawp phingleh, siehlaw chun rângkachak hnâra inbûk duli bûk le, a kuta dingin bânbun pahni rângkachak tangka sâwm bûk a phawr a;

INṬANNA 37:28

Chun, Midian mihai sumdâwng an hung a; chuongchun, Josef chu khura inthawk chu an khai suok a, Ismael mihai kuoma chun Josef chu tangka sawmhniin an zawr ta a, anni chun Josef chu Aiguptaah an ṭhuoi ta a.

1 LALHAI 20:39

Chun, lal a hung tlung chun lal chu a lo ko a, “I siehlaw hin indona rûnpui hmunah ka va fe a; chun, ngai ta, mi pakhat hi a hung ngha a, ka kuomah mi pakhat a hung ṭhuoi a, ‘Ama hi lo vêng tlat rawh, a tlânhmang hlau chun a hringna aiah i hringna chân i tih, annawleh tangka talent khat i pêk ding a nih,’ a ta.

NEHEMIA 5:15

Nisienlakhawm, kha hmaa ram awptu ka hmaa lo umhai chu mihai chungah lu an lo ling hle a, tangka shekel sâwmli tiem lovin an beihai le uoinhai an lâkpêk hlak a; a chu nâksapah an siehlawhai chu mihai chunga chun an insuklal hle hlak a; amiruokchu, kei chun chu Pathien ṭina leiin chuong ang chun ka thaw ve nawh.

ESTHER 3:9

Lal remti zâwng a ni chun, anni chu sukbohmang ding an nih tia ziek hi ni el raw se; chun, keiin lal sum inhaia an hung sie dingin lal sinthawnaa enkawltuhai kuta chun tangka talent sîng khat pêng ka tih,” a ta.

FESUOKNA 21:32

Bâwngchalin siehlawpa amanih, siehlawnu a sik chun, a neitu chun an hotupa kuoma chun shekel tangka sâwmthum pêng a ta, chun, bâwngchal chu dêng hlum nîng a tih.

ISAI 55:2

Bu ni si lovah ieng dinga tangka in sêng am a na? Khawp le tlaina ni si lovah ieng dinga in tha in sêng am a na? Ka thu nguntakin ngai unla, thil ṭha chu fa ro, in hringna chu thil thau chun hlim raw se.

EZEKIEL 4:10

Chun, i bu i fâk ding chu a bûka bûk nîng a ta, ni tina shekel sâwmhni; hunbi nei takin i fâk chau ding a nih.

HOSEA 3:2

Chuongchun, tangka sâwmpanga le buṭei homer khat le a chenvein ama chu kân châwk a;