JEREMIA 32:41 - Pathien Lekhabu Inthieng (BSI)

⁴¹ Anih, anni chu sukṭha dingin an chungah hlim tâng ka ta, hi rama hin ka lungril po po le, ka lungvar po poin thudikah anni chu phun ka tih.

JEREMIA 32:41 ပူးပေါင်းရင်းမြစ်များ

INPÂKNA HLABU 80:8

Aigupta rama inthawka grêphrui i hung lâk a, Hnam tin chu i hnawt dawk a, i phun ta a;

ISAI 60:21

I mihai khawm an rêngin mi fel nîng an ta, i ram hi hluo kumkhuong an tih; chawimawia ka um theina dingin anni chu a zung kaksuok ka phun, ka kutsuok chu nîng an tih.

ISAI 62:4

“Mâk,” ti nâwk ta naw ni hai che a, i ram khawm chu, “Sukrêm,” ti nâwk ta naw ni hai a: “Hephzibah” ti lem tâng an ti che a, i ram khawm chu “Beula” ti bawk an tih, Lalpa i chungah a lâwm si a, i ram khawmin pasal a nei ding a nih.

ISAI 62:5

Tlangvâlin nunghâk nuhmeia an nei hlak ang hin i naupasalhaiin nuhmeiah nei an ti che: mo neitu chu mo chunga a lâwm angin, i Pathien chu i chungah lâwm a tih.

ISAI 65:19

Jerusalem chunga chun hlim ka ta, ka mihai chunga khawm lâwm ka tih; a sûnga chun ṭap ri chu hriet ni ta naw ni a, inrûm ri khawm hriet ni ta naw ni;.

JEREMIA 18:9

Chun, ieng huna khawm hnam amanih, lalram chungthuah siem ding le inngîr dinga ka hril a,

JEREMIA 24:6

An ṭhatna dingin an chungah ka mit inlên ka ta; chuongchun, hi rama ma hin hung ṭhuoi nâwk ka tih; chun, anni chu tungding ka ta, keihnuoi naw ningah; anni chu phun ka ta, phawi naw ningah.

JEREMIA 31:28

Chun, anni chu hmalthla ding le, sukchim ding le, peithla ding le, sukse ding le, sukrinum dinga ka enkai zing ang khan, chuong ang bawk chun, anni chu bâwl ding le phun dingin enkai zing ka tih, Lalpa chun a tih.

EZEKIEL 36:36

Chun, nangni vêla hnam mâksana la umhai po po chun kei Lalpa ngei hin hmun se tahai chu ka bâwlin, râusana um tahai khawm ka tungding a nih ti hre tâng an tih; kei Lalpa ngeiin ka hril ta a, thaw bawk ka tih.

HOSEA 14:5

Israel kuoma chun daidaw ang nîng ka ta, Ama chu lili angin hung vul a ta, Lebanon tlânga thing zung angin a zung thlâk dar a tih.

AMOS 9:15

An ramah anni chu phun ka ta, an kuoma ka pêk an rama inthawk phawidawkin um nâwk ta naw ni hai,” Lalpa i Pathien chun a tih.

MIKA 7:18

Nang anga khawhlona ngaidamtu le a rochan la um sun bawsietna fekhêltu Pathien tu am an um a?A lunginsenna chu kumkhuoin a vawng zing nawh, lunginsietnaa chun a lâwm êm êm hlak leiin.

ZEPHANIA 3:17

Lalpa i Pathien thilthawtheitak, sandamtu ding chu i sûnga chun a um a; Nang chu hlimnain lâwm a ti che a, a hmangainaa chun châwl a ta, Hla sakin nangmaa chun hlim a tih.

DÂN PAHNINA 28:63

A thaw ṭha ding cheu le a sukpung ding cheua Lalpa chu a thafân ang khan a sukbohmang ding cheu le a sukse ding cheuin Lalpa chu thafân a ta, in va hluo ding in va lûtna rama inthawk chun sawn hmang nîng in tih.

DÂN PAHNINA 30:9

Lalpa in Pathien chun in kutsuok po po hai, in rila rahai, in bâwng ruol punghai, in hnuoi rahaiah nasatakin sukpung a ti cheu a, in pi le puhai chunga a lâwm ang khan in chungah Lalpa lâwm nâwk a tih;