JEREMIA 32:39 - Pathien Lekhabu Inthieng (BSI)

³⁹ kumkhuoa an mi ṭi theina dingin anni chu lungril pakhat le lampui pakhat chau pêng ka tih; anni le an hnunga an thlahai ṭhatna dingin.

JEREMIA 32:39 ပူးပေါင်းရင်းမြစ်များ

INṬANNA 17:7

Chun, kei le nang le i hnunga i thlahai an thla sâwng peihai chen inkârah kumkhaw thuthlung dingin ka thuthlung hi sukdet ka tih, i ta ding le i hnunga i thlahai ta dinga Pathien ka nina dingin.

INṬANNA 18:19

Lalpa lampui an hraw theina dingin, a hnunga a nauhai le a sûnghai, thil feltaka thaw ding le rorêl anga thaw dinga thu a pêk theina dingin ama chu ka ruot ta si a, a chungchâng thu a hril chu Lalpain Abraham chunga ân tlungtir theina dingin,” a ta.

INṬANNA 22:12

Ama chun, “Naupang chunga khan i kut thlâk naw la, ama kha iengkhawm law naw rawh; i naupasal nei sun khawm mi pêk în ro naw leiin Pathien i ṭi ti tuhin ka hriet tah,” a ta.

2 CHANCHIN SUINA 30:12

Chun, Juda rama khawm chun Lalpa thua hotuhai le lal thupêk ang chu thaw dingin inthuruolna Pathienin a pêk a.

INPÂKNA HLABU 112:1

Lalpa chu inpâk ro, Lalpa ṭi mi chu a hamṭha ie, a thupêkhaia nasataka lâwm mi chu.

INPÂKNA HLABU 128:6

Anih, i tuhai chu la hmûng i ta; Israelhai chunga chun thlamuongna um raw se.

INPÂKNA HLABU 86:11

Aw Lalpa, i lampui chu mîn chûktir la, i thutaka chun um ka tih, I hming ṭi dingin lungril sakhat mîn puttir rawh.

THUVARHAI 23:17

I lungril chun misuolhai inhnar naw raw se, Sûnnithlâkin Lalpa ṭînaa chun um zing lem rawh.

ISAI 35:8

Chun, chutaka chun lamlien um a tih; lampui leh, chu chu, “Inthiengna Lampui,” tîng an ta; mi inthieng naw chu chutaka chun fe naw ni hai; amiruokchu, chuhai ta ding chun ni lem a tih; mi inzin inlawnhai, anih, mi invêthai khawm, chutaka chun inhmang naw ni hai.

ISAI 52:8

Ngai rawh, i râl vêngtuhai râwl chu! Râwl an insuo a, hlimtakin hla an sak tâwl chu, Lalpa chu Ziona a hung kîr nâwk pha chun inhmatuokin an hmu ding a ni si a.

ISAI 65:23

A thlâwnin sin inrim naw ni hai a, vângduoina el dingin nau nei bawk naw ni hai a, Lalpa malsâwm mi thlahai an ni si a, an nauhai chu an kuomah um zing an tih.

JEREMIA 24:7

An kuoma chun, Lalpa ka nih ti mi hre dingin lungril pêng ka ta; chuongchun, ka mihai nîng an ta, kei khawm an Pathien nîng ka tih; an lungril po po leh ka kuomah an hung kîr nâwk ding a ni si a.

JEREMIA 31:33

Amiruokchu, chuong nihai hnunga Israel sûngkuo le thuthlung ka siem ding chu hi hi nîng a tih, Lalpa chun a tih: an sûngrilahai chun ka dân chu sieng ka ta, an lungrilahai chun ziek bawk ka tih; chun, an Pathien nîng ka ta, anni chu ka mihai nîng an tih,

JEREMIA 32:40

Anni chu sukṭha dingin, annia inthawka kân her hmang nawna dingin, anni le chun kumkhaw thuthlung siem ka ta; chun, an lungrila chun keia ṭina sieng ka ta, keimaa inthawk chun fe hmang ta naw ni hai.

JEREMIA 6:16

Lalpa chun hieng hin a tih: Lampuiahai chun ngîr unla, en ta u, lampui ṭha hluihai chu indawn unla, “lampui ṭha chu khâw lai am a na; chu chu hraw unla, in thlarau ta dingin châwlna hmûng in tih,” tiin;

EZEKIEL 36:26

Lungril thar pêng ka ti cheu a, thlarau thar nangniah sie bawk ka tih; chun, in taksaa inthawkin lungril lung ang chu la hmang ka ta, lungril taksa anga innêm pe lem ka ti cheu.

EZEKIEL 37:22

chu rama chun Israel tlânghai chunga chun anni chu hnam khatah siem ka tih; chun, lal pakhat an rênga lal nîng a ta; hnam hni ni ta naw ni hai a, lalram pahnia khawm inṭhe bawk ta naw ni hai;

EZEKIEL 37:24

Chun, ka siehlaw David chu an chunga lal nîng a ta, chuongchun, berampu pakhat nei an ta, ka rorêlhai khawm chu hrâwng an ta, ka thu- ruothai chu pawmin thaw bawk an tih.

EZEKIEL 37:25

Ka siehlaw Jakob kuoma ram ka pêk, in thlatuhai chêngnaa khan chêng an ta; chutaka chun kumkhuoa dingin chêng an ta, anni le an nauhai leh, an nauhai nauhai leh; chun, ka siehlaw David chu kumkhuoa dingin an lal nîng a tih.

JOHAN 14:6

Isûn a kuomah, “Kei hi lampui le thutak le hringna ka nih; keimaa fe naw chu tukhawm Pa kuom an tlung ngai nawh.

JOHAN 17:21

Pa, nang keimaa i um le, kei nangmaa ka um ang bawk hin, anni khawm einia an umna dingin: nangin i mi tir ti khawvêlin an awi theina dingin.

THILTHAWHAI 13:33

khânga Pathienin Isu a keitho khan, eini an nauhai lei hin chuong chu a hlen a nih, Inpâkna Hla pahninaah, ‘Ka naupa i ni ie, vawisûn hin ka nei che a nih,’ ti ziek ang bawk khan.

THILTHAWHAI 2:39

A tiem kha, nangni ta ding khawmin, in nauhai ta ding khawmin, hlataka mi po po ta ding khawmin, Lalpa ei Pathienin a kuoma a kohai taphawt ta dingin a ni ie,” a ta.

THILTHAWHAI 3:26

Pathienin a Siehlaw chu a ruot a, in suolhai innghatsantir seng cheua mal sâwmpêk ding cheuin, nangni kuomah a hung tir hmasa tak a ni hi,” a ta.

THILTHAWHAI 4:32

Chun, a ringtu mipuihai chu lungril hmunkhat le ngaituo hmunkhatin an um a; anni laia pakhat khawmin an sum nei, “Ka ta bîk a nih,” an ti nawh; thil po po an inṭâwm lem hlak a.

THILTHAWHAI 9:31

Chuongchun, kohranhai chu Judai ram vêla dâm, Galili ram vêla dâm, Samari ram vêla dâm chun an det deu deu a, muongtakin an um ta a; chun, Lalpa ṭi dêkin, Thlarau Inthieng ithlamuongin an um a, an hung pung ta deu deu a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:16

Chun, bei tlang ât thlâk hmasatak chu inhlân thieng a ni chun a pumin chuong ang bawk chu a nih. A zung ân thieng chun a kâuhai khawm chuong ang bawk chu a nih.

1 KORINTH 7:14

Pasal awilo mi chu a nuhmei zârah sukthiengin a um a, nuhmei awilo mi khawm chu a pasal zâra sukthiengin a um bawk a nih; chuong ang chu ni naw sien chu in nauhai chu inthieng naw nihai; nisienlakhawm, an inthieng zing a nih.

2 KORINTH 13:11

A tâwp taka chun, unauhai, lâwmtakin um ro. Sukṭhat famkimin um unla, lungmuongtakin um unla, lungril hmunkhat put unla, lunginruoltakin um ro; chuongchun, hmangaina le inremna Pathien chu in kuomah a um ding a nih.

DÂN PAHNINA 5:29

Chuong ang lungril chu put hlak hai sien chu aw, mi ṭîng an ta, ka thupêkhai chu zâwm rawp an ta, anni le an nauhai khawm kumkhawtluongin an tluongtlung hle ding bah!

DÂN PAHNINA 6:2

nangni le in naupasalhai, in tupahaiin Lalpa in Pathien chu an ṭi a, an dam sûng po poa a thuruothai po po le a thupêk cheu hi in zâwmna ding le in chêng sâwt theina dingin.

DÂN PAHNINA 6:24

Chuongchun, hieng dânhai po po hi zâwm ding le ei ṭhat zingna dinga Lalpa ei Pathien chu ṭi dingin Lalpa chun thu a mi pêk a, vawisûn nia anga mi dama a mi hla theina dingin.

HEBRAIHAI 10:20

Puonzâr (a taksa) chu fe thlengin, lam thar le hring a mi hawng pêk ta a;