JEREMIA 32:37 - Pathien Lekhabu Inthieng (BSI)

³⁷ Ngai ta u, ka lunginsenna le ka ṭiumna le, ka lunginthaka anni ka hnawt hmangna ram po poa inthawk chun anni chu kei khâwm ka ta; hi hmuna hin hung ṭhuoi nâwk ka ta, himtakin inchêngtir ka tih;

JEREMIA 32:37 ပူးပေါင်းရင်းမြစ်များ

INPÂKNA HLABU 106:47

Aw Lalpa, kan Pathien, mi sandam la, Hnam tin laia inthawk hi mi ṭhuoi khawm rawh: I hming inthieng kuoma lâwmthu hril ding le, Nangma inpâkna chawimawi dingin.

JEREMIA 12:14

Ka tuolbâwm rilohai po po, ka mi Israelhai hluo dinga ka ti lo tâwksetu chunga chun Lalpa chun hieng hin a tih: Ngai ta u, an rama inthawk chun anni chu hmalthlâng ka ta, anni laia inthawk chun Juda sûngkuo chu hmalthlâng ka tih.

JEREMIA 16:14

Chuleiin, ngai ta, nihai a hung tlung, Lalpa chun a tih, “Lalpa Aigupta rama inthawka Israel mipuihai hung ṭhuoi suoktu chu a hring zing angin,” ti ni ta naw ni a,

JEREMIA 16:15

amiruokchu, “Lalpa hmâr tieng rama inthawk le, anni a hnawt hmangna ram po poa inthawka Israel mipuihai hung ṭhuoi suoktu kha a hring zing leiin,” ti ni lem tâng a tih; an thlatuhai kuoma ka lo pêk tah, an rama ngei khan anni chu ka hung ṭhuoi nâwk ding a ni si a.

JEREMIA 21:5

Keima ngeiin bân phar le kut hrâtin, lunginsenna le, ṭitumna le nasataka lunginthakna leh do ka ti che a.

JEREMIA 23:3

Ka berâm ruol laia hlâbîkhai chu, ram anni ka hnawt hmangna po poa inthawk chun hung ṭhuoi khâwm ka ta, an huonhaia chun hung ṭhuoi nâwk ka tih; chun, hung pung an ta, hung rahlâwk an tih.

JEREMIA 23:6

Ama dam sûng chun Juda chu sandam nîng a ta, Israel khawm chu himtakin chêng a tih, chun, hi hi hming ama kona ding chu nîng a ta, “Lalpa chu ei felna a nih,” ti hi.

JEREMIA 23:8

Hmâr rama inthawk le anni ka hnawt hmangna ram po pohaia inthawka Israel sûngkuo chu enkawla ṭhuoitu Lalpa ti ni lem tâng a tih: chuongchun, anni ram ngeia chun chêng tâng an tih.

JEREMIA 24:6

An ṭhatna dingin an chungah ka mit inlên ka ta; chuongchun, hi rama ma hin hung ṭhuoi nâwk ka tih; chun, anni chu tungding ka ta, keihnuoi naw ningah; anni chu phun ka ta, phawi naw ningah.

JEREMIA 29:14

Nangni ihmuin um ka ta, Lalpa chun a tih: chuongchun, in sal intângna chu inlet ka ta, ka hnawt hmangna cheu hmun po poa inthawk le, hnam po pohaia inthawk chun ṭhuoi khâwm ka ti cheu a, Lalpa chun a tih; chun, sala intâng dinga ṭhuoi hmanga kân umtirna cheu hmuna bawk khan hung ṭhuoi kîr nâwk ka ti cheu.

JEREMIA 30:18

Lalpa chun hieng hin a tih: Ngai ta u, Jakob puon in sal intângna chu inlêt nâwk ka ta; a chêngna hmunhai chu lunginsiet ka tih: chun, a dêng pâwng chung ngeiahai chun khawpui chu bâwl nîng a ta, lal in ropui khawm chu chutaka a um dân pângngai ang bawkin um a tih.

JEREMIA 31:10

Aw nangni hnamhai, Lalpa thu chu ngai unla, thlierkâr hlatakahai chun phuong ro; chun, “Israel sukdartu ngei chun, ama chu kei khâwm nâwk a ta, berâmpuin a berâm ruol a kawl ang chun ama chu kawl a tih,” tiin hril ro.

JEREMIA 32:15

Sipaihai Lalpa, Israel Pathien chun hieng hin a ti si a: Inhai, lohai, grêp huonhai chu hi rama hin inchâwk la ni nâwk an ti a ti si a,’ ” tiin.

JEREMIA 33:16

Chuong nihaia chun Juda chu sandam ni tâng a ta, Jerusalem khawm chu himtakin chêng tâng a tih: chun, ‘Lalpa chu ei felna a nih,’ ti hi koa a umna ding hming chu ni ta bawk a tih.

JEREMIA 33:7

Juda sal intângna le Israel sal intângna chu inlamlêttir ka ta, a tîra ang khan anni chu rem ka tih.

EZEKIEL 11:17

Chuleiin, ‘Lalpa Pathien chun hieng hin a tih, hnamhai laia inthawk chun la khâwm ka ti cheu a, sukdara in umna ramhaia inthawk chun kei khâwm ka ti cheu a, Israel ram chu pêng ka ti cheu,’ ti rawh.

EZEKIEL 20:34

hnam danghai laia inthawkin la suok ka ti cheu a, sukdara in umna ramhaia inthawk khan kut tha hrât le, bân phar le lunginsenna bunthla hielin kei khâwm ka ti cheu;

EZEKIEL 28:25

“Lalpa Pathien chun hieng ang hin a tih; Israel sûngkuohai chu sukdara an umna hnamhai laia inthawka ka lâk khâwm a, hnamhai mithmu ngeia annia sukthienga ka um pha chun, ka siehlaw Jakob kuoma ka lo pêk tah, anni rama ngei khan chêng tâng an tih.

EZEKIEL 28:26

Chutaka chun himtakin chêng an ta; anih, inhai bâwl an ta, grêp huonhai siem an ta, himtakin chêng an tih; anni sîr vêla anni sukpawrchetuhai chunga ka rorêlna ka sukpuitling pha chun, Lalpa an Pathien chu ka nih ti mi hre tâng an tih,” tiin.

EZEKIEL 36:24

Hnamhai laia inthawk chun ṭhuoi ka ti cheu a, rambung po poa inthawkin kei khâwm ka ti cheu a, in rama ngei chun ṭhuoi ka ti cheu.

HOSEA 1:11

Chun, Juda mipuihai le Israel mipuihai chu pung khâwm an ta, an lu ding ruot an ta, chu rama inthawk chun hang fêng an ta, Jezreel ni chu a ropui ding a ni si a.

HOSEA 3:5

Chu hnunga chun Israel mipuihai chu hnungkîr an ta, Lalpa an Pathien le an laltak David chu zawng an ta; ni nuhnunghaia chun Lalpa le a ṭhatna chu inthin pumin pan an tih.

JOEL 3:20

Juda ram ruok chu kumkhuoin um zing a ta, Jerusalem chu suona inthawka suon dang chenin.

ZEPHANIA 3:20

Chu pha chun hung la lût kati che a, chu pha chun la khâwm ka ti cheu; In mithmu ngeia in sal intângna ka hung lâk kîr pha chun, Leihnuoia hnam po polaia chun, inpâkna le hming ka siempêk ding cheu a ni si a,” Lalpa chun a tih.

ZEKARIA 14:11

Chun, mihai chu a sûnga chun chêng an ta, ṭawngsie hrim um ta naw ni a; Jerusalem chu himtaka hluo ni lem tâng a tih.

ZEKARIA 3:10

Chu nia chun, theichang kûng le grêphrui hnuoia chun nangni mi tin chun mâni tuolbâwmhai chu ko tâng in tih,” sipaihai Lalpa chun a tih.