JEREMIA 32:23 - Pathien Lekhabu Inthieng (BSI)

²³ chuongchun, an hung lût a, an nei a, nisienlakhawm, i râwl chu an awi naw a, i dân khawm chu an zâwm bawk naw a; anni chun thaw dinga thu i pêkhai a iengkhawm chu an thaw naw a; chuleiin, thil ṭha naw tinrêng chu an chunga chun în tlungtir a,

JEREMIA 32:23 ပူးပေါင်းရင်းမြစ်များ

EZRA 9:7

Kan thlatuhai hun laia inthawk tah vawisûn ni chen hin suol namên lovin kan suol ta a; kan khawhlonahai lei hin kan lalhai le kan thiempuhai chu hieng ram lalhai kuthaia hin pêk suokin an um ta a; vawisûn ni ang chen khawm hin hmêla hamhaina le, suksietnaa le sal intângnaa le kâwlhnâm kuoma pêkin an um hi.

NEHEMIA 9:15

an phîngṭam sukrena dingin vâna inthawkin bei i pêk a, an dangchâr sukrêna dingin lungpuia inthawkin tui i suksuokpêk a, i bân phar meua, ‘Pêng ka tih,’ i ti ram hluo ding thu i pêk a.

INPÂKNA HLABU 78:10

Pathien thuthlung chu an zâwm naw a, A dâna um an nuom naw bawk a;

JEREMIA 2:7

Chun, ram chênghnâwngtak, chutaka ra le a ṭhatna chu fa dingin ka ṭhuoi lût cheu a; amiruokchu, in lût chun, ka ram chu in sukpawrche a, ka rochan chu tirdakumah in siem ta a ni kha.

JEREMIA 26:4

Chun, an kuoma chun hieng hin tîng i ta: Lalpa chun hieng hin a tih: in hmaa ka sie ka dân chu hraw dinga ka thu in ngai naw chun,

JEREMIA 44:10

Vawisûn ni chen khawm hin an insukhnuoi naw a, an ṭi bawk naw a, ka dân khawm chu an zâwm bawk naw a, ka thuruothai khawm chu an hraw nawh; chuong in thlatuhai le nangni hma ngeia ka lo sie tahai kha.

JEREMIA 7:26

nisienlakhawm, keia thu chu an ngai chuong naw a, an na khawm an sit bawk naw a, an rîng chu an suktlûn a, an thlatuhai nêkin an thaw ṭha naw lem ta a.

ṬAP HLA 1:18

Lalpa chu a fel a nih; a thupêk dodâlin ka hel si a; Ngai ta u, ka ngên cheu, nangni hnam po pohai, ka lungngaina hi en ta u, Ka nunghâkhai le ka tlangvâlhai chu salah an fe ta a.

ṬAP HLA 1:8

Jerusalem chu lungngaithlâktak elin a lo suol ta a; chuleiin, thil thieng naw ang a hung ni ta a; A saruokna chu an hmu leiin, ama lo inza hlaktuhai po po khawm khan an hmusit ta a; Anih, ân rûm a, nawtieng a ngha a.

EZEKIEL 20:18

Chun, an thlahai kuomah thlalêra khan, ‘In thlatuhai thuruothai chu hraw naw unla, an rorêlhai chu pawm bawk naw unla, an milimhai chun nangni le nangni insukpawrche bawk naw ro;

EZEKIEL 20:21

Nisienlakhawm, chuong thlahai chu ka chungah an hel ta rawp a, ka thuruothai chu an hraw naw a, ka rorêlhai khawm chu thaw dingin an zâwm bawk naw a; chuong chu miin a thaw chun chuonga chun hring a tih; ka châwlni khawm an sukpawrche a; chun, kei chun thlalêra an chunga ka lunginsenna chu sukpuitling dingin an chunga chun ka lunginsenna chu ka bunthlâk ding a nih ka ti a.

EZEKIEL 20:8

Nisienlakhawm, ka chungah an hel a, ka thu an ngai naw a; mi tin chun an mithmua an tirdakumnahai chu an pei thlâk naw bawk a; Aigupta milimhai khawm chu an nghatsan bawk naw a; chun, kei chun, ‘an chunga chun Aigupta ram sûnga an chunga ka lungsenna sukpuitling dingin ka lunginsenna chu ka bunthlâk ding a nih,’ ka ti a;

LUKA 17:10

Chuong ang bawkin, nangni khawmin in kuomah thupêk ang po poa in thaw zo phaleh, ‘Suok ṭhahnem naw kan ni ie; kan thaw ding hrim kan thaw a nih,’ ti ro,” a ta.

JOHAN 15:14

Thu ka pêk taphawt cheu in thaw chun, ka ruolhai nîng in tih.

GALATI 3:10

Dân thilthawa um taphawthai chu ṭawngse hnuoiah an um si a, “Dân Lekhabua thu ziek po po anga thaw dinga um zing naw taphawt chu ṭawngsephurin an um hlak,” ti ziek a ni si a.

JAKOB 2:10

Tûkhawmin Dân zâwm kim sienla khawm, kawng khatah a suksuol si chun, a rênga chun thiemnaw changin a um ta a nih.

JOSUA 21:43

Chuongchun, Lalpain an thlatuhai kuoma inkhâma pêk a lo tiem tah chuong ram po po chu Israelhai chu a pêk a; chuongchun, ram chu an hluo a, a sûngah an chêng ta a.

JOSUA 23:16

Lalpa in Pathienin thuthlung a pêk cheu hi in bawsiet a, pathien danghai rawng inbâwl a, kûna chibai inbûk vai chun Lalpa lunginsenna chu in chungah inling a ta, ram ṭhatak a pêk cheua inthawk hi bohmang nghâl el in tih,” a ta.