JEREMIA 32:22 - Pathien Lekhabu Inthieng (BSI)

²² hi ram nênetui le khuoizua luong ram, an thlatuhai kuoma pêk dinga i lo tiem ta ram hi an kuoma chun i pêk ta a;

JEREMIA 32:22 ပူးပေါင်းရင်းမြစ်များ

INṬANNA 13:15

i ram hmu po po hi i kuoma le i thlahai kuomah kumkhuoa dingin ka pêk ding che a nih.

INṬANNA 24:7

Lalpa vân Pathien, ka pa ina inthawk le ka piengna rama inthawka mi ṭhuoi suoktu le, a mi betu, ‘Hi ram hi i thlahai kuomah la pêng ka tih,’ tia ka kuoma inkhâma hriltu chun, ama ngeiin vântirko chu i hmaah infetir a ta, chutaka inthawk chun ka naupa hi nuhmei i hung neipêk ding a nih.

INṬANNA 50:24

Chun, Josefin a unauhai kuomah, “Ka thi ding a ni ta a, nisienlakhawm, Pathienin hung kan ngei ngei a ti cheu a, hi rama inthawk hi hung ṭhuoi suok cheuin, Abraham, Isak le Jakob hai kuoma inkhâma pêk a tiem ramah ṭhuoi a ti cheu,” a ti a.

NEHEMIA 9:15

an phîngṭam sukrena dingin vâna inthawkin bei i pêk a, an dangchâr sukrêna dingin lungpuia inthawkin tui i suksuokpêk a, i bân phar meua, ‘Pêng ka tih,’ i ti ram hluo ding thu i pêk a.

FESUOKNA 13:5

Lalpain Kanaan mihai, Hit mihai, Amor mihai, Hiv mihai le Jebus mihai ram, in thlatuhai kuoma pêk ding cheua a itiem, khuoizu le nênetuia luong rama a ṭhuoi lût pha cheu chun hi thlaa bawk hin hi rawngbâwlna hunbi hi in hmang ding a nih.

FESUOKNA 3:17

Chun, in kuomah Aiguptaa rimsiknaa inthawkin Kanaan mihai, Hit mihai, Amor mihai, Periz mihai, Hiv mihai le Jebus mihai ram khuoizu le nênetuia luong rama chun ṭhuoi lût ka ti cheu ti ka tiem ta cheu kha,’ a tih, ti rawh.

FESUOKNA 3:8

chuleiin, Aigupta mihai kuta inthawka anni sansuok ding le, chu rama inthawka, Kanaan mihai, Hit mihai, Amor mihai, Periz mihai, Hiv mihai le Jebus mihai hmun, ram lien le ram ṭha, khuoizu le nenetui luong rama ṭhuoi lût dinga hung thla ka nih.

JEREMIA 11:5

hi vawisûn nia anga hi, nenetui le khuoizua luong ram anni pe dinga ka lo tiem ta chu, in thlatuhai kuoma ka ṭawng inkhâmna chu ka sukpuitling theina dingin,” tiin. Chun, kei chun “Amen, aw Lalpa,” tiin ka dawn a.

EZEKIEL 20:15

Chu nawa khawm, ram po pohai ropuina, nênetui le khuoizua luong anni ka lo pêk ta rama chun anni chu ka ṭhuoi lût naw ding a nih tiin thlalêra khan an kuomah ka bân ka lo phar ta a;

EZEKIEL 20:6

chu nia chun Aigupta rama inthawka, ram po pohai ropuina nenetui le khuoizua luong ram an ta dinga ka lo enthlit tah rama hung ṭhuoi dingin, an kuoma chun ka bân ka phar a.

NAMBAR 14:16

‘Lalpa chun hieng mipuihai hi ṭawng inkhâma a tiem rama chun a ṭhuoi thei naw leiin thlalêrah a sukhlum a nih,’ tiin hril rawi an tih.

NAMBAR 14:30

bân phar meua, Inumtir ka ti cheu, ka tina rama chun Jephunne naupa Kaleb le Nun naupa Josua chau naw chu lût naw tawp in tih.

DÂN PAHNINA 1:35

‘Hi suon rilotaka mi hin chu pakhat bêk khawmin in pi le puhai pêk dinga intkhâmna ram ṭhatak chu hmu naw tawp an tih.

DÂN PAHNINA 1:8

Ngai ta u, ram chu ka pêk dai ta cheu, in pu Abraham hai, Isak hai, Jakob hai le an hnunga an thla nâwk peihai kuoma inkhâma Lalpain a pêk ram chu va hluo ro,’ tiin.

DÂN PAHNINA 6:10

“Chun, Lalpa in Pathienin in pu Abraham hai, Isak hai, Jakob hai kuoma inkhâma a pêk cheu ram, in indin ni dêr lo, khaw ropui le mawitak tak dâm,

DÂN PAHNINA 6:18

Lalpa mithmua indik le ṭha chu in thaw ding a nih; in tluongtlung theina ding le Lalpain in pi le puhai kuoma inkhâma a lo tiem tah ram ṭhatak chu in va hluo theina dinga,

DÂN PAHNINA 6:23

eini ruok chu mi pêk dinga ei pi le puhai kuoma ṭawng a lo inkhâmna, chu ram chu a mi pêk theina dingin chutaka inthawk chu a mi ṭhuoi suok a.

DÂN PAHNINA 7:13

hmangai a ti cheu a, malsâwm a ti cheu a, sukpung a ti cheu a, pêk dinga in pi le puhai kuoma ân khâmna rama chun in rîla ra le in hnuoi ra khawm malsâwm bawk a tih, in bu dâm, in uoin dâm, in hriek dâm, in bâwngtehai le in berâmtehai khawm.

DÂN PAHNINA 8:1

“Dama in um a, in hung pung pei a, pêk ding cheua in pi le puhai kuoma Lalpain ṭawng ân khâmna ram chu in va hluo theina dingin thupêk vawisûna ka pêk cheu hi zâwm dingin in fîmkhur ding a nih.

JOSUA 1:6

Hrâttak le huoitakin um rawh, inkhâma an thlatuhai pêk ka lo tiem ta ram kha anni hi în hluotir ding a ni si a.

JOSUA 21:43

Chuongchun, Lalpain an thlatuhai kuoma inkhâma pêk a lo tiem tah chuong ram po po chu Israelhai chu a pêk a; chuongchun, ram chu an hluo a, a sûngah an chêng ta a.