JEREMIA 32:17 - Pathien Lekhabu Inthieng (BSI)

¹⁷ ‘Aw Lalpa Pathien; i bân phar le i thilthawtheina ropuitak chun vân le hnuoi chu i siem a; nanga ta ding chun iengkhawm intak taluo a um naw a;

JEREMIA 32:17 ပူးပေါင်းရင်းမြစ်များ

INṬANNA 18:14

Lalpa ta dingin thil hrim hrim intak taluo a um am a nih? Hun ruotah, hun a tlung tiktik chun, i kuomah hung nâwk ka tih, chun Sara chun naupasal nei a tih,” a ta.

2 LALHAI 19:15

Chun, Hezekia chu Lalpa hmaah a ṭawngṭai a, “Aw Lalpa, cherubhai chunga ṭhung, Israel Pathien, nang, nang chau hi hnuoi chung ram po po Pathien chu i nih; hnuoi le vân hi nangma siem a nih.

2 LALHAI 3:18

Chun, hi thil hi Lalpa mithmua chun thil chitê a na, chun, Moab mihai khawm chu in kutah pe bawk a ti cheu.

NEHEMIA 9:6

“Nangma chau hi Lalpa i na, vânhai vân le a sûnga um po pohai le, leihnuoi le a sûnga um po pohai leh, tuisuoriet le a sûnga umhai po po leh i siem a, a rêng chun i kawl ṭha hlak a; chun, vâna umhai chun chibai an bûk hlak che kha.

JOB LEKHABU (THE BOOK OF JOB) 42:2

“Thil po pohai chu i thaw thei vawng ti ka hriet a, I thiltum khawm dang ruol a ni naw a.

INPÂKNA HLABU 102:25

Leihnuoi innghatsan chu tiena i phûm tah a na, Vânhai khawm i kutsuok an nih.

INPÂKNA HLABU 136:12

Kut thahrât le bân phara: A ngilneina chu kumkhawtluongin a um ding a ni si a.

FESUOKNA 20:11

ni ruk sûngin Lalpa chun vân le hnuoi, tuipui le an sûnga um po po le chun a siem zo vawng a, a ni sari ni chun a châwl si a; chuongchun, Lalpain châwlni chu mal a sâwm a, ân ser ta a.

ISAI 42:5

Pathien, Lalpa, vân siemtu, keiphartu, hnuoi le a sûnga inthawka suok po po suklientu, a chunga mihai kuoma inthuokna petu chun hieng ang hin a tih:

ISAI 44:24

Lalpa, nangni intlantu, sula inthawka nangni inngîrtu cheu chun hieng hin a tih, “Kei hi Lalpa, thil po po siemtu, mâni chaua vân keiphartu, hnuoi suklientu chu ka nih; tu am ka kuomah a um a?

ISAI 45:12

Hnuoi hi ka siem a, a chunga mihriem um hi ka siem bawk a, keimân ka kut ngei hin vân ka keiphar a, a sipaihai chu thu ka pêk bawk a nih.

ISAI 59:1

Ngai ta u, Lalpa kut chu sandam theilo dingin suktawiin a um naw a, a na chu hre theilo dingin, a sêt bawk nawh:

JEREMIA 1:6

Chun, kei chun, “E, Lalpa PATHIEN, ngai ta, thu ka hril thei le; naupang el ka ni si a,” ka ti a.

JEREMIA 14:13

Chun, kei chun, “Aw Lalpa Pathien, ngai ta, zâwlneihai chun an kuoma chun, ‘Kâwlhnâmhai chu hmu ngai naw ti niu a, ṭâm khawm nei ngai naw ti niu a, amiruokchu, hi hmuna hin thlamuongna diktak chu pêng ka ti cheu,’ an lo tipêk hlak a,” ka ti a;

JEREMIA 21:2

anni chun, “Kan ngên che, kan ta dingin Lalpa chu thu mîn dawnpêk rawh; Nebukadnezzar Babulon lal chun keini hi a mi hung do a; keinia inthawka a kîr theina dingin, a thilthaw maktakhai ang po po khan Lalpa chun keini a mi thawpêk ding âwm am” an ta.

JEREMIA 27:5

ka bân phar le ka thilthawtheina nasatak chun hnuoi phêk chunga ramsahai le mihriem le leihnuoi chu ka siem a; chun, ka ngaia pêk ding âwm kuoma chun ka pêk ta a.

JEREMIA 32:27

“Ngai ta, mi tinrêng Pathien, Lalpa chu ka nih, keia ta dingin thil intak taluo a um am a nih?

JEREMIA 33:3

Kei mi hung ko la, lo dawn ka ti che a, thil ropui le inthup i hriet naw hai chu inentir ka ti che.

JEREMIA 4:10

Chun, kei chun, “E, Lalpa Pathien! Hi hnam le Jerusalem hi i lo hlêm let dêr a ni hi, ‘Muongna nei in tih,’ tiin i lo hril a, kâwlhnâm hlak chun hringna ngei a sun ta lem si hi,” ka ti a.

JEREMIA 51:15

“A thilthawtheinân hnuoi chu a siem a, a varnain khawvêl chu a tungding a, a hrietthiemna chun vânhai khi a keiphar bawk a;

JEREMIA 51:19

Jakob chan chu hieng ang hi chu a ni nawh; ama chu thil po poa hmasa a na, Israel khawm chu a rochana a chipui a nih; Sipaihai Lalpa chu a hming a nih.

EZEKIEL 11:13

Chun, thu ka hril lai chun Benaia naupa Pelatia chu a thi ta a. Chun, ka hmaia hnuoi sikin ka bawkkhup a, râwl inringtakin ka khêk a, “A khai, Lalpa Pathien! Israel la um sunhai hi i suktâwp el ding am a nih?” tiin.

EZEKIEL 9:8

Chun, an that zing lai chun keia khâta mâksanin ka um a, ka hmaia hnuoi sikin ka bawkkhup a, ka khêk a, “A, Lalpa Pathien! Jerusalem chunga i lunginsenna i bunthlâka hin Israel la um sunhai po po chu i sukbohmang vawng ding am a nih?” ka ti a.

DANIEL 2:22

Thurûkhai le thil inthûkhai chu an kuomah a puong a, Inthima thil um chu a hriet a, var chu amaa chun a um a nih.

DANIEL 6:20

Daniel kuomah, sakeibakneihai pûk kâwl chu a hung tlung hnai chun, ṭap râwlin a khêk a; lal chun Daniel kuoma chun, “Aw Daniel, Pathien hring siehlawpa, i Pathien a rawng i bâwl zing zing hlak chun sakeibakneihaia inthawkin a sansuok thei che am a nih?” a ta.

ZEKARIA 12:1

Israel chungthua Lalpa thu phurrik chu, Vânhai chu keiphar a, leihnuoi lungphûmhai chu phûm a, mihriem chu a sûnga a thlarau siempêktu Lalpa chun hieng hin a tih:

ZEKARIA 8:6

Sipaihai Lalpa chun hieng hin a tih, “Chuong nihaia chun hi chi hlaa umhai mithmua hin a mak hle chun, keia mithmua khawm a mak hle naw ding am a nih?” sipaihai Lalpa chun a tih.

NAMBAR 11:23

Lalpa chun Mosie kuomah, “Lalpa kut chu a tawi ta am a nih? I chungah ka thu angin a tlung le tlung naw chu hre nghâl i tih,” a ta.

MATTHAI 19:26

Chun, Isûn anni chu a en a, an kuomah, “Chu chu mihriem ithaw ruol a ni naw a; Pathien ding ruok chun iengkim thaw thei a nih,” a ta.

MARKA 10:27

Isûn anni chu a en a, “Chu chu mihriem ta dingin thaw ruol a ni naw a, Pathien ta ding ruok chun thaw ruol lo a ni nawh; Pathien ta dingin iengkim thaw thei a ni si a,” a ta.

LUKA 1:37

Pathien ta ding chun thaw thei naw iengkhawm a um si naw a,” a ta.

LUKA 18:27

Ama ruok chun, “Mihriem thaw ruollo hi Pathien thaw thei a nih,” a ta.

THILTHAWHAI 14:15

“Puhai, iengdinga hieng thilhai hi in thaw am a na? Keini khawm in nungchang ang put mihriem kan ni hi; hieng thil teplohai hi in nghatsan a, vân hai, hnuoi hai, tuipui hai, an sûnga um po pohai siemtu Pathien hring kuoma chun in hung kawpna dingin Chanchin Ṭha kan hung intlun cheu a ni hi.

THILTHAWHAI 15:18

Khawvêl siem tîra inthawkin hieng thu inhriettir hlaktu Lalpa chun a tih,’ ti ziek ang khan.

THILTHAWHAI 17:24

Pathien, khawvêl le a sûnga thil po po siemtu chu, hnuoi le vân lal a ni leiin, kuta bâwl inhaiah a um nawh.

THUPUONGSUO 4:11

“Nang kan Lalpa le kan Pathien, Ropuina dâm, chawimawina dâm, thilthawtheina dâm chu Hmu tlâk i nih ie, Nangin iengkim i siem a, I dit leia um le siem An ni bawk si a,” tiin.