JEREMIA 31:7 - Pathien Lekhabu Inthieng (BSI)

⁷ Lalpa chun hieng hin a ti si a; Jakob ta ding chun lâwmin hla sak unla, hnamhai lua um ta ding chun khêk bawk ro, puong dar unla, inpâk unla, “Aw Lalpa, Israel hla bîkhai, i mihai hi sandam rawh,” ti ro.

JEREMIA 31:7 ပူးပေါင်းရင်းမြစ်များ

INPÂKNA HLABU 106:47

Aw Lalpa, kan Pathien, mi sandam la, Hnam tin laia inthawk hi mi ṭhuoi khawm rawh: I hming inthieng kuoma lâwmthu hril ding le, Nangma inpâkna chawimawi dingin.

INPÂKNA HLABU 126:2

Chuong lai chun ei bau chu innuiin a sip a, Ei lei chu hla sakin. Chuong lai chun hnam tin laia chun, “Lalpain an ta dingin thil ropuitakhai a thawpêk a nih,” an ti a.

INPÂKNA HLABU 14:7

Israelhai sandamna chu Ziona inthawkin hung suok sienla chu aw! Lalpa chun a mihai sala an um chu a ṭhuoi kîr nâwk pha chun, Chu pha chun Jakob rawi hlim tâng an ta, Israel lâwm tâng an tih.

INPÂKNA HLABU 28:9

I mihai chu sandam la, i rochan chu malsâwm rawh: Anni chu châwm la, kumkhuoin pawm rawh.

INPÂKNA HLABU 67:1

Pathienin mi lunginsiet sienla, mal mi sâwm sienla; A hmêl chu ei chungah hung invartir raw se.

INPÂKNA HLABU 69:35

Pathienin Zion chu sansuokin, Juda khuohai chu a siem ding a ni si a, Chuongchun, chutaka chun um an ta, nei nghâl an tih.

ISAI 1:9

Sipaihai Lalpa chun hlabîkhai tlâwmte mi lo hlapêk naw sienla chu Sodom ang khan um dai tâng ei ta, Gomorra ang el khan um tâng ei tih.

ISAI 11:11

Chun, chu nia chun Lalpa chun a mihai, a thi mahla la um sun, Assuria rama inthawk dâmin, Aigupta rama inthawk dâmin, Pathros rama inthawk dâmin, Kus rama inthawk dâmin, Elam rama inthawk dâmin, Sinar rama inthawk dâmin, Hamath khuoa inthawk dâmin, tuisuoriet thlierkâra inthawk dâma la nâwk dingin a vawi hninaa chun a kut la phar nâwk a tih.

ISAI 37:31

Chun, Juda sûnghai laia a la dam sunhai chu a suktienga zungkeia, a tungzâwnga rain um nâwk a tih.

ISAI 37:4

Rabsake, a pu Assuria lalin Pathien hring hrilse dinga a itirpa thuhrilhai chu Lalpa i Pathienin a naa a hriethai chun la kâwk ngei a tih; chuleiin, hlabîka la umhai ta ding hin i ṭawngṭâina chu hang inhlân rawh,’ a ti a,” an ta.

ISAI 44:23

Aw vânhai, hlimtakin hla sak ro, Lalpain chu chu a thaw ta si a; leihnuoi hnuoitienghai, khêk ro, tlânghai, aw ramhnuoi le a sûnga thing um tinrênghai, hla sak suok phut ro: Lalpa chun Jakobhai chu ân tlan ta a, Israelhaia chun ân chawimawi ding a ni si a.

ISAI 52:8

Ngai rawh, i râl vêngtuhai râwl chu! Râwl an insuo a, hlimtakin hla an sak tâwl chu, Lalpa chu Ziona a hung kîr nâwk pha chun inhmatuokin an hmu ding a ni si a.

ISAI 61:9

Chuongchun, an thlahai chu hnam tin lai chun hriet nîng an ta, an nauhai chu mi tin laia hriet ni bawk an tih; anni hmu taphawt chun Lalpa malsâwm chi an nih ti hrieng an tih.

JEREMIA 20:13

Lalpa kuoma chun hla sak unla, Lalpa chu inpâk ro; thil suol thawtuhai kuta inthawk chun mi tlasam thlarau chu a sansuok si a.

JEREMIA 23:3

Ka berâm ruol laia hlâbîkhai chu, ram anni ka hnawt hmangna po poa inthawk chun hung ṭhuoi khâwm ka ta, an huonhaia chun hung ṭhuoi nâwk ka tih; chun, hung pung an ta, hung rahlâwk an tih.

JEREMIA 3:23

Indiktakin muolhaia ṭhangpuina beiseia umhai chu mipui inri mur murhai chu a thlâwn el a nih; indiktakin Lalpa ei Pathiena chun Israelhai sandamna chu a um a nih.”

JEREMIA 31:12

Chun, hung an ta, Zion tlâng insângna laiahai chun hla hung sak an ta; Lalpa ṭhatnaa chun bua leh, uoina leh, hrieka leh, berâm le bâwng ruol têhaiah lâwm an tih; an thla chu tuihnâwngtak huon ang nîng a ta, lungngai nâwk ta hrim hrim naw ni hai.

ṬAP HLA 1:1

Iengtiziea khawpui khânga mipuia sip kha khawsâwta ṭhung el am an ta a! Hnamhai laia khânga ropui kha, iem a tia hmeithai ang a hung ni ta el chu! Rambunghai laia a lalnu ni hlak kha, chîn lem a hung ni ta el chu!

EZEKIEL 6:8

Amiruokchu, ṭhenkhat la hlâng ka ta, ramhaia sukdara in um pha chun, hnamhai laia chun ṭhenkhat chun kâwlhnâm chu pumpel in tih.

HOSEA 1:7

Juda sûnghai ruok chu lainat ka ta, thalngul amanih, kâwlhnâm amanih, indona amanih, sakawr amanih, sakawr chung chuong mi amania anni sandam lovin, Lalpa an Pathien chun sandam ka tih,” a ta.

JOEL 2:32

Chun, hieng ang hi nîng a ta, tukhawm Lalpa hming lam taphawt chu sanhim nîng an tih; Lalpain a hril ang khan a tlânsuokhai chu Zion tlânga le Jerusalem khuoah an um âwm si a, chu hai lai chun Lalpain a kohai chu ṭhang an tih.”

AMOS 5:15

Suolna chu theida unla, ṭhatna ngaina unla, kawtkhâra rorêlna chu inngîr nghet ro; Josefhai laia hlabîkhai chunga chun Lalpa, sipaihai Pathien chun lunginsietna a nei el rawi mawh.

MIKA 2:12

Aw Jakobhai, in rêngin ko khâwm ngei ka ti cheu a; Israel mi la um sunhai chu ṭhuoi khâwm ngei ka tih; Bozra khaw berâm angin sie khâwm ka ta, ran ruol an hlo petna hmuna um angin; mipui an ni lei chun sa mur mur an tih.

MIKA 7:18

Nang anga khawhlona ngaidamtu le a rochan la um sun bawsietna fekhêltu Pathien tu am an um a?A lunginsenna chu kumkhuoin a vawng zing nawh, lunginsietnaa chun a lâwm êm êm hlak leiin.

ZEPHANIA 2:9

Chuleiin, kei le kei insâlin, sipaihai Lalpa, Israelhai Pathien chun a tih: “Matheilovin Moab chu Sodom ang hung nîng a ta, Ammon mihai chu Gomorra, chikhurhai hmun le zakthlai bil râusan kumkhuo ang chu hung nîng a tih. Ka mi a la um sunhai chun anni chu suksieng an ta, ka mi a la um sunhai chun hluong an tih.”

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:5

Chuong ang bawkin, tulai khawm hin lunginsietnaa thlang ang peiin pei thlâk mahla chu an la um.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:27

Isai khawma Israelhai thu khêkpuiin, “Israel mihai chu tuisuorieta phaiphin zâtin tam hai sien khawm, a ihrem bâk chau chu sandamin um an tih.

DÂN PAHNINA 28:13

Lalpain mei ni lovin, luah siem a ti cheu a, a hnuoihnung ni lovin a chunghnung pei nîng in tih; Lalpa in Pathien thupêk in awi a, tuta ka pêk cheu hi fîmkhurtaka pawm a, vawisûna thu ka pêk cheu,

DÂN PAHNINA 32:43

“Aw, nangni hnam tinhai, A siehlawhai thisen phuba chu a lâk ding a nih; Ama dotuhai chungah phuba a lâk ding a nih, A ram le a mihai ta dingin inremna famkim siem a tih,”