JEREMIA 31:34 - Pathien Lekhabu Inthieng (BSI)

³⁴ chun, mi tinin mâni tuolbâwmhai chu inchûktir ta naw ni hai a, mâni unauhai seng leh; “Lalpa chu hre ro,” tiin inchûktir ta naw ni hai, anni a chîn taka inthawka a lien tak chenin kei an mi hriet vawng ta ding a nih, Lalpa chun a tih: an bawsietnahai chu ngaidam ka ta, an suolna khawm hre zing ta naw ning.

JEREMIA 31:34 ပူးပေါင်းရင်းမြစ်များ

1 CHANCHIN SUINA 28:9

Chun, nang ka naupa Solomon, i thlatuhai Pathien chu hre la, lungril inhâwktak le lungril tlûntakin ama rawng chu bâwl rawh; Lalpa chun lungril sûng po po chu a zawng suok hlak a, lungrila tumhai khawm chu a hriet hlak si a; ama chu i zawng chun, i hmuah um ngei a ta; amiruokchu, ama chu i nghatsan chun, ama khawmin kumkhuoa dingin pei thla vêng a ti che.

INPÂKNA HLABU 25:7

Ka tleirâwl lai suolnahai le ka bawsietnahai chu hre zing naw la, Aw Lalpa, i ṭhatna leiin, I ngilneizie ang peiin mi hre zing rawh.

ISAI 11:9

Ka tlâng inthienga hrim hrim chun insuknat um ta naw ni a, insuksiet um bawk ta naw ni; tuihai hin tuisuoriet ân khum zing angin, leihnuoi hi Lalpa hrietnain a sip zo vawng ta ding a nih.

ISAI 29:24

Thlaraua invâkhmanghai khawm chun hrethiem tâng an ta, mi chierhai chun thuinchûktir chu inchûktir tâng an tih,” tiin.

ISAI 30:26

Chu naw khawm chu, Lalpa chun a mihai silna chu a tuom a, an sâtna pawphai chu a sukdam ni chun, thla var chu nisa var tlukin um tâng a ta, nisa var chu a lêt sariin, ni sari sûng var tlukin, um tâng a tih.

ISAI 33:24

Chu khuoa um chun, “Ka damnaw ie,” ti naw ni a, a sûnga mi umhai chu suol ngaidamin um an tih.

ISAI 33:6

I dam sûng chun um nghetna um a ta, sandamna dâm, varna dâm, hrietna dâm um ṭeu a tih; Lalpa ṭîna chu a ro a nih.

ISAI 38:17

Ngai ta, ka lungmuongna dingin a nih, ninginîpna nasatak ka nei kha; Nisienlakhawm, nang chun ka hringna i lunginsiet leiin, sietna khur sûnga inthawk chu i sanhim ta a; Ka suolhai po po kha i hnungtienga chun i pei vawng si a.

ISAI 43:25

Kei, keima ngeiin, keima le keima lei ngawta in bawsietnahai thaihmang hlaktu chu ka nih; in suolnahai khawm hre zing naw ning.

ISAI 44:22

In bawsietnahai chu sûm sâmup sukboin ka sukbo ta a, in suolhai chu sûm sukbo angin ka sukbo ta bawk a; ka kuomah hung kîr nâwk ro, kân tlan ta si cheu a.

ISAI 52:6

Chuleiin, ka mihai chun ka hming hrieng an tih; ngai ta, keima hi ka nih,” tiin.

ISAI 54:13

I nauhai po po chu Lalpa inchûktirin um an ta, i nauhai lungmuongna chu nasatak nîng a tih.

JEREMIA 24:7

An kuoma chun, Lalpa ka nih ti mi hre dingin lungril pêng ka ta; chuongchun, ka mihai nîng an ta, kei khawm an Pathien nîng ka tih; an lungril po po leh ka kuomah an hung kîr nâwk ding a ni si a.

JEREMIA 32:40

Anni chu sukṭha dingin, annia inthawka kân her hmang nawna dingin, anni le chun kumkhaw thuthlung siem ka ta; chun, an lungrila chun keia ṭina sieng ka ta, keimaa inthawk chun fe hmang ta naw ni hai.

JEREMIA 33:8

An suolna po po, ka chunga an lo suksuolnahaia inthawk khan anni chu sukthieng ka ta, an bawsietnahai po po chu ngaidam ka ta, ka chunga an lo suksuolnahai le, ka chunga an lo bawsietnahai chu.

JEREMIA 50:20

Chuong niahai chun, chuong pha chun, Lalpa chun a tih: Israel suolna chu zawng nîng a ta, iengkhawm um naw ni; chun, Juda suolna khawm chu hmu ni ta naw ni a; a mahla anga ka hla tahai chu ka ngaidam ding a ni si a.

JEREMIA 9:23

Lalpa chun hieng hin a tih: mi var chun a varna suong naw raw se; mi thilthawthei khawm chun a thilthawtheina suong bawk naw raw se; mi hausa khawm chu a hausakna suong bawk naw raw se;

HOSEA 2:20

Ringumnain huol ka ti che a, chuongchun, Lalpa chu hrieng i tih,

MIKA 7:18

Nang anga khawhlona ngaidamtu le a rochan la um sun bawsietna fekhêltu Pathien tu am an um a?A lunginsenna chu kumkhuoin a vawng zing nawh, lunginsietnaa chun a lâwm êm êm hlak leiin.

MIKA 7:19

Ngha kîr nâwk a ta, ei chungah lunginsietna nei a tih; ei khawhlonahai chu a ke hnuoiah sirdêng a tih; nangin an suolnahai po po chu tuipui mawng inthûktakhaia chun pei lût i tih.

HABAKKUK 2:14

tuipui chu tuihaiin ân khum angin, Lalpa ropuina hrietna chun hnuoi hi a suksip ding a ni si a.

MATTHAI 11:27

Ka pain thil iengkim a mîn kawltir tah; Pa naw chun Naupa hi tukhawmin an hriet nawh. Chun, Naupa le Naupain a puong nuomnahai chau naw chun tukhawmin Pa chu an hriet bawk nawh.

LUKA 1:77

An suolhai ngaidamna dinga, A mihai kuoma sandamna thu inhriettir dingin;

JOHAN 17:3

Hi hi chatuona hringna a nih: nang Pathien tak chau le i tir Isu Krista hriet hi.

JOHAN 17:6

“Nangin khawvêla inthawka mî i mi pêkhai kuoma khan i hming ka suklang tah. Anni chu i ta an ni tah, nangin anni chu kei i mi pêk ta a, anni chun i thu an zâwm tah:

JOHAN 6:45

Zâwlneihai Lekhabuah, ‘Pathien inchûktirin um vawng an tih,’ ti ziek a nih. Mi tin Pa thu hrea inchûk taphawt chu ka kuomah an hung hlak.

THILTHAWHAI 10:43

“Tûkhawm ama ring taphawt chu a hming leiin suolhai ngaidamin um an tih ti hieng a chanchin hi zâwlneihai po poin an inhriettir hlak kha a nih,” a ta.

2 KORINTH 2:10

Ieng kawnga khawm mi in ngaidam taphawt chu, kei khawmin ka ngaidam ve a; kei khawma ka ngaidam tasa chu, iengkhawm ka ngaidam ta chun, nangni leiin Krista hmaa chun ka ngaidam tah a nih;

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta si a.

EPHESI 1:7

A thisen leiin amaa chun ei intlanna ei nei a nih a lunginsietna hauzie ang peia ei bawsietnahai ngaidamna chu.

1 THESSALONIKA 4:9

Amiruokchu, unauhai, hmangai kawng thu chu ziek pêk cheu in ngai nawh, inhmangai tuo dingin nangni ngei Pathien inchûktirin in um si a.

HEBRAIHAI 5:12

A hun ngaituo chun inchûktirtu ni rau ta âwm in nia chu, Pathien thu inchûktirna bulhai chu inchûktir in ngai nâwk ta a; bu rum ni lova, nênetui la ngai mi ang in hung ni nâwk ta hi.

HEBRAIHAI 8:11

Chun, mi tinin, ‘Lalpa chu hre rawh,’ tiin Mâni tuolbâwm le, Mâni unau inchûktir ta naw ni hai a, A chîn taka inthawkin a lien tak chenin, An rêngin an mi hriet seng ta ding leiin.

HEBRAIHAI 8:12

An bawsietnaahai zângai ka ta, An suolhai khawm hre zing ta naw ning,” tiin.

1 JOHAN 2:20

Mi Inthieng kuoma inthawkin hriek nâlna in chang a, iengkim in hriet a nih.

1 JOHAN 2:27

Nangni chu ama kuoma inthawka hriek nâlna in hmu kha nangniah a umzing a, tu inchûktir khawm in ngai nawh, ama hriek nâlna chun thil po po thu ân chûktir lem cheu lei le, indiktak a na, khêl khawm a ni naw leiin, chu chu ân chûktir ang cheu khan amaah um zing ro.

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.

1 SAMUEL 2:12

Eli naupasalhai chu Belial nauhai an na, Lalpa chu an hriet naw a.