JEREMIA 31:33 - Pathien Lekhabu Inthieng (BSI)

³³ Amiruokchu, chuong nihai hnunga Israel sûngkuo le thuthlung ka siem ding chu hi hi nîng a tih, Lalpa chun a tih: an sûngrilahai chun ka dân chu sieng ka ta, an lungrilahai chun ziek bawk ka tih; chun, an Pathien nîng ka ta, anni chu ka mihai nîng an tih,

JEREMIA 31:33 ပူးပေါင်းရင်းမြစ်များ

2 SAMUEL 7:24

Chuongchun, i mi Israelhai chu chatuona i mihai an ni theina dingin i ta dingin i suknghet ta a; chun, Lalpa, nang chu an Pathien i hung ni ta a.

1 LALHAI 8:58

chuongchun, a lampuihai po po hraw ding le, ei puhai thu a lo pêk ta anga a thupêkhai, a thuruothai, a rorêlhai pawm dinga ei lungrilhai ama tienga ân nghattir theina dingin.

INPÂKNA HLABU 37:31

A Pathien dân chu a lungrilah a um a, A ke pên hrim hrim chu intawl naw nih.

INPÂKNA HLABU 40:8

Aw ka Pathien, i dit zâwng thaw hi ka lâwm zâwng tak a nih: Anih, i dân thu chu ka lungrilah a um zing ie,” ka ta.

INPÂKNA HLABU 40:9

Inkhâwmna ropuitaka chun felna chanchin ṭha ka khêkpui a, Aw Lalpa, ngai ta, Ka bau hi inro naw ning ti i hriet deh.

FESUOKNA 6:7

Ka mihai ni dingin lâng ka ti cheu a, in ta dingin Pathien ni bawk ka tih; chun, Aigupta mihai rikphurna hnuoia inthawka la suoktu cheu, in Pathien Lalpa ka nih ti hre tâng in tih.

THUVARHAI 7:3

I kutpârhaia chun khuopde la, I lungril phêk chunga chun ziek rawh.

ISAI 51:7

Felna hretu, ka dân thu lungrila vawn mihai, ka thu hi lo ngai ro, mihriemhai hrilsietna ṭi naw unla, an halna cheu leiin lunginzîng bawk naw ro.

ISAI 59:21

“Kei chu hi hi a nih an kuoma ka thuthlung chu: ka thlarau i chunga um le, ka thu i baua ka siehai chun, tuta inthawka chatuon chen khawmin i bau chu suoksan naw ni hai a, i thlahai thla nâwk sâwng bau khawm suoksan bawk naw ni hai,” Lalpain a tih.

JEREMIA 17:1

Juda suolna chu thîr kawlawm le, lunghlu hmawr zuma ziek a nih; an lungril lungphêka chun a kera ker a na, in maichâm kiahai le chun;

JEREMIA 24:7

An kuoma chun, Lalpa ka nih ti mi hre dingin lungril pêng ka ta; chuongchun, ka mihai nîng an ta, kei khawm an Pathien nîng ka tih; an lungril po po leh ka kuomah an hung kîr nâwk ding a ni si a.

JEREMIA 30:22

Chuongchun, ka mihai nîng in ta, kei chu in Pathien nîng ka tih.

JEREMIA 31:1

Lalpa chun, “Chu pha chun Israel pahnam po pohai Pathien chu nîng ka ta, anni chu ka mihai nîng an tih,” a tih.

JEREMIA 32:38

anni chu ka mihai nîng an ta, kei khawm an Pathien nîng ka tih;

JEREMIA 32:39

kumkhuoa an mi ṭi theina dingin anni chu lungril pakhat le lampui pakhat chau pêng ka tih; anni le an hnunga an thlahai ṭhatna dingin.

JEREMIA 32:40

Anni chu sukṭha dingin, annia inthawka kân her hmang nawna dingin, anni le chun kumkhaw thuthlung siem ka ta; chun, an lungrila chun keia ṭina sieng ka ta, keimaa inthawk chun fe hmang ta naw ni hai.

EZEKIEL 37:27

Ka biekbûk khawm chu anni lai chun um a ta, an Pathien nîng ka ta, anni chu ka mihai nîng an tih.

HOSEA 2:20

Ringumnain huol ka ti che a, chuongchun, Lalpa chu hrieng i tih,

ZEPHANIA 3:13

Israel mi hlabîkhai chun rîtlona thaw ta naw ni hai a, khêl khawm hril ta ngai naw nihai; an bauhaia chun lei mi hlêm hmangna hrim hrim khawm hmu ni ngai ta naw nih; khawp dingin fâng an ta, zâl an tih, tukhawma an sukṭi ta naw ding a ni si a,” a ta.

ZEKARIA 13:9

Chun, a hmun thumna chu meiah infethlengtir ka ta, tangkaruo chu sukthieng a ni angin sukthieng ka ta, rângkachak chu fie a ni angin fieng ka tih: chun, ka hming lam an ta, kei khawma anni chu ngai tâng ka tih; ‘Ka mihai an nih,’ tîng ka ta; chun, anni khawma, ‘Lalpa chu ka Pathien a nih,’ mi tîng an tih,” a ta.

JOHAN 20:17

Chun, Isûn a kuomah, “Mi chel naw rawh, tu chen khawmin Pa kuomah ka la hang fe nawh; amiruokchu, ka unauhai kuomah va fe la, an kuomah, ‘Ka pa, in Pa, Ka Pathien, in Pathien kuomah ka lâwn ding a nih,’ a tih, va ti rawh,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:27

Chu chu an kuoma ka thu thlung ding chu a nih, An suolhai ka lâk hmang pha chun,” tia ziek ang khan.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:22

Ka lungril takin Pathien dân chungah ka lâwm si hlak a;

2 KORINTH 3:3

Krista lekha, keini a mîn ziektir, lekhatuia ziek nilo, Pathien hring Thlaraua ziek lem, lung phêka ziek ni lova, mihriem lungril phêkhaia ziek lem chu in nih, ti chiengtaka inlangtir a ni si a.

DÂN PAHNINA 30:6

In hring theina dinga Lalpa in Pathien chu in lungril po po le in lungvar po poa in hmangai theina dingin Lalpa in Pathienin in lungril le in thlahai lungril ser chu tanpêk a ti cheu a.

1 THESSALONIKA 4:9

Amiruokchu, unauhai, hmangai kawng thu chu ziek pêk cheu in ngai nawh, inhmangai tuo dingin nangni ngei Pathien inchûktirin in um si a.

HEBRAIHAI 10:16

“Chuong ni hnunga chun, An kuoma thu ka thlung dinghai chu hieng hi a nih, Lalpain a tih, An lungrilah ka thupêkhai sieng ka ta, An lungrilah ziek bawk ka tih,” tia a hril hnung khan;

HEBRAIHAI 8:10

Chuong ni hnunga chun Israel sûnghai kuoma Thu ka thlung ding chu hieng hi a nih, Lalpain a tih; An lungrilah ka thupêkhai sieng ka ta, An lungrilah ziek bawk ka ta; Chun, anni ta dingin Pathien nîng ka ta, Keia ta dingin anni chu ka mihai ni bawk an tih:

THUPUONGSUO 21:3

Chun, lalṭhungphaa inthawkin rawl inring tak ka hriet a, “Ngai ta, Pathien bâwkte chu mihriem lai a hung um tah, Ama chu an kuomah um a ta, Anni chu a mihai nîng an ta, Pathien ngei chu an kuomah um a ta, An Pathien ni bawk a tih;

THUPUONGSUO 21:7

Hnetu taphawt chun chuong chu hluong an tih, kei an Pathien nîng ka ta, anni chu ka nauhai nîng an tih.