JEREMIA 31:31 - Pathien Lekhabu Inthieng (BSI)

³¹ Ngai ta u, nihai chu a hung tlung, Lalpa chun a tih, Juda sûngkuo le Israel sûngkuo le chun thuthlung thar siem ka ta;

JEREMIA 31:31 ပူးပေါင်းရင်းမြစ်များ

ISAI 59:21

“Kei chu hi hi a nih an kuoma ka thuthlung chu: ka thlarau i chunga um le, ka thu i baua ka siehai chun, tuta inthawka chatuon chen khawmin i bau chu suoksan naw ni hai a, i thlahai thla nâwk sâwng bau khawm suoksan bawk naw ni hai,” Lalpain a tih.

JEREMIA 23:5

Ngai ta, nihai chu a hung tlung mêk; Lalpa chun a tih: David-a hin kau feltak chu hung inṭotir ka ta, ama chun lal angin rorêl a ta, vartakin thâwng a ta; rama chun rorêlna le felna chu suksuok a tih.

JEREMIA 30:3

Ngai ta, nihai chu a hung tlung ta si a, Ka mi Israelhai le Judahai ka ṭhuoikîr nihai chu a hung tlung mêk ie, ram, an thlatuhai kuoma ka pêka chun ṭhuoikîr nâwk ka ta,hluo tîng an tih',ti hi Lalpa thusuok a nih,” Lalpa chun a tih.

JEREMIA 31:27

Ngai ta u, nihai chu a hung tlung, Lalpa chun a tih: Juda sûngkuo le Israel sûngkuo chu ramsa chi le mihriem chiin tûng ka ta.

JEREMIA 32:40

Anni chu sukṭha dingin, annia inthawka kân her hmang nawna dingin, anni le chun kumkhaw thuthlung siem ka ta; chun, an lungrila chun keia ṭina sieng ka ta, keimaa inthawk chun fe hmang ta naw ni hai.

EZEKIEL 37:26

Chu nawa khawm chun anni le chun inremna thuthlung siem ka ta, anni le chatuona thuthlung nîng a tih; chun, anni chu sieng ka ta, sukpung ka ta, anni laia chun ka hmun inthieng chu kumkhawtluongin sie tâng ka tih.

AMOS 9:13

Lalpa chun, “Ngai ta u, nihai chu a hung tlung a ni tah, chuong nihaia chun hnuoi inlettu chun bu âttu chu hnawt phâk a ta, grêp chîltu chun chi thetu chu la hnawt phâk a ta; tlâng insâng chun uoin thlum infartir a ta, tlâng po po chu intui an tih.

MATTHAI 26:28

hi hi ka thisen, suolhai ngaidamna dinga mi tamtak ta dinga suok ding, thuthlungna chu a nih

MARKA 14:24

Chun, ama chun, an kuomah, “Hi hi ka thisen, mi tamtak ta dinga suok ding thu thlungna chu a nih.

LUKA 22:20

Chun, zân bu fâk zoin chuong ang bawkin no chu a lâk a, “Hi no hi ka thisena thuthlung thar chu a nih, in aia suok ding chu.]

1 KORINTH 11:25

Chuong ang bawkin, zânbu fâk zovin, no khawm chu a lâk a, “Hi hi ka thisena Thuthlung Thar chu a nih. In dâwn povin in mi hriet zingna dingin thaw hlak ro,” a ti kha.

2 KORINTH 3:6

Ama bawk chun thuthlung thar rawngbâwltuahai a mîn tlin tir a; lekha thu ela rawngbâwltuahai ni lovin, Thlarau rawngbâwltuahai a ni lem; lekha thu ngawt chun a sukhlum hlak si a. Thlarau ruok chun a sukhring hlak a nih.

GALATI 6:16

Chun, chu dân anga um taphawthai chunga chun inremna le lunginsietna um raw se, Pathien Israelhai chunga khawm.

DÂN PAHNINA 29:14

Hi ṭawng inkhâmna thu le thuthlung thu hi in kuoma chau thlung ka ni naw a,

PHILIPPI 3:3

Eini Pathien Thlarau zâra Pathien bie le, Krista Isu suong le, taksa chunga ringna innghat nawhai hi, Sertanhai ei ni lem si a.

HEBRAIHAI 12:24

Isu thuthlung thar palai kuom dâm, thisen the, Abel thisen nêka ṭha lem hriltu kuom dâm tlung in ni lem.

HEBRAIHAI 13:20

Chun, berâm Vêngtu ropuitak, ei Lalpa Isu chu, chatuona thuthlungna thisen zâra mithi laia inthawka ṭhuoi suok nâwktu inremna Pathien khan,

HEBRAIHAI 7:12

Thiempu nîna chu a hung danglam ta leiin Dân thu chu sukdanglam ve a hung ngai ta hrim a nih.

HEBRAIHAI 9:15

Chun, hi lei hin ama chu thuthlung thar palai chu a nih, thuthlung hmasa hnuoia bawsietnahaia inthawk intlanna dingin mi a lo thi ta leiin, koa umhai chun chatuona ro hluo ding chu chang thei an tih.