JEREMIA 31:3 - Pathien Lekhabu Inthieng (BSI)

³ Lalpa chu hlataka inthawkin a kuomah a hung inlâr a. Kumkhaw hmangaina chun ka hmangai che a, chuleiin, lunginsietna ngilneina chun ka hîp che a.

JEREMIA 31:3 ပူးပေါင်းရင်းမြစ်များ

1 LALHAI 10:9

Lalpa i Pathien, i chunga lâwm êm êm, Israelhai lalṭhungphaa inṭhungtirtu che hi inpâkin um raw se; Lalpain kumkhuoin Israelhai hi a hmangai a, chuleiin, feltaka ro rêl dingin lalah a siem che a ni hi,” a ta.

INPÂKNA HLABU 103:17

Lalpa zainêmna ruok chu a ṭituhai chunga chun chatuona inthawka chatuon chenin um a ta, A felna khawm an thlahai thlahai chenin;

INPÂKNA HLABU 25:6

Aw Lalpa, i lainatnahai le i ngilneinahai chu hre zing la, Inhmaa lo um kumkhuo tah a ni si a.

HLAHAI HLA 1:4

Mi hîp la, i hnungah hung tlân kan tih: Lal chun a pindanhaia chun a mi ṭhuoi a; Nangmaa chun hlimin lâwm kan tih; Uoin nêk chun i hming chu hung hril lem kan ta; An hmangai takzet che a nih.

ISAI 43:4

Ka ngaia hlutak in na, mi inzaumtak in na, ka hmangai bawk cheu leiin, nangni aiah mihai pêng ka ta, in hringna aiah mi tin pêng ka tih.

ISAI 45:17

Israelhai ruok chu kumkhaw sandamnaah, Lalpa sandamin um an tih: chatuon chen khawmin muolphoin inzak naw ti niu.

ISAI 49:14

“Nisienlakhawm, Zion chun, ‘Jehova chun a mi mâksan a, Lalpain a mi theinghil tah,’ a ti a.

HOSEA 11:1

Israel chu a naupang lai huna inthawk khan ka hmangai a, Aigupta rama inthawkin ka naupa dinga ka ko suok a nih.

HOSEA 11:4

Mihriem hruihruol, hmangaina hruihai chun anni ka kei a, An ta ding chun an khâka kawl hlîppêktu ang chu ka na, Duottakin an hmaah fâk ding ka pêk a.

MALAKI 1:2

Lalpa chun, “Ka hmangai cheu a, nangni ruok chun, ‘Khaw lai am i mi hmangai a?’ in la ti rawp a,” a ta. Lalpa chun, “Esau chu Jakob unaupa a ni naw am a nih? Jakob chu ka hmangai a,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:30

Chun, a ruot lâwkhai chu a ko bawk a; a kohai chu thiem ân changtir bawk a; chun, thiem ân changtir hai chu a châwimâwi bawk a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:13

“Jakob chu ka hmangai a, Esau chu ka theida,” tia ziek ang khan.

DÂN PAHNINA 10:15

Nisienlakhawm, in pi le puhai hmangai chu a lâwm zâwng a na, hnam dang po po nêkin nangni, an hnunga an thlahai hi a lo thlang ta cheu a nih, tuta in ni ang hin.

DÂN PAHNINA 33:26

“Aw Jeshurun,i Pathien ang tukhawm an um dêr nawh, A ṭhangpui ding chea vânhaia inthawka hung a, A ropuinaa vân boruokhaia inthawka hung chu.

DÂN PAHNINA 33:3

Anih, a mihai chu a hmangai a, A mi inthienghai po po chu a kutah an um a; I ke bulah an ṭhung a, I thu chu pawm peiin,

DÂN PAHNINA 4:37

In pi le puhai chu a hmangai leiin an hnungah an thlahai chu a thlang cheu a, ama ṭhangin a thilthawtheina ropuitakin Aigupta rama inthawk chun a ṭhuoi suok cheu a;

2 TIMOTHE 1:9

Ama chun ei thilthawhai ang ni lovin, ama ruot le a lunginsietna ang lemin a mi sandam a, kona inthiengin a mi ko bawk a, chu lunginsietna chu leilung insieng hmâin Krista Isua chun ei kuoma pêk a ni tah;

JAKOB 1:18

A thilsiemhai hma ṭhuoitu ang ei lo ni theina dingin ama dit zâwngin thutaka inthawkin a mi nei a nih.

1 PETER 1:3

Ei Lalpa Isu Krista Pathien le Pa chu inpâkin um raw se. Ama chun, a lunginsietna nasatak angin, mithi laia inthawka Isu Krista thonâwkna leiin beiseina hring hmu dingin nauvin a mi nei nâwk a,

1 JOHAN 4:19

Amain a mi hmangai hmasak leiin ei hmangai a nih: