JEREMIA 31:27 - Pathien Lekhabu Inthieng (BSI)

²⁷ Ngai ta u, nihai chu a hung tlung, Lalpa chun a tih: Juda sûngkuo le Israel sûngkuo chu ramsa chi le mihriem chiin tûng ka ta.

JEREMIA 31:27 ပူးပေါင်းရင်းမြစ်များ

INPÂKNA HLABU 107:41

Nisienlakhawm, rimsihai chu rinumnaa inthawkin hmun insângah a dawm kai hlak a, Ran ruol angin sûnghai a siempêk hlak.

JEREMIA 30:19

Annia inthawk chun lâwmthu hrilnahai siem a ta, hlimna siemtuhai râwl ri le chun: chun, anni chu sukpung ka ta, tlâwm naw ni hai: chun, anni chu chawimawi bawk ka ta; chîn naw ni hai.

EZEKIEL 36:10

chun, nangniah mihai, Israel sûngkuo po po chu, an rêng elin, sukpung ka ta, khawpuihai chu hluoin um an ta, hmun suksieta um tahai khawm chu siem nîng an tih;

EZEKIEL 36:11

in sûnga chun mihriem le sa khawm sukpung ka ta; pung an ta, ra hlâwk an tih; chun, a hmaa in lo um dân pângngai ang bawk khan hluoa um dingin siem ka ti che a, in um ṭantir lai nêk hman khan in chungah thaw ṭha lem ka tih; chun, Lalpa chu ka nih ti mi hre tâng in tih.

EZEKIEL 36:9

Ngai ta u, kei chu in ta ding ka ni si a; in kuomah hung kîr ka ta, chun, inlet le chîng nîng in tih;

HOSEA 2:23

Chun, ama chu ka ta dingin hnuoia hin chîng ka ta, Lo-ruhama chu lainat ka ta, Ka mi nilo chu “Ka mi i nih” tîng ka ta, Chun, ama chun, “Ka Pathien i nih,” tîng a tih.

ZEKARIA 10:9

Chun, anni chu mipuihai laia chun tûng ka ta; ram hlataka khawm mi hre zing an tih; chun, an nau le têhai leh um an ta, hung kîr nâwk an tih.

DÂN PAHNINA 30:9

Lalpa in Pathien chun in kutsuok po po hai, in rila rahai, in bâwng ruol punghai, in hnuoi rahaiah nasatakin sukpung a ti cheu a, in pi le puhai chunga a lâwm ang khan in chungah Lalpa lâwm nâwk a tih;