JEREMIA 31:21 - Pathien Lekhabu Inthieng (BSI)

²¹ Lampui inchiknahai siem la, zui ding hmawlphunhai siem rawh, tlânglam tiengah, i fena lampui chu ngaituo la, kîr nâwk rawh. Aw nunghâk inthieng Israel, hieng i khawpuihai tienga hin kîr nâwk rawh.

JEREMIA 31:21 ပူးပေါင်းရင်းမြစ်များ

1 CHANCHIN SUINA 29:3

Chu nawa khawm chun, ka Pathien in dinga ditsakna tak ka nei leiin, rângkachak le tangkaruohai keima ta ngei siekhawl ka nei ti ka hmu chun, chu in inthieng ta dinga ka buotsaihai po po bâka chun, ka Pathien in ta ding chun ka pêk sa bawk a;

2 CHANCHIN SUINA 11:16

Chun, an hnunga khawm chun, Israel hnamhai lai po poa mi, Israel Pathien Lalpa chu lungrila zawngtuhai chun an zui a; an thlatuhai Pathien Lalpa kuoma inthâwi ding chun Jerusalemah an hung hlak a.

2 CHANCHIN SUINA 20:3

Chuongchun, Jehosaphat chu a ṭi ta a; Lalpa chu a zawng a, Juda ram po poa bunghei a rawt ta a.

INPÂKNA HLABU 62:10

Nêksâwrna hi ring naw unla, Inrûknaa chun beiseina teplo innghat naw ro, Hausakna hung pung sien khawm, a chunga chun in lungril innghat bawk naw ro.

INPÂKNA HLABU 84:5

Nangmaa hrâtna nei mi chu a hamṭha, A lungrila Zion panna lamlienhai umna chu.

THUVARHAI 24:32

Chun, ka en a, ka ngaituo rak a, Inchûktirna ka hmuin ka hriet ta a.

ISAI 48:20

Babulona inthawkin suok unla, Kaldaihai chu tlân hmangsan ro, hi hi hla sak riin inhriettir unla, hril unla kâwlkawdawng chen khawma sukri ro, “Lalpa chun a siehlaw Jakobhai chu ân tlan tah,” ti ro.

ISAI 57:14

Chun, ama chun, “Sung pâwng ro, sung pâwng ro, lampui buotsai ro, ka mihai lampuia an tlûkna ding chu pei ro,” tîng a tih.

ISAI 62:10

Suok unla, kul kawtkhârahai chun suok ro; mihai ta dingin lampui buotsai unla, sung pâwng unla, lamlien chu sung pâwng ro; lunghai chu rût fai unla, mihai ta dingin inchikna târ suok ro.

JEREMIA 3:12

Fe la, hieng thuhai hi hmârtieng ramah va khêkpui rawh, ‘Hung kîr rawh, nang Israel hnungtawl, Lalpa chun a tih; lungsenpumin en ta nâwng ka ti che, zângai theitak ka ni si a, Lalpa chun a tih, lunginsenna chu kumkhuoin kawl zing naw ning.

JEREMIA 3:14

Hung kîr ro, hnungtawl thlahai, Lalpa chun a tih; in pasal ka ni si a, chun, khawpuia pakhat le, pahnama pahni lâng ka ti cheu a, Ziona chun hung ṭhuoi ka ti cheu;

JEREMIA 31:4

Bâwl nâwk ka ti che a, bâwlin um i tih, Aw Israel nunghâk inthieng. Khuong têhai leh inthuom nâwk i ta, hlimna siema lâmtuhai lai chun fe suok i tih.

JEREMIA 46:11

Gileada chun hang fe la, thinghnai damdâwi hang la rawh, aw Aigupta naunu nunghâk inthieng, a thlâwn elin damdâwi tamtak i lo hmang ta a; i ta dingin damna hrim a um naw a.

JEREMIA 50:5

Hma sawngin Zion chu râwn an ta, ‘Hung ve ro, theinghila um ta ngai lo ding chatuon thuthlung chun Lalpa chu hung zawm ve ro khai,’ tîng an tih.

JEREMIA 51:50

“Nangni kâwlhnâma inthawka suokthlenghai, fe unla, ngîr ṭawk ṭawk naw ro, hlataka inthawk chun Lalpa chu hre zing unla, Jerusalem chu in lungrilah in hungtir hlak ro.

JEREMIA 51:6

Babulona inthawk chun tlân suok unla, mi tinin a hringna sandam raw se; a khawhlonaa sât thlâkin um naw unla, Lalpa phuba lâkna hun a ni si a; ama chun thungna chu pêng a tih;

JEREMIA 6:16

Lalpa chun hieng hin a tih: Lampuiahai chun ngîr unla, en ta u, lampui ṭha hluihai chu indawn unla, “lampui ṭha chu khâw lai am a na; chu chu hraw unla, in thlarau ta dingin châwlna hmûng in tih,” tiin;

EZEKIEL 40:4

Chu mi chun ka kuomah, “Mihriem naupa, i mithai khan en la, i nahai khan lo ngai bawk la, ka în hmutir dinghai che po po chunga chun i lungril sie rawh; i kuoma kân hmutir theina ding chea hi tienga hung ṭhuoi i ni hrim a; chuongchun, i hmuhai po po chu Israel sûngkuo kuoma chun puong rawh,” a ti a.

HAGGAI 1:5

Chuleiin, tuhin sipaihai Lalpa chun hieng hin a tih, “In lampuihai chu ngaituo ro.

ZEKARIA 10:9

Chun, anni chu mipuihai laia chun tûng ka ta; ram hlataka khawm mi hre zing an tih; chun, an nau le têhai leh um an ta, hung kîr nâwk an tih.

DÂN PAHNINA 32:46

“Tuta in kuoma ka thu inhriettira cheu hin, in lungril innghat tlat unla, hieng dân thuhai po po hi fîmkhurtaka zâwm dingin in nauhai chu thu pe ro.