JEREMIA 31:17 - Pathien Lekhabu Inthieng (BSI)

¹⁷ I hihnung tâwpna tienga ding chun beiseina a um a nih, Lalpa chun a tih: i thlahai chu an ramri sûnga ngei chun hung nâwk an tih.

JEREMIA 31:17 ပူးပေါင်းရင်းမြစ်များ

ISAI 6:13

Chun, a sûnga chun sâwm laia pakhat khawm la um sienla, fâk zoin um nâwk nghâl an tih; nisienlakhawm, sething le thingsaisuo chu phûr hnung khawma a bul a la um zing hlak angin chi inthieng chu a bul la um zing chu a nih,” tiin.

ṬAP HLA 3:18

Kei chun, “Ka hrâtna le Lalpaa inthawka ka beiseina chu a bohmang an ta hi,” ka ti a.

ṬAP HLA 3:21

Hi hi ka lungrilah ka hung hrietsuok nâwkin, chuleiin, ka beisei hlak.

ṬAP HLA 3:26

Lalpa sandamna chu mîn an nghâk ṭâwk ṭâwk a, an beisei chu a ṭha a nih.

ṬAP HLA 3:29

A bau chu pilvuta chun sie sienla, chuongchun, beiseina a um thei rawi mawh.

EZEKIEL 37:21

Chun, an kuoma chun, ‘Lalpa Pathien chun hieng hin a tih: Ngai ta u, hnamhai an lo fe hmang ta nahai laia inthawkin Israel thlahai chu lâng ka ta, kil tina inthawkin ṭhuoi khâwm ka ta, anni ram ngeia chun hung ṭhuoi ka ta;

EZEKIEL 37:25

Ka siehlaw Jakob kuoma ram ka pêk, in thlatuhai chêngnaa khan chêng an ta; chutaka chun kumkhuoa dingin chêng an ta, anni le an nauhai leh, an nauhai nauhai leh; chun, ka siehlaw David chu kumkhuoa dingin an lal nîng a tih.

EZEKIEL 39:28

Chun, hnamhai laia sala intâng dinga kân fetir a, anni rama ngei chun ka ṭhuoi khâwm nâwka hin, Lalpa an Pathien chu ka nih ti mi hre tâng an ta; chutaka chun anni chu tukhawm mâksan nâwk ta naw ningah,

HOSEA 2:15

Chu chena inthawk chun a grêp huonhai chu pêng ka ta, Akor ruom khawm beiseina kawtkhâr dingin. Chutaka chun a tleirâwl lai nihai le, Aigupta rama inthawka a hung suok ni ang khan dawn a tih.

HOSEA 3:5

Chu hnunga chun Israel mipuihai chu hnungkîr an ta, Lalpa an Pathien le an laltak David chu zawng an ta; ni nuhnunghaia chun Lalpa le a ṭhatna chu inthin pumin pan an tih.

ZEKARIA 9:12

Nangni beiseina lungin intânghai, kul ngheta chun hung kîr nâwk ro; a lêt hniin ka pêk ding cheu a nih ti vawisûn ngei hin ka phuong hi.

MATTHAI 24:22

Chun, chuong nihai chu suktâwi ni naw sien chu mihriem hrim hrim damin suok naw ni hai; nisienlakhawm, thlanghai lei chun chuong nihai chu suktâwi nîng a tih.