JEREMIA 31:15 - Pathien Lekhabu Inthieng (BSI)

¹⁵ Lalpa chun hieng hin a tih: Rama khuoah khêkri an hriet a, ṭap dâm, mithi ngaia khêk rawng rawng dâm, Rakil chun a nauhai a ṭa a, an um ta naw leiin thlamuon thei a ni nawh.

JEREMIA 31:15 ပူးပေါင်းရင်းမြစ်များ

INṬANNA 35:19

Chuongchun, Rakil chu a thi a, Ephrath lampuia chun an phûm a (Ephrath chu Bethlehem a nih).

INṬANNA 37:35

A naupasalhai po po le a naunuhmeihai po po chu ama thlamuon dingin an tho a; nisienlakhawm, ama chun thlamuon a nuom naw a, “Ni lo, lusûn pumin thlânah ka naupa kuomah ka fe ding a nih,” a ti a. Chuongchun, a pa chu ama ngaiin a ṭap hlak a.

INṬANNA 42:13

Anni chun, “Keini i siehlawhai hi unau sâwmpahni, Kanaan rama um, mi pakhat nau kan nih: chun, ngai ta, kan mi tlum tak tuhin kan pa kuomah a um a, pakhat ruok chu a um ta naw a nih,” an ti a.

INṬANNA 42:36

Chun, an pa Jakob chun an kuomah, “Nangni hin ka nauhai in mîn sûntir a ni hi: Josef a um ta naw a, Simeon a um ta naw a, Benjamin chen khawm ṭhuoi hmang in tum nâwk pei a: chuong thil po po chun a mi baw buoi a ni ta hi,” a ti a.

INṬANNA 5:24

Chun, Enok chu Pathien leh an lêng hmunkhat hlak a: chun, a um ta naw a: Pathienin a lâk hmang tah a nih.

JOB LEKHABU (THE BOOK OF JOB) 7:21

Iengdinga ka bawsietna hi i ngaidam naw a, Ka rîtlona hi i lâk hmang naw? Tuhin pilvut lai ka zâl el ding an ta si a; Ngûntakin mi zawng i ta, nisienlakhawm, um ta naw ningah,” tiin.

INPÂKNA HLABU 37:36

Nisienlakhawm, lampuiah a va fe a; chun, ngai ta, ama chu a um ta naw a. Anih, ka zawng a, nisienlakhawm, hmu zo a ni ta nawh.

INPÂKNA HLABU 77:2

Ka lunginzing ni chun Lalpa ka zawng a; Ka kut hi zâna khawm la thla lovin ka phar zing a, Ka hringna hin thlamuon a nuom nawh.

ISAI 10:29

kâwnah an liem tah, Geba khuoah an riek tah; Rama khuohai chu an inthin an inthin el tah. Saula Gibea khuohai chu an tlânse tah.

ISAI 22:4

Chuleiin, kei chun, “Mi en lovin, khingtieng en ro, ka ṭap rak rak ding a nih; ka mihai naunuhai râllâka an lâk thua chun mi thlêm inkhaw nuom naw ro,” ka ti a.

JEREMIA 10:20

Ka puon in chu suksiet a ni ta a; ka hruihai po po khawm suktan an ni ta a; ka nauhai khawm chu keimaa inthawkin an fe hmang a, an um ta naw a; ka puon in keiphar nâwk ding tukhawm an um ta naw a, ka puonzârhai zâr ding leh.

JEREMIA 40:1

Nebuzaradan, vêngtu pâwl hotuin ama chu Ramaa inthawka ân fetir a, Juda rama mi le Jerusalema sal intânghai Babulon tienga sala ṭhuoihai laia khaidieta khuopa ama a ṭhuoi hnunga Lalpa kuoma inthawka Jeremia kuoma thu hung tlung chu.

ṬAP HLA 5:7

Kan thlatuhai chu an lo suol ta a, an um ta naw a, Keiniin an khawhlona chu kan phur a nih.

EZEKIEL 2:10

ka hmaa chun a hung phar a, a sûngtieng le a puotienga ziek a na; chutaka chun sûnna le, ṭâna le chungrikna ziek a nih.

JOSUA 18:25

Gibeon, Rama, Beeroth,

RORELTUHAI 4:5

Chu minu chu Ephraim tlâng rama Rama le Bethel khuo inkâra Deboraa tûm thing hnuoia um hlak a nih; chun, Israel thlahai chu a kuomah an ro inrêltir dingin an fe hlak a.

1 SAMUEL 7:17

Chun, a in umna a ni leiin Rama khuoa chun a fe nâwk hlak a; chutaka chun Israel mihai ro a rêl a, chutaka chun Lalpa ta dingin maichâm a siem a.