JEREMIA 31:12 - Pathien Lekhabu Inthieng (BSI)

¹² Chun, hung an ta, Zion tlâng insângna laiahai chun hla hung sak an ta; Lalpa ṭhatnaa chun bua leh, uoina leh, hrieka leh, berâm le bâwng ruol têhaiah lâwm an tih; an thla chu tuihnâwngtak huon ang nîng a ta, lungngai nâwk ta hrim hrim naw ni hai.

JEREMIA 31:12 ပူးပေါင်းရင်းမြစ်များ

INPÂKNA HLABU 130:4

Nisienlakhawm, i kuomah ngaidamna a um a nih, Ṭiha i um theina dingin.

ISAI 1:30

Thingsaisuo a hna vuoi ta le, huon tui hmu naw ang el hi in ni ding a nih.

ISAI 35:10

chun, Lalpa intlanhai chu kîr nâwk an ta, hla sak pumin Zion chu tlung an tih; chatuona lâwmna an lu chungah um tâng a ta, hlimna le lâwmna hmûng an tih, lungngaina le inrûmna chu bo tâng a tih.

ISAI 51:11

Chun, Lalpa intlanhai chu kir nâwk an ta, hla sak pumin Zion chu tlung an tih; chatuona lâwmna an lu chungahai chun um tâng a ta, lâwmna le hlimna hmûng an ta, lungngaina le inrûmna chu bo tâng a tih.

ISAI 52:8

Ngai rawh, i râl vêngtuhai râwl chu! Râwl an insuo a, hlimtakin hla an sak tâwl chu, Lalpa chu Ziona a hung kîr nâwk pha chun inhmatuokin an hmu ding a ni si a.

ISAI 58:11

Chun, Lalpa chun ṭhuoi rawp a ti che a, hmun ṭâwla khawm sukkhawp a ti che a, i ruhai khawm sukhrât bawk a tih; chun, huon tuia châwm ang le, tuihnâr kang ngai lo ang ni tâng i tih.

ISAI 60:20

I nisa chu tla ta naw ni a, i thla khawm chu bo ta bawk naw nih: Lalpa chu i kumkhaw var a ni ding a ni si a, i lusûn nihai chu a tâwp ta ding a ni si a.

ISAI 65:19

Jerusalem chunga chun hlim ka ta, ka mihai chunga khawm lâwm ka tih; a sûnga chun ṭap ri chu hriet ni ta naw ni a, inrûm ri khawm hriet ni ta naw ni;.

JEREMIA 3:14

Hung kîr ro, hnungtawl thlahai, Lalpa chun a tih; in pasal ka ni si a, chun, khawpuia pakhat le, pahnama pahni lâng ka ti cheu a, Ziona chun hung ṭhuoi ka ti cheu;

JEREMIA 31:24

Chun, Juda le chutaka khawpuihai po po chu um hmunkhat tâng an ta; loneituhai le, berâm ruol le invâk vêlhai khawm chu.

JEREMIA 31:25

Mi chauhai chu ka suktlai a, mi lungngai tinhai khawm chu ka sukhar bawk a.

JEREMIA 31:4

Bâwl nâwk ka ti che a, bâwlin um i tih, Aw Israel nunghâk inthieng. Khuong têhai leh inthuom nâwk i ta, hlimna siema lâmtuhai lai chun fe suok i tih.

JEREMIA 31:6

Ephraim muolhaia vêngtuhai chun, ‘Tho unla, Lalpa ei Pathien kuomah Ziona chun fêng ei tiu,’ tia an khêkna nihai chu a la hung tlung ding a ni si a,” tiin.

JEREMIA 31:7

Lalpa chun hieng hin a ti si a; Jakob ta ding chun lâwmin hla sak unla, hnamhai lua um ta ding chun khêk bawk ro, puong dar unla, inpâk unla, “Aw Lalpa, Israel hla bîkhai, i mihai hi sandam rawh,” ti ro.

JEREMIA 32:15

Sipaihai Lalpa, Israel Pathien chun hieng hin a ti si a: Inhai, lohai, grêp huonhai chu hi rama hin inchâwk la ni nâwk an ti a ti si a,’ ” tiin.

JEREMIA 33:12

Sipaihai Lalpa chun hieng hin a tih: Chu nawa khawm, hi hmuna hin, mihriem le sa khawm um lova se ta le chutaka khawpuihaia po po chun, berâmpuhai an ran ruol chu inbawktirin la um an tih.

JEREMIA 33:13

Tlângrama khawpuiahai le, phairuoma khawpuiahai le, Sima khawpuiahai le, Benjamin rama khawpuiahai le, Jerusalem vêl hmunhaia le, Juda khawpuiahai chun berâm ruolhai chu anni tiemtu kut hnuoiah la tla nâwk an tih, Lalpa chun a tih:

EZEKIEL 17:23

Israel insângna tlânga chun phun ka ta; kâuhai hung insuong a ta, ra hung nei a ta, sidar thing ṭhatak hung nîng a ta; a hnuoia chun vate tinrênghai chu chêng an ta; chutaka a kâuhai hlima chun chêng an tih.

EZEKIEL 20:40

Lalpa Pathien chun a tih: Ka tlâng inthieng, Israel tlâng insânga chun Israel sûngkuohai po po chu, an rêngin chu rama chun ka rawng bâwl tâng an ta, chutaka chun anni chu lâwm ka ta, chutaka chun in thilinhlânhai chu, in rahmasa inthâwinahai le in thil inthienghai po po le chun pawimawsak tâng ka tih.

EZEKIEL 34:14

Hlo pet ding ṭhatak chun anni chu châwm ka ta, Israel insângna tlâng chungahai chun an in chu um a tih; in ṭhatak sûnga chun bawk an ta, Israel tlâng chungahai chun hlo petna hmun tuihnâitaka chun tlâng an tih.

EZEKIEL 36:30

Thing rahai le hnuoi ra hlâwkhai chu sukpung ka ta, hnamhai laia chun ṭâm leia deusâwna tuok ta ngai naw ti niu.

HOSEA 3:5

Chu hnunga chun Israel mipuihai chu hnungkîr an ta, Lalpa an Pathien le an laltak David chu zawng an ta; ni nuhnunghaia chun Lalpa le a ṭhatna chu inthin pumin pan an tih.

JOEL 3:18

“Chu ni chun tlâng insânghai chun uoin thlum infartir an ta, tlânghai chu nênetuiin luong a tih, Juda ram vadungtêhai po po chu tuiin luong a ta; Lalpa ina inthawkin tuikhur hung inchik dawk a tih, Sittim varuom chu hung sukhnâwng a tih.

HAGGAI 2:19

Bu ina chun a chi chu a la um rawp am a nih? Grêphrui dâm, theichang kûng dâm, theibufai dâm, oliv thinghai le chun ra an insuo ngai naw a; vawisûna inthawk hin chu mal ka sâwm ding cheu a nih,” tiin. Zerubbabel kuoma Lalpa thutiem

ZEKARIA 8:12

Inremna chi chu a um ta ding a ni si a; grêphrui chun a ra insuong a ta, leihnuoi khawm chun a hlâwkna chu insuo bawk a ta, vânhai khawm chun daidaw chu hung pêng an ta; hi chi hlaa umhai hi chuong thilhai po po chu inhluotir ka tih.

JOHAN 16:22

Chun, tuhin nangni in lungngai, nisienlakhawm, hmu nâwk ka ti cheu a, in lungril lâwm a tih, in lâwm chu tukhawmin lâkpêk naw ni hai cheu.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:4

Annawleh, Pathien ṭhatnain simna dingin a ṭhuoi hlak che ti hre lovin, a ṭhatna hauzie le, a en theizie le, a zaidaw theizie dâm chu i ngainêp am a nih?

THUPUONGSUO 21:4

An mita inthawkin mitthli po po hrufai a ta; Thina um nâwk ta naw ni a, Lungngai dâm, ṭap dâm, nat dâm khawm, Um nâwk ta bawk naw ni a; Thil hmasahai chu a bo tah,” tiin.

THUPUONGSUO 7:17

Berâmte, lalṭhungpha laia um chu an vêngtu nîng a ta, hringna tuikhurahai ṭhuoi a tih; chun, Pathienin an mita inthawk mitthli po po hrufai tâng a tih,” a ta.