JEREMIA 31:11 - Pathien Lekhabu Inthieng (BSI)

¹¹ Lalpa chun Jakob chu ama nêka hrât lem kuta inthawk chun ân tlansuokin a sansuok ta si a.

JEREMIA 31:11 ပူးပေါင်းရင်းမြစ်များ

INPÂKNA HLABU 142:6

Ka khêk ri hi lo ngai la, nasataka sukhnuoiin ka um ta si a, A mi suknawmnatuhaia inthawk hin mi sanhim la, keia nêkin an hrât lem si a.

FESUOKNA 15:16

Inlâuna le ṭitnain anni a vûr a, I kut thahrâtna leiin anni chu lung ang elin an to ṭawk ṭawk a; I mipuiin an fe khêl chenin, Aw Lalpa: I mipui i închâwkhaiin an fe khêl chen chun.

ISAI 44:23

Aw vânhai, hlimtakin hla sak ro, Lalpain chu chu a thaw ta si a; leihnuoi hnuoitienghai, khêk ro, tlânghai, aw ramhnuoi le a sûnga thing um tinrênghai, hla sak suok phut ro: Lalpa chun Jakobhai chu ân tlan ta a, Israelhaia chun ân chawimawi ding a ni si a.

ISAI 48:20

Babulona inthawkin suok unla, Kaldaihai chu tlân hmangsan ro, hi hi hla sak riin inhriettir unla, hril unla kâwlkawdawng chen khawma sukri ro, “Lalpa chun a siehlaw Jakobhai chu ân tlan tah,” ti ro.

ISAI 49:24

“Râllâkhai chu mi hrâttaka inthawka lâkpêka umin, mi ṭium salhai chu sansuokin an um ding am a nih?

ISAI 49:25

Nih e a, Lalpa chun hieng ang hin a tih, ‘Mi hrâttak salhai meu khawm lâkpêkin um an ta, mi ṭium râllâkhai chu sansuokin um an tih; nangma dotu chu ka do ding a ni si a, i nauhai khawm ka sandam ding a nih.

ISAI 51:11

Chun, Lalpa intlanhai chu kir nâwk an ta, hla sak pumin Zion chu tlung an tih; chatuona lâwmna an lu chungahai chun um tâng a ta, lâwmna le hlimna hmûng an ta, lungngaina le inrûmna chu bo tâng a tih.

JEREMIA 15:21

Mi rilohai kuta inthawk chun sansuok ka ti che a, thil ṭium kuta inthawk chun intlansuok bawk ka ti che.

JEREMIA 50:33

“Sipaihai Lalpa chun hieng hin a tih: Israel mipuihai le Juda mipuihai chu nêksâwrin an um rêl a; anni sala mantuhai taphawt hlak chun an chel det tlat a, an infetir nuom naw a.

JEREMIA 50:34

Anni sanhimtu chu a hrât a, a hming khawm, sipaihai Lalpa a nih, ama chun an chungthu chu ṭan tlat a ta; hnuoi chunga chun châwlna a pêk thei a, Babulon hluotuhai ruok chu a sukto ṭawkṭawk nawna dingin.

ṬAP HLA 3:58

Aw Lalpa, ka thla chungthu chu nangin i ṭan a, nangin ka hringna i sanhim a.

HOSEA 13:14

Seol kuta inthawkin anni chu intlan ka ta, Thinaa inthawkin anni chu sansuok ka tih; Aw thina, i hripuihai chu khâwlai am? Aw Seol, i suksietna chu khâwlai am? Lunginsietna chu ka mita inthawkin thup nîng a tih.

ZEKARIA 9:16

Chu ni chun Lalpa an Pathien chun a mihai chu berâm ruol angin sandam a ta; a ram chunga nasataka varin, lallukhuma lunghlu zep ang chu an ni ding a ni si a.

MATTHAI 12:29

Chuongchu a ni si naw chun, miin mi hrât chu a khuop hmasa bak naw chun, iengtin am mi hrât inah lûtin a sum lapêk thei a ta? Chu hnunga ruok chun a in chu inrampêk el a tih.

MATTHAI 20:28

Mihriem Naupa hi rawngbâwlpêka um dinga hung a ni naw a, rawngbâwl ding le mi tamtak intlanna dinga, a hringna pe lem dinga a hung ang hin,” a ta.

MATTHAI 22:29

Isûn a dawn a, an kuomah, “Pathien Lekha thu le, Pathien thilthawtheina in hriet naw leiin in ngai suol hlak a nih.

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭhahnemngaia, ama ta dinga a sukthieng theina dingin ei aiin ân pêk kha.