JEREMIA 31:10 - Pathien Lekhabu Inthieng (BSI)

¹⁰ Aw nangni hnamhai, Lalpa thu chu ngai unla, thlierkâr hlatakahai chun phuong ro; chun, “Israel sukdartu ngei chun, ama chu kei khâwm nâwk a ta, berâmpuin a berâm ruol a kawl ang chun ama chu kawl a tih,” tiin hril ro.

JEREMIA 31:10 ပူးပေါင်းရင်းမြစ်များ

INṬANNA 10:5

Chuonghaia inthawk chun a nih tuipui kama hnamhai chu anni ram ramah an indar ta chu: anni ṭawng ang pei le, anni hnam ang peiin, anni chihai laia seng chun.

INPÂKNA HLABU 147:2

Lalpa chun Jerusalem chu ân ngîr nâwk a. Israel hnawtsuoka umhai chu a ṭhuoi khâwm nâwk a.

INPÂKNA HLABU 23:1

Lalpa chu ka Berâmpu a nih, tlasam naw ningah.

INPÂKNA HLABU 72:10

Tarsis ram le thlierkâra lalhaiin lâwmman hung chawi an ta, Seba le Sheba ram lalhaiin thilpêk hung inhlân bawk an tih.

THUVARHAI 27:23

I ranruolhai umdân hre dingin taima hle la, I bâwngruolhai chu en ṭha rawh.

ISAI 24:14

Chuonghai chun an râwl insuong an ta, khêk an tih; Lalpa ropuina leiin tuisuorieta inthawkin inringtakin an khêk ie.

ISAI 27:12

Chu nia chun Lalpa chun Vadung a kuong sipa luong dûl dûla inthawkin, Aigupta vadungtê chenin a ra vaw thlâng a ta; chuongchun, aw Israel mipuihai, pakhat khata rûtin um in tih.

ISAI 40:1

Thlamuon ro, ka mihai hi thlamuon ro, in Pathien chun a tih.

ISAI 40:11

Ama chun berâm vêngtu angin a pâwl chu châwm a ta, berâmtehai chu a bânin pawm khâwm a tih, a ângsûnga siein fepui a ta, te ṭhuoi laihai chu damtêin ṭhuoi diel diel a tih,” ti rawh.

ISAI 41:1

Aw thlierkârhai, ka hmaa chun to ṭhiep ro; mi tin chun an hrâtna sukthar nâwk hai sienla, hung hnâi tâwl raw hai se; chu hnunga chun hril raw hai se; rorêl dingin inhnai tâwl ei tiu khai.

ISAI 42:10

Tuisuorieta zu fehai le, a sûnga um po pohai le, thlierkârhai le, a chunga um po pohai, Lalpa chawimawiin hla thar sak unla, leihnuoi tâwpa inthawk khawma ama inpâkna hla sak ro.

ISAI 42:4

Hnuoia hin rorêlna ân umtir hmakhat chun ama chu châu naw ni a, beidawng bawk naw nih; chun, thlierkârhai chun a dân thu chu nghâk zing an tih.

ISAI 48:20

Babulona inthawkin suok unla, Kaldaihai chu tlân hmangsan ro, hi hi hla sak riin inhriettir unla, hril unla kâwlkawdawng chen khawma sukri ro, “Lalpa chun a siehlaw Jakobhai chu ân tlan tah,” ti ro.

ISAI 54:7

Mitkhapkâr chau el ka mâk che a; nisienlakhawm, lunginsietna nasatakin ṭhuoi nâwk ka ti che.

ISAI 60:9

Ama chun a chawimawi che leiin Lalpa i Pathien hming ta ding le Israelhai Mi Inthieng ta ding chun i naupasalhai an tangka le rângkachak leh hlataka inthawka ṭhuoi dingin matheilovin thlierkârhai chun mi nghâk an ta. Tarsis lawng lienhai chun hmasak inchûng an tih.

ISAI 66:19

Chun, anni lai chun inchikna inumtir ka ta, chuongchun, anni laia hremna khêltuhai taphawt chu hnam tin kuomah Tarsis dâm, Pul dâm, thalngul kuoihai Lud kuoma dâm, Tubal le Javan mihai dâm, thlierkâr hlatak, ka hminginthang la hre ngai lova ka ropuina la hmu ngai lohai kuoma chun tir ka tih; chuongchun, hnam tin lai chun ka ropuina thu hril an tih.

JEREMIA 23:4

Anni châwmtu ding berâmpu an chunga chun sieng ka ta; ṭit khawm ṭi ta naw ni hai a, beidawng ngai ta bawk naw ni hai a, tlâksam hrim khawm um ta naw ni, Lalpa chun a tih.

JEREMIA 25:22

Zidon lalhai po po, Tura lalhai po po, tuisuoriet khêla thlierkâra lalhai po po leh;

JEREMIA 3:15

chuongchun, ka lungril ang takin berâmpu ding pêng ka ti cheu a, ama chun hrietna le hrietthiemnain châwm a ti cheu.

JEREMIA 50:17

“Israel chu berâm indar a nih: sakeibakneihai chun ama chu an lo hnawt hmang ta a; a hmasatak chun Assuria lal chun anni chu a fâkzo a; a tâwpah Babulon lal Nebukadnezzar hin a ruhai chu a sukthliek ta a.

JEREMIA 50:19

Israel chu a tlatna hmuna chun hung ṭhuoi nâwk ka ta, Karmel le Basana chun tlâng a ta, a thla chu Ephraim le Gilead tlângahai chun lungawi tâwk tâng a tih.

EZEKIEL 11:16

chuleiin, hril la, Lalpa Pathien chun hieng hin a tih; ‘Hnamhai laia inthawka hlataka chun ka lo sawn ta de a, ramhai laia chun anni chu ka lo sukdar ta dea chu, an va fena ramhaia chun hun sâwt nawtê sûnga ding chun an ta dingin hmun inthieng la ni ta fan ka tih’ tiin.

EZEKIEL 20:34

hnam danghai laia inthawkin la suok ka ti cheu a, sukdara in umna ramhaia inthawk khan kut tha hrât le, bân phar le lunginsenna bunthla hielin kei khâwm ka ti cheu;

EZEKIEL 34:12

Berâmpu chun sûnah a berâm ruol chu a zawng a, berâm a lo indarhai laia chun a um hlak angin, ka berâmhai chu zawng suok ka ta; inthim le sûmzîng nia an lo invâk darna hmunhai po poa inthawk chun anni chu zawng suok ka tih.

EZEKIEL 37:24

Chun, ka siehlaw David chu an chunga lal nîng a ta, chuongchun, berampu pakhat nei an ta, ka rorêlhai khawm chu hrâwng an ta, ka thu- ruothai chu pawmin thaw bawk an tih.

EZEKIEL 5:10

Chuongchun, i sûnga chun pahai chun naupahai chu fâng an ta, naupahai chun an pahai chu fa bawk an tih; chun, nangmaa chun rorêl chu hung sukthlûng ka ta, nangmaa la mahlahai po po khawm chu thedar vawng ka tih.

EZEKIEL 5:2

Khawpui lailunga chun a hmun thuma ṭhea hmun khat chu meiah râwng i ta, chu pha chun khawpui rûnna chu suktlung nîng a ta; a hmun thuma ṭhea hmun khat dang chu lâng i ta, a vêlin kâwlhnâmin sât nawi i ta; chun a hmun thuma ṭhe a hmun khat dang chu thliah vawr dar i ta, chu hnunga chun keiin kâwlhnâm keidawk ka tih.

DANIEL 11:18

Hi hnunga hin, thlierkâr tienga chun nghâng a ta; tamtak chu lâng a tih; nisienlakhawm, sipai hotu chun zilna amain a pêk chu suktâwp a ta, anih, chu naw khawm chu, a zilna chu ama chungah inumtir bawk a tih.

LEVI DÂN 26:33

Hnam danghai laia chun sukdar ka ti cheu a, a hnawt ding cheuin kâwlhnâm chu phawi ka ta, chuongchun, in ramhai chu sukrêm nîng a ta, in khuohai chu ṭâwp a tih.

MIKA 2:12

Aw Jakobhai, in rêngin ko khâwm ngei ka ti cheu a; Israel mi la um sunhai chu ṭhuoi khâwm ngei ka tih; Bozra khaw berâm angin sie khâwm ka ta, ran ruol an hlo petna hmuna um angin; mipui an ni lei chun sa mur mur an tih.

MIKA 4:6

Lalpain hieng ang hin a tih: Chu nia chun kebai kei khâwm ka ta, hnawt hmanga um le ka sukrimsika um chu kei khâwm ka tih;

MIKA 5:4

Ama chu ngîr a ta, Lalpa hrâtnain a ranruol chu châwm a tih: Lalpa a Pathien hming ropuina ngei chun: chun, anni chu um zing an tih: ama chu hnuoi tâwp chenin a ropui ding a ni si a.

ZEPHANIA 2:11

An chunga chun Lalpa chu ṭiumtak nîng a ta; hnuoi chunga pathienhai po po chu a sukbohmang ding a ni si a; chuongchun, mihriemhai chun ama chu be tâng an ta, mi tinin mâni hmun senga inthawk le, hnamhai po po chun mâni thlierkârhaia inthawk chun.

ZEPHANIA 3:19

Ngai ta, chu pha chun nangma sukrimsituhai che chu keiin sawisâng ka ta: A ngîr chu sandam ka ta, hnawt hmanga um chu kei khâwm ka tih; Hnuoi chung po poa an hmaimâwkna lo um ta chu, Hming le inpâkna siempêk ka tih.

ZEKARIA 10:8

An ta dingin faifûk ka ta, anni ko khâwm ka tih; anni chu kân tlan ta si a; a lo pung ta ang bawk khan hung insukpung an tih.

ZEKARIA 2:6

“Hung ro, hung ro, hmâr rama inthawk dâm chun hung tlân suok ro, Lalpa chun a tih: vân kil liahai chena chun ka lo sukdar ta si cheu a, Lalpa chun a tih.

ZEKARIA 9:16

Chu ni chun Lalpa an Pathien chun a mihai chu berâm ruol angin sandam a ta; a ram chunga nasataka varin, lallukhuma lunghlu zep ang chu an ni ding a ni si a.

LUKA 12:32

“Pâwl tlâwmhai, ṭi naw ro; ram pêk cheu hi in Pa lâwm zâwng tak a nih.

JOHAN 10:27

Ka berâmhaiin ka râwl an hriet hlak, kei khawmin anni chu ka hriet, anni chun an mi zui hlak.

JOHAN 11:52

Chuhai chihai ai chau chun a ni nawh, Pathien nau khawvêla indarhai po po pâwl khata a ṭhuoi khâwmna dingin a ni bawk.)

DÂN PAHNINA 30:4

Nangni laia mi kâwlkawdawng chena hnawtdawk an um chun, Lalpa in Pathien chun chutaka inthawk chun ṭhuoi khâwm a ti cheu a, chutaka inthawk chun ṭhuoikîr nâwk a ti cheu.

DÂN PAHNINA 32:26

‘Sukdar vawng ka ta, Mihriem laia anni hrietzingna chu sukbohmang dai ka tih,’ lo ti hiel tâng ka tih.