JEREMIA 30:5 - Pathien Lekhabu Inthieng (BSI)

⁵ “Lalpa chun hieng hin a tih: Thlamuongna ni lovin, ṭitna le inthin râwl ka hriet a.

JEREMIA 30:5 ပူးပေါင်းရင်းမြစ်များ

ISAI 5:30

Chu nia chun tuisuoriet inri dur dur angin an chungah inri dur dur an ta, chuongchun, miin ram chu an hei thlîr chun, ngai ta, inthim le lunginzingna ruok nîng a tih, var hlak chu chutaka sûmahai chun sukthimin a um a.

ISAI 59:11

Savawmhai angin ei rêngin ei inhûk dur dur hlak a; vaṭhuhai angin nasatakin ei in ṭuk rût rût hlak; rorêlna ei nghâk hlak a, nisienlakhawm, a um dêr si naw a; sandamna ei nghâk hlak a, nisienlakhawm, einia inthawka hlatakah a um hlak.

JEREMIA 12:12

Thlalêra bâwlhmun tlângahai po po chun suksetuhai chu an hung a, ram pakhat tâwpa inthawka ram dang tâwp chen chun Lalpa kâwlhnâm chun a fâk zo a, tisa hrimin muongna an nei nawh.

JEREMIA 25:36

Berâmpuhai khêk râwl ri le ran ruol hotuhai inrûm ri chu! Lalpa chun an ran tlatna hmunhai chu a suksiet ta si a.

JEREMIA 30:4

Juda chungthua le Israel chungthua Lalpain thu a hrilhai chu hieng hi an nih,

JEREMIA 46:5

Iengtizie am an ta le? An beidawng zo a, an hnungtawl ta a; an mi hrâthai chu hnein an um a, an tlân dar a, hnungtieng an ngha ta nawh; ṭium chu sîr tinah a um a nih, Lalpa chun a tih.

JEREMIA 6:22

Lalpa chun hieng hin a tih: ngai ta, Hmâr tieng rama inthawkin hnam pakhat a hung a, leihnuoi kil khâwrtaka inthawk chun hnam ropuitak chu suktho nîng a tih.

JEREMIA 6:26

Aw ka chipui naunu, saiip puonin inbel la, pilvuta chun inbuol rawh; naupasal khât sûn angin sûn la, sûnna natak el chun, ei chunga chun suksetu chu a hung vak ding a ni si a.

JEREMIA 8:16

Dana inthawk chun a sakawrhai hnâr hnâwt ri chu ân hriet a; a mi hrât hung inhrosatna ria chun ram pumpui chu ân hnîng a. Anni chu an hung a, ram po po le a sûnga umhai chu an fâk zo si a; khawpui le a sûnga chênghai le khawm chun.

JEREMIA 8:19

Ka chipuihai naunu ram hlataka inthawka a khêkri chu lo ngai ta u, “Lalpa chu Zionah a um a ni naw am a nih? a Laltak chu a sûnga chun a um nâwm a nih? An milim ker fâwmhai le teplo thil maktakhai chun iengdinga lunginsen dinga an mi chawktho am a na?” tiin.

JEREMIA 9:19

Ziona inthawk chun ṭapinrûm ri chu hriet a ni si a; Ei siet nasat tâkzie chu! ram chu ei nghatsan a, ei chêngnahai chu an sukchim tâk leiin nasataka sukbuoiin ei um a.

AMOS 8:10

In ruoiṭhehai chu lungngainaa le in hlahai po po chu ṭapnaah inchangtir ka tih; kâwng po po chu saiip puon indierkeitir ka ta, lu tin sîpa chun kâwkna hung intlungtir ka tih; chun, naupa khât nei sun ta dinga lungngaina ang le, a tâwpna chu khâkna ni angin siem ka tih.

HABAKKUK 1:10

Anih, lalhai chu an nuisan a, Mi lienhai chu an ta ding chun hmusitum an ni a, Kul det tinrênghai chu an nuisan a, pilvut a sungvûmin a lâk nâwk hlak si a.

HABAKKUK 1:6

Ngai ro, Kaldaihai kân ngîr suok a nih, Hnam ti rawk rawk le khatak elhai chu. Anni chu, anni ta khawm ni lo umna hmunhai chu, Nei dingin hnuoi khang dâpin an hung a.