JEREMIA 30:3 - Pathien Lekhabu Inthieng (BSI)

³ Ngai ta, nihai chu a hung tlung ta si a, Ka mi Israelhai le Judahai ka ṭhuoikîr nihai chu a hung tlung mêk ie, ram, an thlatuhai kuoma ka pêka chun ṭhuoikîr nâwk ka ta,hluo tîng an tih',ti hi Lalpa thusuok a nih,” Lalpa chun a tih.

JEREMIA 30:3 ပူးပေါင်းရင်းမြစ်များ

EZRA 3:1

Chun, thla sarina a hung tlung a, Israel mihai chu khuohaia an um phing chun, mipuihai chu inthuruoltak elin Jerusalema chun an inkhâwm ta a.

EZRA 3:12

Amiruokchu, thiempuhai, Levi mihai an pahnamhai laia mi tamtak, mi upahai chu in hmasa lo hmutuhai chu, an mithmu ngeia chu in lungphûm chu phûm a lo ni chun rawl inringtak elin an ṭap ta a, mi danghai ruok chu lâwmin an khêk a;

EZRA 3:8

Chun, Jerusalema Pathien ina an hung chin a kum hninaa, thla hninaa chun, Sealtiel naupa Zerubbabel le, Jozadak naupa Jesua le an unau dang thiempuhai le, Levi mihai le, sala intâng suoka Jerusalema hung po pohai chun an ṭan a; Levi mihai chu kum sâwmhnia upa le a chung tieng pohai chu Lalpa ina sinthawna chu enkawl dingin an ruot ta a.

INPÂKNA HLABU 126:4

Aw Lalpa, sala kan intâng hi mi ṭhuoi kîr nâwk la, Sim rama vadunghai angin,

INPÂKNA HLABU 53:6

Israelhai sandamna chu Ziona inthawkin suok sienla chu aw! Pathien chun a mihai sala an um chu a ṭhuoi kîr nâwk pha chun, Chu pha chun Jakob hlim tâng a ta, Israel lâwm tâng an tih.

JEREMIA 16:15

amiruokchu, “Lalpa hmâr tieng rama inthawk le, anni a hnawt hmangna ram po poa inthawka Israel mipuihai hung ṭhuoi suoktu kha a hring zing leiin,” ti ni lem tâng a tih; an thlatuhai kuoma ka lo pêk tah, an rama ngei khan anni chu ka hung ṭhuoi nâwk ding a ni si a.

JEREMIA 23:5

Ngai ta, nihai chu a hung tlung mêk; Lalpa chun a tih: David-a hin kau feltak chu hung inṭotir ka ta, ama chun lal angin rorêl a ta, vartakin thâwng a ta; rama chun rorêlna le felna chu suksuok a tih.

JEREMIA 27:11

Amiruokchu, Babulon lal rîngkawl hnuoia an rîng daw a, ama rawngbâwltuhai chu hnam ngei chu an rama chun inumtir zing ka tih, Lalpa chun a tih; inlêt an ta, chêng zing an tih,’ ” tiin.

JEREMIA 27:22

Babulona chun phur hmang nîng an ta, chutaka chun um an tih, anni ka va sir ni chen chun, Lalpa chun a tih: chun, hung la nâwk tâwl ka ta, hi hmuna hin sie nâwk ka tih,” tiin.

JEREMIA 29:10

Lalpa chun hieng hin a ti si a; Babulona intâng kum sâwmsari a tling hnunga chun, hung sir ka ti cheu a, hi hmuna inkîrtir ding cheuin in kuoma chun ka thu tiem chu hlen ka tih.

JEREMIA 29:14

Nangni ihmuin um ka ta, Lalpa chun a tih: chuongchun, in sal intângna chu inlet ka ta, ka hnawt hmangna cheu hmun po poa inthawk le, hnam po pohaia inthawk chun ṭhuoi khâwm ka ti cheu a, Lalpa chun a tih; chun, sala intâng dinga ṭhuoi hmanga kân umtirna cheu hmuna bawk khan hung ṭhuoi kîr nâwk ka ti cheu.

JEREMIA 3:18

Chuong nihaia chun Juda sûngkuo chu Israel sûngkuo le chun intlawn an ta, hmâr tieng rama inthawk chun hung suok hmunkhat an ta, in thlatuhai kuoma rochan dinga ka pêk rama chun hung an tih.

JEREMIA 30:10

Chuleiin, Aw Jakob, ka siehlaw, ṭi naw rawh, Lalpa chun a tih: Aw Israel, beidawng bawk naw rawh, ngai ta, ram hlataka inthawkin ka sandam ding che a ni si a, i thlahai chu an sal intângna rama inthawkin sandam bawk ka tih; chuongchun, Jakob chu hung kîr a ta, nuomsa le to ṭawk ṭawkin um a tih, tukhawma sukṭi ta naw ni hai.

JEREMIA 30:18

Lalpa chun hieng hin a tih: Ngai ta u, Jakob puon in sal intângna chu inlêt nâwk ka ta; a chêngna hmunhai chu lunginsiet ka tih: chun, a dêng pâwng chung ngeiahai chun khawpui chu bâwl nîng a ta, lal in ropui khawm chu chutaka a um dân pângngai ang bawkin um a tih.

JEREMIA 30:4

Juda chungthua le Israel chungthua Lalpain thu a hrilhai chu hieng hi an nih,

JEREMIA 31:16

Lalpa chun hieng hin a tih: I râwl chu ṭapnaa inthawk le, i mithai chu mitthlihaia inthawkin insûm rawh; i sinthaw chu lâwmman pêk a ni ding a ni si a, Lalpa chun a tih; chun, anni chu hmêlma rama inthawk chun hung kîr nâwk an tih.

JEREMIA 31:23

Sipaihai Lalpa, Israel Pathien chun hieng hin a tih: An sal intângna ka hung lâk kîr nâwk pha chun Juda rama le chutaka khawpuihaia chun hi ṭawngbau hi la hmang nâwk an tih: “Aw indikna chêngna, Lalpa chun mal sâwm raw se che,” ti dâm le, “Aw inthiengna tlâng,” ti dâm hi.

JEREMIA 31:27

Ngai ta u, nihai chu a hung tlung, Lalpa chun a tih: Juda sûngkuo le Israel sûngkuo chu ramsa chi le mihriem chiin tûng ka ta.

JEREMIA 31:31

Ngai ta u, nihai chu a hung tlung, Lalpa chun a tih, Juda sûngkuo le Israel sûngkuo le chun thuthlung thar siem ka ta;

JEREMIA 31:38

Ngai ta u, nihai chu a hung tlung, Lalpa chun a tih: Hananel in insânga inthawka a kia dai kawtkhâr chenin, Lalpa ta dingin khawpui chu bâwl nîng a tih.

JEREMIA 32:37

Ngai ta u, ka lunginsenna le ka ṭiumna le, ka lunginthaka anni ka hnawt hmangna ram po poa inthawk chun anni chu kei khâwm ka ta; hi hmuna hin hung ṭhuoi nâwk ka ta, himtakin inchêngtir ka tih;

JEREMIA 32:44

Mihaiin lohai chu tangka sumin inchâwng an ta, thuziek chu ziek det an ta, châr an tih, hrietpuituhai ko an ta, Benjamin rama dâm, Jerusalem vêla hmunahai dâm, tlângram khawpuiahai dâm, phairuoma khawpuihaia dâm, Sima khawpuiahai dâm chun: an sal intângnaa inthawkin kân kîrtir ding a ni si a, Lalpa chun a tih” tiin.

JEREMIA 33:26

Abraham hai, Isak hai, Jakob hai thlahai chunga rorêltuhai ding ka lâk nawna dingin, ka siehlaw David le Jakob thla chu peihâwn vêng ka tih; an sal intângna chu kân kîrtir ding a na, an chunga chun zângaina ka nei ding a ni si a”tiin.

JEREMIA 51:60

Chun, Jeremia chun Babulon chunga thil ṭha naw hung tlung dinghai po po, Babulon chungchângthua thu zieka umhai po po chu, lekhabua chun a ziek a.

EZEKIEL 20:42

Chun, in thlatuhai kuoma pêk dinga ka bân ka lo phar tah, chu ram, Israel rama chun ka hung ṭhuoi pha cheu chun Lalpa chu ka nih ti mi hre tâng in ta;

EZEKIEL 34:13

Hnamhai laia inthawk chun hung ṭhuoi suok ka ta, rambunghaia inthawk chun kei khâwm ka ta, anni ram ngeia chun ṭhuoi lût ka tih; chun, Israel tlâng chungahai le, tui luongna sîrahai le, chu ram, hluoa a umna hmun po poahai chun anni chu intlattir ka tih.

EZEKIEL 36:24

Hnamhai laia inthawk chun ṭhuoi ka ti cheu a, rambung po poa inthawkin kei khâwm ka ti cheu a, in rama ngei chun ṭhuoi ka ti cheu.

EZEKIEL 47:14

Chun, hluong in ta, inang sengin; chu dinga in thlatuhai kuoma pe dinga ka bân ka lo phar tah, hi ram hi in ta dinga rochan dingin a tlu ding a nih.

JOEL 3:1

“Ngai ta u, chuong niahai le chuong pha chun, Juda le Jerusalem sala an um chu ka ṭhuoikîr nâwk pha chun,

ZEPHANIA 2:7

Chu vakam hrûl chu Juda sûngkuo a la um sunhai ta ding kha nîng a ta, chutaka chun an ran ruol chu intlattir tâng an ta, Askelon inhaia chun zânah riek an tih; Lalpa an Pathien chun anni chu hung sir a ta, an sal intângna chu a hlîppêk ta ding a ni si a.

ZEPHANIA 3:20

Chu pha chun hung la lût kati che a, chu pha chun la khâwm ka ti cheu; In mithmu ngeia in sal intângna ka hung lâk kîr pha chun, Leihnuoia hnam po polaia chun, inpâkna le hming ka siempêk ding cheu a ni si a,” Lalpa chun a tih.

LUKA 17:22

Chun, inchûktirhai kuoma chun, “Mihriem Naupa dam lai nihai ni khat bêk hi in hmu nuom nihai la um a tih; nisienlakhawm, hmu ta si naw ti niu.

LUKA 19:43

Hieng ang nihai hi i chungah a la tlung ding a ni si a; i râlhaiin i vêlin hnuoi kul siem an ta, inhuol an ti che a;

LUKA 21:6

“Hieng in thil hmu hi, sukchim lova lung inthuo hrim hrim hitaka hin um naw ni; chuong ang ni chu la tlung a tih,” a ta.

DÂN PAHNINA 30:3

Lalpa in Pathien chun in sal nina chu sukbo a ta, lunginsiet a ti cheu a, Lalpa in Pathienin hnam tin laia a sukdarna cheua inthawk chun ṭhuoi khâwm nâwk a ti cheu.

DÂN PAHNINA 30:5

Chun, Lalpa in Pathienin in pi le puhaiin an hluo rama khan ṭhuoi lût nâwk a ti cheu a; hluong in ta, amân sukvângnei a ti cheu a, in pi le puhai khûmin sukpung a ti cheu.

HEBRAIHAI 8:8

Anni demin hieng hi a hril a nih: “Ngai ta, nihai a hung tlung ding a ni tah, Lalpain a tih, Chuong niahai chun Israel sûnghai le, Juda sûnghai lai chun thuthlung thar siem ka ta,