JEREMIA 30:19 - Pathien Lekhabu Inthieng (BSI)

¹⁹ Annia inthawk chun lâwmthu hrilnahai siem a ta, hlimna siemtuhai râwl ri le chun: chun, anni chu sukpung ka ta, tlâwm naw ni hai: chun, anni chu chawimawi bawk ka ta; chîn naw ni hai.

JEREMIA 30:19 ပူးပေါင်းရင်းမြစ်များ

EZRA 6:22

chawl ṭhanglo bei ruoiṭhe khawm chu hlimtakin ni sari sûng an hmang a: Lalpa chun anni chu a sukhlimin, Israel Pathien, Pathien in sin thawa chun an kuthai sukhrât dingin Assuria lal lungril chu anni chungah ân hertir ta nghâl si a.

NEHEMIA 8:12

Chuongchun, thu a hrilfie chu an hrietthiem leiin mipui po po chu fa ding dâmin, dâwn ding dâmin, mi dang chanpuol thawn ding dâmin, hlimtaka um ding dâm chun an ṭîn ta vawng a.

NEHEMIA 8:17

Chun, sala suok pungkhâwmhai po po chun sâwlbûk an siem a. Sâwlbûkhaia chun an um a; Nun naupa Josua chena inthawk tah, Israel nauhai chun chuong ang lâwm chun an la thaw ngai naw a. Chuongchun, lâwmna nasatak a hung um ta a,

INPÂKNA HLABU 53:6

Israelhai sandamna chu Ziona inthawkin suok sienla chu aw! Pathien chun a mihai sala an um chu a ṭhuoi kîr nâwk pha chun, Chu pha chun Jakob hlim tâng a ta, Israel lâwm tâng an tih.

ISAI 12:1

Chu nia chun hieng ang hin la hril i tih, “Aw Lalpa, lâwmthu hril ka ti che; ka chungah lo lunginsen ta la khawm, i lunginsen chu a bo ta a, nangin i mi thlamuon ta a ni hi.

ISAI 26:15

Hi hnam hi i sukpung ta a, aw Lalpa, hi hnam hi i sukpung tah; nang chu chawimawiin i um ta a, hi ram hi a ramri po po chu i suklien tah.

ISAI 27:6

Hun la hung tlung dinga chun Jakobhai chun zung kei an ta; Israelhai chu kumûmin pâr an tih; chuongchun, hnuoi chung hi rain suksip an tih.

ISAI 35:10

chun, Lalpa intlanhai chu kîr nâwk an ta, hla sak pumin Zion chu tlung an tih; chatuona lâwmna an lu chungah um tâng a ta, hlimna le lâwmna hmûng an tih, lungngaina le inrûmna chu bo tâng a tih.

ISAI 51:11

Chun, Lalpa intlanhai chu kir nâwk an ta, hla sak pumin Zion chu tlung an tih; chatuona lâwmna an lu chungahai chun um tâng a ta, lâwmna le hlimna hmûng an ta, lungngaina le inrûmna chu bo tâng a tih.

ISAI 51:3

Lalpa chun Zion chu a thlamuon ta si a; a hmun se tahai po po chu a thlamuon a, a thlalêr chu Eden angin a siem a, a ram ṭâwl chu Lalpa huon angin a siem bawk a; chutaka chun lâwmna le hlimna dâm, lâwmthu hrilna le hla sak ri dâm um a tih.

ISAI 52:9

Jerusalem hmun se ta hnunghai, hlim suok phut unla, hlimtakin hla sak tâwl ro; Lalpa chun a mihai chu a thlamuon ta si a, Jerusalem chu ân tlan tah a nih.

ISAI 55:5

Ngai ta, i hriet naw hnam chu ko i ta, nangma hre ngailo hnam chu i kuomah hung tlân an ta; Lalpa i Pathien lei le, Israelhai Mi Inthieng lei chun; ama chun a chawimawi si che a.

ISAI 60:19

Nisa khi sûna nangma êntu ni ta naw ni a; thla khawm khin varna dingin sukvar ta bawk naw ni che; Lalpa ruok chu i ta dingin kumkhuoa vartuah um tâng a tih, I Pathien chu i ropuina dingin um bawk a tih.

ISAI 60:22

Mi chîn chu sâng khat ni tâng a ta, mi chiterek khawm hnam hrâttak ni tâng a tih; kei Lalpa hin a hun pha chun intlungtir vak ka tih.

ISAI 60:9

Ama chun a chawimawi che leiin Lalpa i Pathien hming ta ding le Israelhai Mi Inthieng ta ding chun i naupasalhai an tangka le rângkachak leh hlataka inthawka ṭhuoi dingin matheilovin thlierkârhai chun mi nghâk an ta. Tarsis lawng lienhai chun hmasak inchûng an tih.

JEREMIA 17:26

Chun, Juda ram khawpuihaia inthawk dâm, Jerusalem vêl khuohaia inthawk dâm, Benjamin rama inthawk dâm, phai ram le tlâng rama inthawk dâm, Sim rama inthawk dâmin, Lalpa ina lâwmthu hrilna inthâwinahai, berâm dâm, inthâwina hrim hrim dâm, bu thilinhlân dâm, pumrawhmang thilinhlân dâm chu hung chawiin hung an tih.

JEREMIA 3:16

Chun, chu rama chun in hung pung a, in hung tam pha chun; chuong niahai chun, Lalpa chun a tih, “Lalpa thuthlungna bâwm hi,” ti ta ngai naw ni hai. An lungrilah hung lût ta naw ni a, anni hlaka hre zing ta naw ni hai a; va sir bawk naw ni hai a, thawa thaw khawm um ta naw ni,’ ti ta ngai naw ni hai.

JEREMIA 31:27

Ngai ta u, nihai chu a hung tlung, Lalpa chun a tih: Juda sûngkuo le Israel sûngkuo chu ramsa chi le mihriem chiin tûng ka ta.

JEREMIA 31:4

Bâwl nâwk ka ti che a, bâwlin um i tih, Aw Israel nunghâk inthieng. Khuong têhai leh inthuom nâwk i ta, hlimna siema lâmtuhai lai chun fe suok i tih.

JEREMIA 33:22

Vâna umhai chu tiem sêng an ni naw a, tuisuoriet phaiphin chu inkhi ruol a ni naw ang bawkin; ka siehlaw David chithla chu sukpung ka ta, keia ta dinga rawngbâwltu Levi mihai le chun” tiin.

EZEKIEL 36:37

“Lalpa Pathien chun hieng hin a tih; Hi hi dinga khawm hin, an ta dinga thawpêk dingin, Israel sûngkuo mi râwnin um bawk ka tih; anni chu berâm ruol angin mihriem sukpung ka tih.

EZEKIEL 37:10

Chuongchun, thu a mi pêk ang chun thu chu ka hril ta a, chun, thli chu annia chun a hung lût a, an hring ta a, an kein, sipai pâwl nasa êm êm el angin an hung ngîr suok ta a.

EZEKIEL 37:26

Chu nawa khawm chun anni le chun inremna thuthlung siem ka ta, anni le chatuona thuthlung nîng a tih; chun, anni chu sieng ka ta, sukpung ka ta, anni laia chun ka hmun inthieng chu kumkhawtluongin sie tâng ka tih.

ZEKARIA 10:8

An ta dingin faifûk ka ta, anni ko khâwm ka tih; anni chu kân tlan ta si a; a lo pung ta ang bawk khan hung insukpung an tih.

ZEKARIA 12:8

Chu ni chun Lalpa chun Jerusalem hluotuhai chu hliekhûng a ta, chu nia anni laia hrât naw chu David ang nîng a ta; chun, David sûngkuo chu Pathien ang, an hmaa Lalpa vântirko ang chu nîng a tih.

ZEKARIA 2:4

“Tlân la, hi tlangvâl kuoma hin, ‘mipui tam lei le ranruol leiin Jerusalem chu khuo kul um lohai anga hluo el nîng a tih,’ tiin hril rawh.

ZEKARIA 8:19

“Sipaihai Lalpa chun hieng ang hin a tih: Thla lina bu ngheina le, thla ngana bu ngheina le, thla sarina bu ngheina le, thla sâwmna bu ngheina chu Juda sûngkuo ta ding chun hlimna le lâwmna le thafânna ruoiṭhehai an ni lem ding a nih: chuleiin, indikna le inremna hi ngaina ro,” tiin.

JOHAN 17:22

Chun, nangin ropuina i mi pêk kha keiin an kuomah ka pêk tah; anni chu pumkhat an nina dingin, eini pumkhat ei ni ang bawk hin;

1 PETER 1:7

in ringna fiena, rângkachak meia fie hnung khawma bohmang hlak nêka hlu lem chu, Isu Krista inlâr pha chun inpâkna le chawimawina le ropuina ding a hung ni theina dingin.