JEREMIA 30:18 - Pathien Lekhabu Inthieng (BSI)

¹⁸ Lalpa chun hieng hin a tih: Ngai ta u, Jakob puon in sal intângna chu inlêt nâwk ka ta; a chêngna hmunhai chu lunginsiet ka tih: chun, a dêng pâwng chung ngeiahai chun khawpui chu bâwl nîng a ta, lal in ropui khawm chu chutaka a um dân pângngai ang bawkin um a tih.

JEREMIA 30:18 ပူးပေါင်းရင်းမြစ်များ

1 CHANCHIN SUINA 29:1

Chun, lal David chun mipui inkhâwmhai po po kuoma chun, “Ka naupa Solomon Pathienin ama ngei a hung thlang hi, a la naupangin a la dâwng a, sin hlak chu a nasa hle a; a in chu mihriem ta ding ni lovin, Lalpa Pathien ta ding a ni si a.

1 CHANCHIN SUINA 29:19

ka naupa Solomon kuoma khawm, i thupêkhai le, i thu inhriettirhai le, i thuruothai chu zâwm dingin le, hieng thilhai po po hi thaw a, a châkkhai ka lo sielâwk tahai chun lalin bâwl dingin lungril ṭha famkim pe bawk rawh,” a ta.

NEHEMIA 7:4

Khuo chu a lienin ân dar hle si a, a mi umhai chu an tlâwm hle a, inhai khawm chu la bâwl lo an ni tâwl si a.

INPÂKNA HLABU 102:13

Tho i ta, Zion tlâng chu lunginsiet i tih, Ama chu lunginsiet a hun ta si a anih, hun ruot chu a tlung tah.

INPÂKNA HLABU 102:14

I siehlawhai chun a lunghai chu an ngainain, A pilvut chen khawm an lunginsiet si a.

INPÂKNA HLABU 122:7

I kul sûnga chun thlamuongna um sienla, I lal inhaia chun thawvengna um raw se.

INPÂKNA HLABU 48:13

A kulhai chu inchik ngun unla, A lal inhai chu ngaituo ro; Ruolthar hung um nâwkhai kuoma in hril theina dingin.

INPÂKNA HLABU 48:3

A lal inahai chun Pathien chun kulbîng insâng a nizie ân hriettir a.

INPÂKNA HLABU 78:69

A in inthieng chu vân insânghai ang khin a bâwl a, Kumkhuoa dinga a suknghet leihnuoi ang hin.

INPÂKNA HLABU 85:1

Lalpa i ram chunga hin i lâwm a, Jakobrawi sala an um chu i ṭhuoi kîr nâwk a.

ISAI 44:26

mâni siehlaw thu sukdet a, mâni palaihai remruot sukmuolsuotu, Jerusalem chungchâng thua, ‘Chutaka chun mi um nâwk an tih,’ titu le, Juda ram khawpuihai chungchâng thua, ‘Siemin um nâwk tâwl an ta, a sietna laihai chu siem ṭha nâwk ka tih,’ titu,

ISAI 44:28

Kura chungchâng thua, ‘Ama chu ka berâm vêngtu a nih, Jerusalem chungchâng thua, siemin um nâwk a tih, ti le, Pathien biekin kuoma, I lungphûm chu remin um nâwk a tih, ti hiel khawpin ka dit zâwng po po chu thâwng a tih,’ titu ka nih,” tiin.

JEREMIA 23:3

Ka berâm ruol laia hlâbîkhai chu, ram anni ka hnawt hmangna po poa inthawk chun hung ṭhuoi khâwm ka ta, an huonhaia chun hung ṭhuoi nâwk ka tih; chun, hung pung an ta, hung rahlâwk an tih.

JEREMIA 29:11

In ta dinga ka remruotnahai chu ka hriet si a, Lalpain a tih, in sietna ding ni lovin in ṭhatna ding le hmatienga beiseina pe ding cheua ka remruotnahai chu.

JEREMIA 29:14

Nangni ihmuin um ka ta, Lalpa chun a tih: chuongchun, in sal intângna chu inlet ka ta, ka hnawt hmangna cheu hmun po poa inthawk le, hnam po pohaia inthawk chun ṭhuoi khâwm ka ti cheu a, Lalpa chun a tih; chun, sala intâng dinga ṭhuoi hmanga kân umtirna cheu hmuna bawk khan hung ṭhuoi kîr nâwk ka ti cheu.

JEREMIA 30:3

Ngai ta, nihai chu a hung tlung ta si a, Ka mi Israelhai le Judahai ka ṭhuoikîr nihai chu a hung tlung mêk ie, ram, an thlatuhai kuoma ka pêka chun ṭhuoikîr nâwk ka ta,hluo tîng an tih',ti hi Lalpa thusuok a nih,” Lalpa chun a tih.

JEREMIA 31:23

Sipaihai Lalpa, Israel Pathien chun hieng hin a tih: An sal intângna ka hung lâk kîr nâwk pha chun Juda rama le chutaka khawpuihaia chun hi ṭawngbau hi la hmang nâwk an tih: “Aw indikna chêngna, Lalpa chun mal sâwm raw se che,” ti dâm le, “Aw inthiengna tlâng,” ti dâm hi.

JEREMIA 31:38

Ngai ta u, nihai chu a hung tlung, Lalpa chun a tih: Hananel in insânga inthawka a kia dai kawtkhâr chenin, Lalpa ta dingin khawpui chu bâwl nîng a tih.

JEREMIA 31:4

Bâwl nâwk ka ti che a, bâwlin um i tih, Aw Israel nunghâk inthieng. Khuong têhai leh inthuom nâwk i ta, hlimna siema lâmtuhai lai chun fe suok i tih.

JEREMIA 31:40

Chun, mithi ruong phairuom pumpui le, vut phairuom le Kidron vadungtê chen, saktienga sakawr dai kawtkhâr chen ram po po kha, Lalpa chanpuol nîng a tih, sukdar ni naw ni a, kumkhuoin pei thlâk khawm ni bawk naw nih.

JEREMIA 32:15

Sipaihai Lalpa, Israel Pathien chun hieng hin a ti si a: Inhai, lohai, grêp huonhai chu hi rama hin inchâwk la ni nâwk an ti a ti si a,’ ” tiin.

JEREMIA 32:44

Mihaiin lohai chu tangka sumin inchâwng an ta, thuziek chu ziek det an ta, châr an tih, hrietpuituhai ko an ta, Benjamin rama dâm, Jerusalem vêla hmunahai dâm, tlângram khawpuiahai dâm, phairuoma khawpuihaia dâm, Sima khawpuiahai dâm chun: an sal intângnaa inthawkin kân kîrtir ding a ni si a, Lalpa chun a tih” tiin.

JEREMIA 33:11

hlimna râwl dâm, lâwmna râwl dâm, moneitu râwl dâm, mo le, ‘Sipaihai Lalpa kuoma chun lâwmthu hril ro, Lalpa chu a ṭha si a; a zainêmna chu kumkhuoin um zing a tih,’ tituhai râwl le, Lalpa ina lâwmthu hrilna inthâwinahai hung chawituhai râwl ri chu. Hi ram sal intângna hi a tîr ang khan ka lamlêt ding a ni si a, Lalpa chun a tih.

JEREMIA 33:7

Juda sal intângna le Israel sal intângna chu inlamlêttir ka ta, a tîra ang khan anni chu rem ka tih.

JEREMIA 46:27

Nisienlakhawm, aw Jakob ka siehlaw, ṭi naw rawh, aw Israel, beidawng bawk naw rawh, ngai ta, hlataka inthawkin nang le, i chithlahai chu sala an intângna rama inthawk chun ka sandam ding cheu a ni si a; Jakob chu hung kîr nâwk a ta, to ṭawk ṭawk a ta, muongtakin um a tih, tukhawma sukṭi ta naw ni hai.

JEREMIA 49:39

Amiruokchu, ni nuhnungahai chun hieng hi hung nîng a ta; Elam sal intângna chu hung la kîr nâwk ka tih, Lalpa chun a tih”tiin.

JEREMIA 49:6

Nisienlakhawm, Ammon mihai sal intângna chu hung la kîr nâwk ka tih, Lalpa chun a tih”tiin.

EZEKIEL 36:11

in sûnga chun mihriem le sa khawm sukpung ka ta; pung an ta, ra hlâwk an tih; chun, a hmaa in lo um dân pângngai ang bawk khan hluoa um dingin siem ka ti che a, in um ṭantir lai nêk hman khan in chungah thaw ṭha lem ka tih; chun, Lalpa chu ka nih ti mi hre tâng in tih.

AMOS 9:14

Chun, ka mi Israelhai chu sala inthawkin ṭhuoi kîr nâwk ka ta; khaw ṭâwphai chu siem nâwk an ta, hluong an tih; chun, grêp huonhai siem an ta, a uoin dâwn an tih; huonhai khawm siem an ta, a ra chu fâng an tih.

ZEKARIA 1:12

Chun, Lalpa vântirko chun a dawn a. ‘Aw sipaihai Lalpa, kum sâwmsari sûng rau an chunga nasataka lunginsenna i nei, Juda khawpuihai le Jerusalem chunga hin ieng chen am zângaina nei lovin i um ding a na?’ a ta.

ZEKARIA 1:16

Chuleiin, Lalpa chun a tih: ‘Zângaina leh Jerusalema chun ka hung kîr nâwk a; chutaka chun ka in chu bâwl a ni ding a nih, sipaihai Lalpa chun a tih; chun, Jerusalem chunga hin inkhina hmawl keimar nîng a tih.

ZEKARIA 12:6

“Chu nia chun Juda lalhai chu thing laia mei thuk ang le, buphal laia meiser angin siem ka ta; vawitienga le changtienga, an vêla hnam po pohai chu sukbo an ta; chun, Jerusalem chu ama hmun Jerusalema ngei chun a la chêng ding a nih,” tiin.

ZEKARIA 12:7

Lalpa chun a hmasatakin Juda puon inhai khawm chu sanhim a ta, David sûngkaw ropuina le Jerusalem hluotuhai ropuina chu Juda chungtienga chawimawia a um nawna dingin.

ZEKARIA 14:10

Ram po po chu Araba, Gebaa inthawka Jerusalem sima Rimmon tienga a lêtkîr angin inher tâng a ta; chun, Jerusalem chu chawisângin um a ta, ama hmun ngei, Benjamin in kawtkhâra inthawka kawtkhâr hmasatak, kul kil kawtkhâr chen le, Hananel in insânga inthawka lal uoin sâwrna khur chenin, chang tâng a tih.