JEREMIA 30:11 - Pathien Lekhabu Inthieng (BSI)

¹¹ Nangma sandam ding chein i kuomah ka um si a, Lalpa chun a tih: nang ka sukdarna tieng chea hnamhai po po tâwpna letdêr chu siem ka ta, nang ruok chu suktâwp letdêr naw ning che; amiruokchu, rorêlnain sukdik lem ka ti che a, hrem lovin ieng kawnga khawm mâksan naw ning che.

JEREMIA 30:11 ပူးပေါင်းရင်းမြစ်များ

2 SAMUEL 24:12

“Fe la, David kuomah, ‘Lalpain hieng ang hin a tih; thil kawng thum ka ruotpêk che a, i chunga ka thaw dingin pakhat thlang rawh,’ a ti a,” tiin.

INPÂKNA HLABU 6:1

Aw Lalpa, lunginsenin mi kâwk naw la, Lunginsenin mi thunun bawk naw rawh.

FESUOKNA 34:7

sâng tamtak chunga hmangainaa sip, khawhlona le bawsietna le suolna ngaidam hlak, thiemnawa ngaihai ruok chu iengti khawma inthla el ngailo, pahai rîtlona nauhai, nauhai nauhai nâwk le suon thumna le suon lina chen chunga thung hlaktu a nih,” tiin a puong ta a.

ISAI 43:25

Kei, keima ngeiin, keima le keima lei ngawta in bawsietnahai thaihmang hlaktu chu ka nih; in suolnahai khawm hre zing naw ning.

ISAI 8:10

Inrâwn khâwm ro, iengkhawm ni hliek naw ni; thu hril ro, puitling chuong bawk naw nih; Pathien ei kuomah a um si a,” tiin.

JEREMIA 1:19

Chuongchun, do an ti che a; amiruokchu, hne naw ni hai che; nangma sanhim ding chein i kuomah ka um si a, Lalpa chun a tih,” tiin.

JEREMIA 1:8

Anni lei chun ṭi naw la, Nang chu sanhim ding chein i kuomah ka um si a; Lalpa chun a tih,” tiin.

JEREMIA 10:24

Aw Lalpa, mi sukdik la, amiruokchu, rorêlnain, i lunginsennain ni lovin, chuong naw chun iengkhawm ni lovin mi siem rawi i tih.

JEREMIA 15:20

Chun, hi hnam ta ding hin dârsen bang kulah siem ka ti che a; nang chu hung do hlak an ti che a, nisienlakhawm, hne ngai naw ni hai che; sandam ding le sansuok ding chein i kuomah ka um zing si a, Lalpa chun a tih.

JEREMIA 4:27

Lalpa chun hieng hin a ti si a, “Ram pumpui chu râusan nîng a ta, a tâwp ruok chu intlungtir naw ning.

JEREMIA 5:10

“Grêp tlar lai chun hang fe unla, sukse ro; tâwp ṭhuoina ruok chu thaw naw unla, a kauhai chu la thla unla, Lalpa ta an ni si naw a.

JEREMIA 5:18

Nisienlakhawm, chuong niahai khawm chun, i tâwp dêrna ding chu thaw naw ning, Lalpa chun a tih.

ṬAP HLA 3:22

Sukbohmanga ka um naw hi Lalpa zangaina a lo nih, A lainatnahai chu a kang ngai naw leiin.

EZEKIEL 11:13

Chun, thu ka hril lai chun Benaia naupa Pelatia chu a thi ta a. Chun, ka hmaia hnuoi sikin ka bawkkhup a, râwl inringtakin ka khêk a, “A khai, Lalpa Pathien! Israel la um sunhai hi i suktâwp el ding am a nih?” tiin.

EZEKIEL 6:8

Amiruokchu, ṭhenkhat la hlâng ka ta, ramhaia sukdara in um pha chun, hnamhai laia chun ṭhenkhat chun kâwlhnâm chu pumpel in tih.

HOSEA 11:9

Ka lunginsen nasatak chu hlen naw ning a, Ephraim chu sukbohmang tum nâwk ta naw ning. Kei chu mihriem ni lovin, Pathien ka ni si a, Nangmaa um Mi Inthieng chu; Khawpui chu hung hlûkhum naw ning.

LEVI DÂN 26:44

Nisienlakhawm, chuonghai po po leia an hmêlmahai rama an um sûng khawm chun, anni sukbohmang dêr ding le anni le ka thuthlung chu sukse dingin anni chu pei thla naw ningah, theida naw bawk ka tih; kei hi Lalpa an Pathien chu ka ni si a;

MATTHAI 1:23

“Ngai ta, nunghâk inthieng chu inrâi a ta, Naupasal nei a ta; A hming dingin Immanuel sak an tih,” tia a hril kha a hung tlung theina dingin chuong po po chu a hung um a nih. (Immanuel chu, “Ei kuomah Pathien a um” tina a nih).

MATTHAI 28:20

thu ka ipêk po po cheu pawm dingin inchûktir ro. Chun, ngai ta u, kei kumkhuoin khawvêl tâwp chen khawmin in kuomah um pei ka tih,” a ta.

THILTHAWHAI 18:10

kei i kuomah ka um annâwm, sukna ding chein tukhawmin i chungah kut thlâk naw ni hai; hi khuoa hin mi tamtak ka nei si a,” a ta.

DÂN PAHNINA 4:31

Lalpa in Pathien chu zângai theitak Pathien a ni si a; thlâthlam naw ni cheu a, sukbohmang naw bawk a ti cheu a, in pi le puhai kuoma inkhâma a thutiem chu theinghil naw bawk a tih.

2 TIMOTHE 4:22

Lalpa chu i thlarau kuomah um raw se. Lunginsietna in kuomah um raw se.