JEREMIA 30:10 - Pathien Lekhabu Inthieng (BSI)

¹⁰ Chuleiin, Aw Jakob, ka siehlaw, ṭi naw rawh, Lalpa chun a tih: Aw Israel, beidawng bawk naw rawh, ngai ta, ram hlataka inthawkin ka sandam ding che a ni si a, i thlahai chu an sal intângna rama inthawkin sandam bawk ka tih; chuongchun, Jakob chu hung kîr a ta, nuomsa le to ṭawk ṭawkin um a tih, tukhawma sukṭi ta naw ni hai.

JEREMIA 30:10 ပူးပေါင်းရင်းမြစ်များ

INṬANNA 15:1

Chuong thil hnunga chun, “Abram, ṭi naw rawh; kei hi i phaw le i lâwmman nasatak el chu ka nih,” tiin Lalpa thu chu Abram kuomah mang angin a hung tlung a.

ISAI 14:3

Chun, i lungngainaa inthawk dâm, i buoinaa inthawk dâm, sinthaw intaktak an inthawtirna chea inthawk dâma Lalpain ân châwltir nia che chun hieng ang hi nîng a tih,

ISAI 35:9

Sakeibaknei hrim hrim chutaka chun um naw ni a, sa hnukinrâwl hrim hrim chutaka chun hang fe bawk naw nih, chutaka chun hmun ding khawm um naw nih: intlanhai ruok chu chutaka chun fêng an tih;

ISAI 43:5

Ṭi naw ro, in kuomah ka um si a; in thlahai chu khawsak tienga inthawkin hung ṭhuoi ka ta, khawthlang tienga inthawkin ṭhuoi khâwm ka ti cheu a,

ISAI 44:1

“Tu ruok hin chu aw Jakobhai ka siehlawhai, aw Israelhai ka ithlanghai, ngai ro khai;

ISAI 44:2

Lalpa nangni siemtu, sula inthawka nangni inngîrtu, nangni ṭhangpuitu ding chun hieng ang hin a tih, ‘Aw Jakobhai ka siehlawhai, nangni Jesurun ka ithlanghai, ṭi naw ro,’

ISAI 46:11

khawsak tienga inthawkin vate hnukinrâwltak, ram hlataka inthawka ka mi ruot chu ka ko a, anih, ka hril ta a, muolsuo bawk ka tih; ka tum ta a, thaw bawk ka tih.

ISAI 46:13

chuongchun, ka ropuina Israelhai ta dingin sandamna chu Ziona chun sieng ka tih.

ISAI 49:12

En ta, sawhai saw, hlataka inthawkin an hung ding a ni saw; en ta, sawhai saw, hmartienga inthawk dâm, thlangtienga inthawk dâm, Sim rama inthawk dâmin an hung ding a ni saw.

ISAI 49:25

Nih e a, Lalpa chun hieng ang hin a tih, ‘Mi hrâttak salhai meu khawm lâkpêkin um an ta, mi ṭium râllâkhai chu sansuokin um an tih; nangma dotu chu ka do ding a ni si a, i nauhai khawm ka sandam ding a nih.

ISAI 54:4

Ṭi naw, i muolpho âwm si naw a; beidawng bawk naw, muolphoin i um âwm bawk si naw a, i tleirâwl lai muolphona chu i theinghil tain, i hmeithaina hmingsietna khawm chu i hriet zing ta âwm si naw a.

JEREMIA 23:3

Ka berâm ruol laia hlâbîkhai chu, ram anni ka hnawt hmangna po poa inthawk chun hung ṭhuoi khâwm ka ta, an huonhaia chun hung ṭhuoi nâwk ka tih; chun, hung pung an ta, hung rahlâwk an tih.

JEREMIA 23:4

Anni châwmtu ding berâmpu an chunga chun sieng ka ta; ṭit khawm ṭi ta naw ni hai a, beidawng ngai ta bawk naw ni hai a, tlâksam hrim khawm um ta naw ni, Lalpa chun a tih.

JEREMIA 23:6

Ama dam sûng chun Juda chu sandam nîng a ta, Israel khawm chu himtakin chêng a tih, chun, hi hi hming ama kona ding chu nîng a ta, “Lalpa chu ei felna a nih,” ti hi.

JEREMIA 23:8

Hmâr rama inthawk le anni ka hnawt hmangna ram po pohaia inthawka Israel sûngkuo chu enkawla ṭhuoitu Lalpa ti ni lem tâng a tih: chuongchun, anni ram ngeia chun chêng tâng an tih.

JEREMIA 29:11

In ta dinga ka remruotnahai chu ka hriet si a, Lalpain a tih, in sietna ding ni lovin in ṭhatna ding le hmatienga beiseina pe ding cheua ka remruotnahai chu.

JEREMIA 29:14

Nangni ihmuin um ka ta, Lalpa chun a tih: chuongchun, in sal intângna chu inlet ka ta, ka hnawt hmangna cheu hmun po poa inthawk le, hnam po pohaia inthawk chun ṭhuoi khâwm ka ti cheu a, Lalpa chun a tih; chun, sala intâng dinga ṭhuoi hmanga kân umtirna cheu hmuna bawk khan hung ṭhuoi kîr nâwk ka ti cheu.

JEREMIA 3:18

Chuong nihaia chun Juda sûngkuo chu Israel sûngkuo le chun intlawn an ta, hmâr tieng rama inthawk chun hung suok hmunkhat an ta, in thlatuhai kuoma rochan dinga ka pêk rama chun hung an tih.

JEREMIA 30:3

Ngai ta, nihai chu a hung tlung ta si a, Ka mi Israelhai le Judahai ka ṭhuoikîr nihai chu a hung tlung mêk ie, ram, an thlatuhai kuoma ka pêka chun ṭhuoikîr nâwk ka ta,hluo tîng an tih',ti hi Lalpa thusuok a nih,” Lalpa chun a tih.

JEREMIA 30:7

Ahei, chu ni chu a ropui si a, chu ang hrim chu a um naw a, Jakob buoina hun ngei chu a ni el a nih; nisienlakhawm, chutaka inthawk chun sansuokin um a tih.

JEREMIA 33:16

Chuong nihaia chun Juda chu sandam ni tâng a ta, Jerusalem khawm chu himtakin chêng tâng a tih: chun, ‘Lalpa chu ei felna a nih,’ ti hi koa a umna ding hming chu ni ta bawk a tih.

EZEKIEL 16:52

I zuorpuihai fel lema în langtirna hin nang ngeiin i muolphona chu phur rawh, anni nêka tirdakumna nasa lem thawha i suolnahai leiin anni chu nanga nêkin an fel lem a nih, i zuorpuihai chu fel lema în langtir leiin.

EZEKIEL 38:11

khuohai kul neilova an umna rama chun hang fêng ka ta, to ṭawk ṭawka chênghai, himtaka chênghai kuoma chun; an rêngin kul neilovin an chêng a, dai kawtkhârhai le kalna thîrtluonhai bovin;

DANIEL 12:1

“Chu pha chun lal naupa ropuitak Mikael, i mihai ta dinga ngîr chu ngîrsuok a ta; chun, buoina hun chu a hung um ding a nih, hnam um tira inthawka chu chu hun chena khawm la um ngai hrim hrim lo chu; chu pha chun, i mihai, lekhabua zieka hmu taphawthai chu sanhim nîng an tih.

HOSEA 2:18

Chu nia chun ramsahai, chunglêng vatehai, hnuoia thilhringhai le an ta dingin thuthlung siem ka ta; thalngulhai, kâwlhnâm dâm le indo nahai hi hnuoia inthawkin sukbohmang ka ta, himtakin inum hmunkhattir ka tih.

HOSEA 2:20

Ringumnain huol ka ti che a, chuongchun, Lalpa chu hrieng i tih,

HOSEA 6:11

Ka mihai sal intângnaa inthawka ka ṭhuoi kîr pha chun, Aw Juda, i ta ding khawma ra sîk ding ruot a nih.

JOEL 2:21

Aw ram, ṭi naw la, hlimin lâwm rawh, Lalpa chun thil ropuitakhai a thaw ta si a.

MIKA 4:9

Iengdinga i ṭap rak am a na? I sûngah laltak chu a um naw am a nih? I remruottu chu a bohmang ta am a nih? Nuhmei nau invawi anga natnain a man el ta che chu!

ZEKARIA 3:10

Chu nia chun, theichang kûng le grêphrui hnuoia chun nangni mi tin chun mâni tuolbâwmhai chu ko tâng in tih,” sipaihai Lalpa chun a tih.

JOHAN 12:15

“Ṭi naw, Zion naunu, En ta, i Lal chu, Sabengtungtê chunga chuongin, A hung ding a nih,” ti ziek ang khan.