JEREMIA 3:8 - Pathien Lekhabu Inthieng (BSI)

⁸ Israel hnungtawl chun uiretna thil a lo thaw ka hmu lei tak chun ama chu ka mâk a, inmâkna lekha ka pêk tah ti a hmu sa khawmin a zuorpuinu rilotak Juda chun ṭitna châng a hriet chuong naw a, ama ngei khawm chu a fe a, nawchizawrah a khawsa ve ta a.

JEREMIA 3:8 ပူးပေါင်းရင်းမြစ်များ

2 CHANCHIN SUINA 21:11

Chunawa khawm chun Juda ram tlângahai chun bâwlhmunhai a siem a, Jerusalema umhai chu ân uirettir a, chuongchun, Juda ram chu an lo ṭhuoi hmang ta a.

ISAI 50:1

Lalpa chun hieng ang hin a tih, “In nu mâkna lekha, ka mâkna chu, khaw lai am a um a? Annawleh, ka leibatnahai a tu tak kuom âm ka zawr cheu a? Ngai ta u, in khawhlonahai leiin a nih zawra in um chu, in bawsietnahai leiin a nih in nu khawm kha mâka a um chu.

JEREMIA 2:19

Nangma rîtlona ngei chun sukdik a ti che a, i hnungtawlnahai chun nang chu kâwk a ti che; chuleiin, Lalpa i Pathien chu i nghatsan a, keima ṭina chu nangmaa hrim a um naw hi, thil rilotak le, thil kha a nih ti hi hmu la, hre rawh, Lalpa, sipaihai Lalpa chun a tih.

JEREMIA 3:1

“Mîn a nuhmei a mâk a, amanu chun a suoksan a, pasal dang nuhmei a hung ni ta chun, ama chu, chu nu kuoma chun a kîr nâwk ding am a nih? Chuong a ni chun chu ram chu nasataka sukpawrche a ni naw ding maw? Nang khawm chu, ngaizâwng tamtakhai le chun nawchizawr angin i lo khawsa ta a, ka kuomah i la hung kîr rawp ding a ni? Lalpa chun a tih.

JEREMIA 33:24

“Hi mi, Hnam pahni Lalpa thlanghai chu, anni chu a pei thlâk tah, tituhai chu ngaituo naw rawh; chuongchun, anni hmaa hnam hrim an ni ta nawna dingin, anni chun ka mihai chu an hmusit a nih.

JEREMIA 5:7

Iengtin am ngaidam thei ka ti che a? I thlahai chun an mi nghatsan ta a, pathien ni lohaia chun an inkhâm ta a; khawptaka ka châwm lai khawmin, an uire ta a, nawchizawr inahaia chun a pâwl pâwlin anni chu an inkhâwm tâwl a.

EZEKIEL 16:46

I zuorpui upa lem le a naunuhmeihai chu i vawitienga chêng Samaria hi a na; chun, i zuorpui naupang lem i changtienga chêng chu Sodom le a naunuhmeihai hi an nih.

EZEKIEL 16:47

An lampuihai chu i hrawin, an tirdakumnahaia chun i lungawi tâwk naw a; amiruokchu, hun sâwt nawtê sûngin i um dân po poah anni nêk hmanin i se lem a.

EZEKIEL 16:51

Samaria khawm chun i suol zâtve khawm a thaw naw a, nang ruok chun anni nêkin i tirdakumna chu i sukpung nasa lem a, chuleiin, tirdakumna i thawhai po po chun i zuorpuihai chu felah în langtir tah a nih.

EZEKIEL 23:44

Nuhmei nawchizawr hlak kuoma an lût hlak angin, anni chu ama kuoma chun an lût ta a; chuongchun, nuhmei hur, Ohola le Oholiba kuoma chun an lût ta a.

EZEKIEL 23:9

Chuleichun, a hmangaihai kutah, ân saipui Assuria mihai kuta chun ka pêk suok ta a.

HOSEA 3:4

Israel mipuihai chu ni tamtak laltak le mi lien le, inthawina le lungphun inser, thiempu zakuo amanih, milimhai amanih, nei lovin an um ding a ni si a.

DÂN PAHNINA 24:1

“Miin nuhmei a nei a, a chunga thil mawilo ieng amanih a hriet leia a mit a tlung naw a, inmâkna lekha a ziekpêk a, a pêk a, a ina inthawka ân suoktir a,

DÂN PAHNINA 24:3

a pasal nuhnung lem chun a theida a, inmâkna lekha a ziekpêk a, a pêk a, a ina inthawka ân suoktirin amanih, a pasal nuhnung lem nuhmeia neitu chu a thi amanih a ni chun,