JEREMIA 3:6 - Pathien Lekhabu Inthieng (BSI)

⁶ Chu nawa khawm chun lal Josia hun lai chun ka kuomah Lalpa chun hieng ang hin a hril a, “Israel hnungtawlin a lo thaw ta hi i hmu am? Tlâng insâng tinahai hang fein le, thing hring tin hnuoia chun; chuongahai chun nawchizawr angin a lo khawsa ta a.

JEREMIA 3:6 ပူးပေါင်းရင်းမြစ်များ

1 LALHAI 14:23

Tlâng insâng tina le thing hring tin hmuna hin lungphunhai phunin bâwlhmunhai le Aserahai chenin an siem bawk si a,

2 CHANCHIN SUINA 34:1

Rorêl a ṭan chun Josia chu kum rieta upa a na, Jerusalema chun kum sâwmthum pakhat sûng ro a rêl a.

INPÂKNA HLABU 106:39

Chuongchun, an sinthawhaia sukkhawlovin an um ta a, An thilthawhaia chun an hung uire ta a.

ISAI 57:3

Nisienlakhawm, nangni dawithiemnu naupasal, uire le nawchizawr thlahai, hitaka hin hung hnai ro.

ISAI 57:7

Tlâng insâng inzotak chunga chun i khum chu i sie a, chutaka bawk chun inthâwina inhlân dingin i fe hlak.

JEREMIA 1:2

Ama kuoma chun Juda lal Amon naupa Josia hun lai, a rorêl a kum sâwm le pathum kum chun Lalpa thu chu a hung tlung a,

JEREMIA 11:10

An thlatuhai ka thu khawm ngai nuom lohai suolna tienga chun an kîr nâwk tah a nih; an rawngbâwl dingin an pathienhai hnung chu an zui a; an thlatuhai le ka lo siem tah ka thuthlung chu Israel sûngkuo le Juda sûngkuo hin an lo bawsiet ta a ni hi.

JEREMIA 17:2

an thlahai chun muol insânghai chunga thing hringhai kâwla an Asera le an maichâmhai chu an hriet zing sûng phawt chun.

JEREMIA 3:8

Israel hnungtawl chun uiretna thil a lo thaw ka hmu lei tak chun ama chu ka mâk a, inmâkna lekha ka pêk tah ti a hmu sa khawmin a zuorpuinu rilotak Juda chun ṭitna châng a hriet chuong naw a, ama ngei khawm chu a fe a, nawchizawrah a khawsa ve ta a.

JEREMIA 31:22

Aw nang naunu hnungtawl, ieng chen am hitieng sawtieng i fe lawn ding a na? Hnuoia chun Lalpa chun thil thar a siemsuok a, “Nuhmeiin pasal a hum ta lem,” ti hi.

JEREMIA 5:11

Israel sûngkuo le Juda sûngkuo chun ka chungah khawhlotakin an lo thaw ta si a, ”Lalpa chun a tih.

JEREMIA 7:24

Nisienlakhawm, an ngai naw a, an na khawm an sit bawk naw a, amiruokchu, anni remruotnaa le, an lungril rilo kâwmâwna chu hrawin, hmatiengah ni lovin an kîr nâwk ta lem a.

EZEKIEL 16:31

Lampui tluong tinahai chun i hmun langsârhai chu i bâwl a, kawtthlêr tinahai chun i hmun insânghai chu i siem bawk a; hawman khawm i lâk nawnaa hin nawchizawr el ang khawm i ni nawh.

EZEKIEL 16:35

“Chuleiin, aw nang nawchizawr, Lalpa thu chu lo hre rawh:

EZEKIEL 20:28

Ka bân phara anni pe dinga ka ti, chu rama anni ka hung ṭhuoi lai chun tlâng insângtak le rampui inthim mup an hmu a, chutaka chun an inthâwina chu an inhlân ta a, chutaka chun an thilinhlân chimum chu an pêk a, chutaka chun an riminhnik khawm chu an bun bawk a.

EZEKIEL 23:11

“Chun, a unaunu Oholiba khawm chun hi hi a hmu zing a, anachu, ama chu a mi insaipuinaa chun ama nêk hin nasatakin ân suksiet lemin, a nawchizawrnaa khawm chun a unaunu nawchizawrna nêkin a nasa lem a.

EZEKIEL 23:4

An hminghai chu, a upa lem chu Ohola a na, a sangnu chu Oholiba a nih; ka ta an hung ni a, naupasalhai le naunuhmeihai an hung nei ta a. Chun, an hming thua chun Ohola chu Samaria a na, Oholiba chu Jerusalem chu a nih.

HOSEA 11:7

Ka mihai chun mi nghatsan an tum zing a, Chuongchun, an ta dingin rîngkawl ruotpêk an nih, Chu chu tukhawma hlîppêk naw nih.

HOSEA 4:13

Tlâng sîphaia chun an inthâwi a, Muolhaia chun riminhnik an raw a; Thingsaisuo le beraw le tarpin thing hnuoia chun, A hlim chu ân hawi leiin. Chuleiin, in naunuhmeihai chun nawchizawr an chîng a, In mohai chun uiret an chîng a nih.

RORELTUHAI 2:17

Chuong sa khawm chun an rorêltuhai râwl chu an ngai naw a, pathien danghai kuomah an uire a, chibai an bûk ta lem a; an thlatuhaiin Lalpa thupek chu awia an hraw hlak lampui chu an lo pêtsan ta a.