JEREMIA 3:23 - Pathien Lekhabu Inthieng (BSI)

²³ Indiktakin muolhaia ṭhangpuina beiseia umhai chu mipui inri mur murhai chu a thlâwn el a nih; indiktakin Lalpa ei Pathiena chun Israelhai sandamna chu a um a nih.”

JEREMIA 3:23 ပူးပေါင်းရင်းမြစ်များ

INPÂKNA HLABU 3:8

Sandamna chu Lalpa ta a na, I malsâwmna chu i mihai chungah um raw se.

INPÂKNA HLABU 62:7

Pathien kuomah ka sandamna le ka ropuina a um a, Ka hrâtna lungpui le kân humhimna chu Pathienah a um a.

THUVARHAI 21:31

Sakawr chu indo nia ding chun buotsai a ni hlak a, Hnêna ruok chu Lalpa ta a nih.

ISAI 10:20

Chun, chu ni chun, Israelhai hlabîkhai le Jakob sûnghai laia a la dam sunhai chun anni thattu chu ring nâwk ta naw ni hai a; Lalpa Israelhai Mi Inthieng chu, titakzetin ring lem tâng an tih.

ISAI 12:2

Ngai ta, Pathien chu ka sandamna a na, ring ka ta, ṭiin um naw ning ah; Lalpa Jehova chu ka hrâtna le ka hla a ni si a; a mi sandamtu a lo ni ta bawk a,” tiin.

ISAI 43:11

Kei, keima ngei hi, Lalpa chu ka nih; keima naw chu sandamtu hrim hrim an um nawh.

ISAI 44:9

Milim siem fâwm siemtuhai chu an rêngin boruok el an na; an thil dit zâwnghai ienga ṭhahnem ni naw ni hai; an muolphona ding hrim hrimin anni hrietpuituhai khawmin an hmu thei naw a, an hriet thei bawk nawh.

ISAI 45:15

Aw Israelhai Pathien, Sandamtu, Pathien inthup hlak chu i ni ngei el.

ISAI 45:17

Israelhai ruok chu kumkhaw sandamnaah, Lalpa sandamin um an tih: chatuon chen khawmin muolphoin inzak naw ti niu.

ISAI 45:20

“Inkhawm unla hung ro; hnam tin laia hremna pumpeltuhai, hung hnai seng ta u, an thing milim siemfâwm chawi hlak a, mi sanhim thei lo pathien kuoma ṭawngṭai hlaktuhai chun hrietna hrim hrim an nei nawh.

ISAI 63:1

Edom rama inthawka hung, Bozra khuoa inthawka silfên suksen sil saw tu am a na? A puon sila ropuitak, a hrâtna a nasatzie anga hung saw? Keima, feltaka thu hril a, sandam kawnga mi hrâttak kha ka nih.

ISAI 63:16

Abraham chun mi hre lovin, Israel khawm chun mi ngaisak naw sien khawm, nang chu ka pa i ni si a; nang chu, aw Lalpa, kan pa i na, i hming chu chatuona inthawka keini mîn tlantu a nih.

JEREMIA 14:8

Aw nang Israel beisei, buoina hun laia sandamtu, hi rama hin ieng dingin am mikhuol ang chau, zân khat riek dinga inzin mi puon in zartu ang el chu nîng i ta?

JEREMIA 17:14

Aw Lalpa, mi sukdam la, sukdamin um ka tih; mi sandam la, sandamin um ka tih; ka inpâkna chu nang i ni si a.

JEREMIA 17:2

an thlahai chun muol insânghai chunga thing hringhai kâwla an Asera le an maichâmhai chu an hriet zing sûng phawt chun.

JEREMIA 3:6

Chu nawa khawm chun lal Josia hun lai chun ka kuomah Lalpa chun hieng ang hin a hril a, “Israel hnungtawlin a lo thaw ta hi i hmu am? Tlâng insâng tinahai hang fein le, thing hring tin hnuoia chun; chuongahai chun nawchizawr angin a lo khawsa ta a.

JEREMIA 31:7

Lalpa chun hieng hin a ti si a; Jakob ta ding chun lâwmin hla sak unla, hnamhai lua um ta ding chun khêk bawk ro, puong dar unla, inpâk unla, “Aw Lalpa, Israel hla bîkhai, i mihai hi sandam rawh,” ti ro.

EZEKIEL 20:28

Ka bân phara anni pe dinga ka ti, chu rama anni ka hung ṭhuoi lai chun tlâng insângtak le rampui inthim mup an hmu a, chutaka chun an inthâwina chu an inhlân ta a, chutaka chun an thilinhlân chimum chu an pêk a, chutaka chun an riminhnik khawm chu an bun bawk a.

HOSEA 1:7

Juda sûnghai ruok chu lainat ka ta, thalngul amanih, kâwlhnâm amanih, indona amanih, sakawr amanih, sakawr chung chuong mi amania anni sandam lovin, Lalpa an Pathien chun sandam ka tih,” a ta.

JOHAN 4:22

Nangnîn in hriet naw chibai in bûk hlak, keini chun chu kan ihriet chu chibai kan bûk hlak. Sandamna Judahaia inthawkin a hung suok ding a ni si a.