JEREMIA 3:13 - Pathien Lekhabu Inthieng (BSI)

¹³ I suolna chu hre phawt phawt la, Lalpa i Pathien chunga chun i lo bawsiet ta a, thing hring tin hnuoia chun hmêlmakhai kuomah i lo inphal ta a, ka thu khawm chu i zâwm bawk naw a, Lalpa chun a tih.

JEREMIA 3:13 ပူးပေါင်းရင်းမြစ်များ

NEHEMIA 9:2

Chun, Israel hnam chu hnam danghai laia chun an insuktum a; an ngîr a, an suolnahai le an pi le puhai bawsietna thupha an chawi a.

THUVARHAI 28:13

Mi a bawsietna inkhumtu chu hlawtling naw ni a, Thupha chawia, nghatsan hlaktu ruok chun zângaina hmûng a tih.

ISAI 57:5

Nangni thingsaisuo laia, thing buk hnuoi tina insukthafâna, ruom sûnghaia lung kak bula dâm naupang thattuhai.

JEREMIA 14:10

Lalpa chun hi mihai chungthua chun hieng hin a tih: Invâk invâk hi an nuom zâwngtak a lo ni ta a: an kehai khawm an thunun naw a; chuleiin, Lalpa chun anni chu a pawm naw a; tuhin an suolnahai chu hre zing a ta, an suolhai lei chun anni chu hrem a tih.

JEREMIA 14:20

Aw Lalpa, kan suolnahai ka hung inhriettir a, kan thlatuhai suolna leh; nangma chunga chun thil kan lo suksuol ta si a.

JEREMIA 2:20

Inhmâta inthawk khan i rîngkawl chu i sukthliek a, i khuopnahai chu i suktan a, chun, nang chun, ‘Bawse ta naw ningah,’ i ta; muol insâng tinahai le thing hring hnuoi tinahai chun, nawchizawr anga khawsain nang chu i kûn ta si a.

JEREMIA 2:25

I keah kekawk bun lovin um naw la, i hnuk khawm dangchârin sie naw rawh; nang ruok chun, ‘Beiseina a um ta nawh, mi hmêlmakhai chu ka hmangai a, anni hnung chu zui el ka tih’ i ti a.

JEREMIA 3:2

Bâwlhmun tienghai khi i mithai khan hang thlîr la, en ta; an zâlpui nawna che khaw lai am a um a? Thlalêra Arabia mi ang elin, lampui sîra chun an ta dingin i ṭhung a; i rîtlona le i hurna chun ram chu i sukpawrche ta a nih.

JEREMIA 3:25

inzakin zâl ei tiu khai, ei muolphona chun mîn khum raw se; Lalpa ei Pathien chunga chun thil ei lo suksuol ta si a; ei tleirâwl laia inthawk tah vawisûn chen hin eini ni leh, ei thlatuhai ni leh; chuongchun, Lalpa ei Pathien râwl chu ei lo awi ta naw a nih.

JEREMIA 3:6

Chu nawa khawm chun lal Josia hun lai chun ka kuomah Lalpa chun hieng ang hin a hril a, “Israel hnungtawlin a lo thaw ta hi i hmu am? Tlâng insâng tinahai hang fein le, thing hring tin hnuoia chun; chuongahai chun nawchizawr angin a lo khawsa ta a.

JEREMIA 7:24

Nisienlakhawm, an ngai naw a, an na khawm an sit bawk naw a, amiruokchu, anni remruotnaa le, an lungril rilo kâwmâwna chu hrawin, hmatiengah ni lovin an kîr nâwk ta lem a.

JEREMIA 7:26

nisienlakhawm, keia thu chu an ngai chuong naw a, an na khawm an sit bawk naw a, an rîng chu an suktlûn a, an thlatuhai nêkin an thaw ṭha naw lem ta a.

EZEKIEL 16:15

“Nisienlakhawm, i hmêl ṭhatna chu i ring a, i hming inthangna lei chun nawchizawrah i um ta a; nangma hung khêltu taphawthai chunga chun i châkna chu i phal a; ama ta a ni ta a.

HOSEA 5:15

An thiemnawzie an inhriet a, ka hmêl an zawng hma chun, Fêng ka ta, ka hmunah kîr nâwk ka tih; An tuornaa chun mi zawng an ta, hieng hin tîng an tih:

DÂN PAHNINA 12:2

In va hluo ding ram hnamhaiin tlâng lienhai, tlâng chînhai, thing hring tin hnuoi dâma an pathienhai rawng an bâwlna hmun po pohai chu in suksiet vawng ding a nih.