JEREMIA 3:11 - Pathien Lekhabu Inthieng (BSI)

¹¹ Chun, Lalpa chun ka kuomah, “Juda rilotak nêk chun Israel hnungtawl hin suolmaw a phur tlâwm lem hman hman a nih. .

JEREMIA 3:11 ပူးပေါင်းရင်းမြစ်များ

JEREMIA 11:10

An thlatuhai ka thu khawm ngai nuom lohai suolna tienga chun an kîr nâwk tah a nih; an rawngbâwl dingin an pathienhai hnung chu an zui a; an thlatuhai le ka lo siem tah ka thuthlung chu Israel sûngkuo le Juda sûngkuo hin an lo bawsiet ta a ni hi.

JEREMIA 3:22

“Hnungtawl thlahai, hung kîr ro; in hnungtawlnahai chu lo sukdampêk ka ti cheu.” “Ngai ta, i kuoma chun kan hung ie, nang chu Lalpa kan Pathien chu i ni si a;

JEREMIA 3:7

Hieng thilhai po po hi a thaw zo hnung chun ka kuomah hung kîr nâwk ka lo ring a, nisienlakhawm, a hung kîr si naw a, a zuorpuinu rilotak Juda khawm chun ama chu a hmu a.

JEREMIA 3:8

Israel hnungtawl chun uiretna thil a lo thaw ka hmu lei tak chun ama chu ka mâk a, inmâkna lekha ka pêk tah ti a hmu sa khawmin a zuorpuinu rilotak Juda chun ṭitna châng a hriet chuong naw a, ama ngei khawm chu a fe a, nawchizawrah a khawsa ve ta a.

EZEKIEL 16:47

An lampuihai chu i hrawin, an tirdakumnahaia chun i lungawi tâwk naw a; amiruokchu, hun sâwt nawtê sûngin i um dân po poah anni nêk hmanin i se lem a.

EZEKIEL 23:11

“Chun, a unaunu Oholiba khawm chun hi hi a hmu zing a, anachu, ama chu a mi insaipuinaa chun ama nêk hin nasatakin ân suksiet lemin, a nawchizawrnaa khawm chun a unaunu nawchizawrna nêkin a nasa lem a.

HOSEA 11:7

Ka mihai chun mi nghatsan an tum zing a, Chuongchun, an ta dingin rîngkawl ruotpêk an nih, Chu chu tukhawma hlîppêk naw nih.

HOSEA 4:16

Bâwngla kâwmaw ang elin Israelhai chu an kâwmaw a, Tuhin Lalpain berâmte angin hmun lientakah châwm a tih.