JEREMIA 29:2 - Pathien Lekhabu Inthieng (BSI)

² (lal Jekonia le lalnu nu le, mi tillâkhai le, Juda ram le Jerusalema lalhai le, mi themthiemhai le, thîrsuhai leh Jerusalem an suoksan hnung chun a nih).

JEREMIA 29:2 ပူးပေါင်းရင်းမြစ်များ

2 LALHAI 20:18

‘Chun, i rîla ra, i nei ding, i nauhai ngei laia mi khawm an fepui ding a nih, Babulon lal ina chun mitillâk la nîng an tih,’ a tih,” tiin.

2 LALHAI 9:32

Chun, ama chu tukver tieng ngha chun a hung dâk a, “Tu am ka tienga ṭhanghai chu? Tuhai am?” a ta. Mi tillâk pahni amanih, pathum amani hi ama tieng ngha chun an hung dâk a.

JEREMIA 13:18

Lal kuoma le a nu kuoma chun hril la: “Inngaitlâwm unla, ṭhung ro, in lukâwmhai chu a hung inhnuoi ta a, in ropuina lallukhum ngei chu.

JEREMIA 24:1

Chun, ngai ta, Lalpa biekin hmaha sie theichang leikhawr pahni Lalpa chun a mîn entir a; Babulon lal Nebukadnezzarin Juda lal Jehoiakim naupa Jekonia le Juda rama lalhai le, mi themthiemhai le, thîrsuhai chu Jerusalema inthawka salah a ṭhuoi a, Babulona a hung ṭhuoi tâwl hnung khan.

JEREMIA 27:20

chuong Babulon lal Nebukadnezzarin Juda lal Jehoiakim naupa Jekonia chu sala Jerusalema inthawka Babulona Jerusalem le Juda rama mi ṭhahai po po chu sala a ṭhuoi laia a lâk sa ve nawhai chungthu chu;

JEREMIA 28:4

hi hmuna hin Juda ram lal Jehoiakim naupa Jekonia le Juda sal intânghai po po Babulona fe tahai chu hung ṭhuoi kîr nâwk ka ta; Lalpa chun a tih; Babulon lal rîngkawl chu ka sukthliek ding a ni si a,” tiin.

JEREMIA 29:20

Chuleichun, nangni sala intâng, Jerusalema inthawka Babulona ka tir po pohai, Lalpa thu chu lo ngai ta u.

JEREMIA 38:7

Chun, Ethiopia mi, Ebed-melek, mi tillâk, lal ina um chun Jeremia chu khurthim sûnga chun an sie ti a hriet chun chu lai chun lal chu Benjamin dai kawtkhâra khan a ṭhung a.

1 SAMUEL 13:19

Israel ram pumpuia chun thirsu hrim hrim an um naw a; Philistin mihai chun, “Hebrai mihai hi kâwlhnâmhai amanih, feihai amani hi siem hlau rawi an tih,” an ti a nih.