JEREMIA 29:18 - Pathien Lekhabu Inthieng (BSI)

¹⁸ Chun, anni chu kâwlhnâm le ṭâm le hriin hnawt ka ta, anni ka tir hmangna tieng hnamhai po po laia chun thusekawk ding le, inchekna ding le, makti ding le, mi ṭawngdâwng dingin hnuoia lalram po po laia hnungtieng hmatienga nawrlênga um dingin pe suok ka tih;

JEREMIA 29:18 ပူးပေါင်းရင်းမြစ်များ

2 CHANCHIN SUINA 29:8

Chuleiin, Lalpa lunginsenna chu Jerusalem le Judahai chunga chun a um a, in mita in hmu ang hin, inhîpna ding le, makti ding le, inzak dingin a siem ta a.

INPÂKNA HLABU 44:11

Nangin fâk dinga ruot berâm angin i mi pêk a, Hnam tin lai chun i mi sukdar bawk a.

ISAI 65:15

Chun, in hming chu ṭawng inkhâmna dingin ka mi thlanghai kuoma chun mâksan in ta, Lalpa Pathien chun sukhlum a ti cheu a, chun, a siehlawhai chu hming dangin ko tâng a tih;

JEREMIA 15:4

Chun, anni chu, Juda lal Hezekia naupa Manasse Jerusalema a thilthawhai lei khan, hnuoi chunga lalram po pohai laia chun hmatieng hnungtienga hnawtlêng dingin inumtir ka tih.

JEREMIA 18:16

an ram chu makti dinga siem ding le, hahîpa siem dingin; mi tin chu fe khêl taphawt chun maktîng an ta, an lu thin an tih.

JEREMIA 19:8

Hi khawpui hi maktia le thuokdawngumah siem ka ta; mi tin a fe khêltuhai taphawt chun mak tîng an ta, an thuok dawng a tih, chu chu hmun po po a se ta lei chun.

JEREMIA 24:10

Chun, anni le an thlatuhai kuoma ram ka pêka inthawka an rênga an bohmang vawng hmakhat chun an hnunga chun kâwlhnâm dâm, hripui dâm, ṭâm dâm tir bawk ka tih,” tiin.

JEREMIA 24:9

anni chu thil ṭha nawa hnungtieng hmatienga sukṭita um dingin hnuoia lalram po pohai lai chun pe suok ka tih; ṭawngsekawk le, thuvara le hrânghla le inkhâmna ni dingin, anni ka hnawt suokna ding hmun po poahai chun pe suok ka tih.

JEREMIA 25:9

ngai ta u, mi tir ka ta, hmâr rama inthawk chun sûngkuohai po po chu ko ka tih, Lalpa chun a tih; chun, ka siehlaw Babulon lal Nebukadnezzar kuoma chun mi tir ka ta; anni chu hi ram le, a hluotuhai le, a vêla hnamhai po po chunga do dingin hung ṭhuoi ka ta; chuongchun, anni chu sukse letdêr ka ta, makti ding le, inchekna ding le, kumkhaw rausanah ka siem ding a nih.

JEREMIA 26:6

chuongchun, hi in hi Silo angah siem ka ta, hi khawpui hi hnuoia hnam po pohai ṭawngse hnâwknaah siem bawk ka tih,” tiin.

JEREMIA 27:8

Chun, hnam le lalram Babulon lal Nebukadnezzar rawng bâwl lohai le, Babulon lal rîngkawl hnuoia an rîng sie nuom lohai chu, Lalpa chun a tih; ama kut ngeia ka sukbohmang vawng hmakhat chun, anni chu hripui dâm, ṭâm dâm, kâwlhnâm dâmin hrem ka tih.

JEREMIA 29:17

sipaihai Lalpa chun hieng hin a tih: Ngai ta u, an chunga chun kâwlhnâm dâm, ṭâm dâm, hripui dâm tir ka ta, anni chu theichang hrût, an siet êm leia fâk thei lohai anga chun siem ka tih.

JEREMIA 29:22

Babulona Juda sal intânghai po po chun, “Zedekia le Ahab, Babulon lalin a rawhai ang chun Lalpa chun siem raw se che,” tiin, anni chungthua chun ṭawngse inphurna takah hmang an tih:

JEREMIA 32:24

en ta u, khawpui lâkna dingin hnuoi dêng pâwnghai an hung um ta hi, nangin hung tlung dinga i hril angin, hripui le, ṭâm le kâwlhnâm leiin, a hung dotu Kaldaihai kuta chun khawpui chu pêk a ni ta a; en ta, i hmu zing hi.

JEREMIA 34:17

Chuleiin, Lalpa chun hieng hin a tih: Mi tinin mâni unaupa chunga le, mi tinin mâni tuolbâwm chunga zalênna puong dingin ka thu in ngai naw a nih; ngai ta u, kâwlhnâm kuoma le, ṭâm kuoma le hripui kuoma chun in ta dingin zalênna chu ka puong a nih, Lalpa chun a tih: chuongchun, leihnuoia lalram po pohai laia hnungtieng hmatienga hnawt lêng dingin ka siem ding cheu a nih.

JEREMIA 42:18

Sipaihai Lalpa Israel Pathien chun hieng hin a ti si a: Jerusalem hluotuhai chunga ka lunginsenna le ka ṭiumna bunthlâka a um ang khan; Aigupta rama in lût pha chun ka ṭiumna chu in chunga chun bunthlâk ni vêng a tih; chuongchun, hnâwmhnawk le, makti ding le, ṭawngsephur le, thusekawk nîng in ta, hi hmun hi hmu nâwk ta ngai naw ti niu.

JEREMIA 44:12

Juda la um sunhai chu ṭhuoi ka ta, chutaka va mikhuol dinga Aigupta ram tieng an hmai innghathai chu; chun, anni chu bohmang vawng an ta, Aigupta rama chun tlûng an ta; ṭâmna le kâwlhnâmin anni chu sukbohmang nîng an tih; thîng an ta, a chîn taka inthawka a lien tak chenin kâwlhnâm le ṭâmin thîng an tih; chuongchun, anni chu hnâwmhnawk le, makti ding le, ṭawngsephur le ṭawngsekawk nîng an tih.

JEREMIA 44:22

Thil tirdakum in thawhai lei le, in thilthawhai suol lei chun Lalpa chun a tuor pei ta naw a; vawisûn ni ang chen khawma a ni ang sawn, in ram chu râusan le, maktia um le, ṭawngsekawk, hluotu um lo a lo ni ta kha.

EZEKIEL 12:15

Chun, ramhaia ka hnawt dar pha le, hnamhai laia ka sukdar pha chu Lalpa kha ka ni ti mi hre tâng an tih.

EZEKIEL 22:15

Hnamhai laia chun sukdar ka ti che a, rambunghaia chun sukdar bawk ka ti che; i tirdakumna chu nangmaa inthawk chun sukbohmang tâng ka tih,

EZEKIEL 23:46

Lalpa Pathien chun hieng hin a ti si a; An chungah mipui inkhâwm hung ṭhuoi ka ta, anni chu a suk a tunga vawrlênga suksiet dingin an kuomah pêng ka tih.

EZEKIEL 36:19

hnamhai laia chun ka sukdar ta a, rambunghaia chun an lo indar ta a; an um dân ang pei le, an thil thawhai ang peiin an chunga chun ro ka rêl a.

EZEKIEL 5:15

Chuongchun, vauna ṭiumhai le, lunginthak le lunginsennaa rorêlnahai ka hung suktlung pha chun, i vêla hnam umhai ta ding chun makti ding le, inchûkna ding le, hrânghla le, invaunaa hmang la nîng a tih, kei Lalpa hin ka hril ta a nih:

EZEKIEL 6:8

Amiruokchu, ṭhenkhat la hlâng ka ta, ramhaia sukdara in um pha chun, hnamhai laia chun ṭhenkhat chun kâwlhnâm chu pumpel in tih.

LEVI DÂN 26:33

Hnam danghai laia chun sukdar ka ti cheu a, a hnawt ding cheuin kâwlhnâm chu phawi ka ta, chuongchun, in ramhai chu sukrêm nîng a ta, in khuohai chu ṭâwp a tih.

AMOS 9:9

“Ngai ta u, thu ka pêk ding a ni si a, chun, sihria bu an rel angin, Israel sûngkuohai chu hnam po po lai chun rel ka tih; nisienlakhawm, a mal chîn tak khawm hnuoi chungah tla naw ni.

MIKA 6:16

Omri thuruothai chu vawng zing a ni si a, Ahab sûngkuo thilthaw po pohai leh; an remruothaia chun in fe a nih; chuleiin, hmun râusanah ka siem ta ding che a nih, a sûnga chênghai hi nuizatbûr dingin; chun, ka mihai hmingsietna chu phur in tih.”

ZEKARIA 7:14

amiruokchu, an la hriet ngailo hnam po po laia chun thlivirin anni ka sukdar ta a. Chuongchun, ram chu râusanin a um ta a, tukhawm an fe thlengin an kîr nâwk ngai ta naw a: ram duthusâm tak chu râusanah an siem ta leiin.

ZEKARIA 8:13

Chun, hnam tinhai laia ṭawngsephur in ni ang khan, aw Juda sûngkuo le Israel sûngkuo, hung sanhim ka ti cheu a, malsâwmna hung ni tâng in tih: ṭi naw unla, in kuthai chu sukhrât phawt phawt el ro,” tiin.

NAMBAR 5:27

Tui a hang indâwntir chun a lo pawrche a, a pasal chunga thil a lo suksuol chun ṭawngsie intlungtirtu tui chu a phîng sûngah lût a ta, nasatakin hung nâng a ta, a phîng chu hung invûng a ta, a êlpui chu hung chêr a ta, chuongchun, nuhmei chu a chipuihai lai ṭawngsephur hung nîng a tih.

LUKA 21:24

Chun, kâwlhnâmin thîng an ta, hnam tin kuomah sala ṭhuoiin um an tih; chun, Jentailhai ni a kim hmâkhat chu Jerusalem chu Jentailhai sirdein um a tih.

DÂN PAHNINA 28:25

Lalpain in hmêlmahai hmaa chun suktlâwm a ti cheu a; anni thaw dingin lampui pakhatah suok in ta, lampui pasariah tlânsieng in tih; khawvêl hnam tin laia chun kil tin kil tangah invâk in tih.

DÂN PAHNINA 28:37

Chuongchun, Lalpain a la ṭhuoi hmangna ding cheu hnam po po lai chun makti le sehnâwkna le a se tieng hrilhmêna nîng in tih.

DÂN PAHNINA 28:64

“Chun, Lalpa chun kâwlkila inthawka kâwlkil khing tieng chenin chi tin laia chun sukdar a ti cheu a, chutaka chun thing le lunga siem, in pi le puhai chena in hriet ngai naw pathien dang rawng bâwl in tih.