JEREMIA 29:14 - Pathien Lekhabu Inthieng (BSI)

¹⁴ Nangni ihmuin um ka ta, Lalpa chun a tih: chuongchun, in sal intângna chu inlet ka ta, ka hnawt hmangna cheu hmun po poa inthawk le, hnam po pohaia inthawk chun ṭhuoi khâwm ka ti cheu a, Lalpa chun a tih; chun, sala intâng dinga ṭhuoi hmanga kân umtirna cheu hmuna bawk khan hung ṭhuoi kîr nâwk ka ti cheu.

JEREMIA 29:14 ပူးပေါင်းရင်းမြစ်များ

1 CHANCHIN SUINA 28:9

Chun, nang ka naupa Solomon, i thlatuhai Pathien chu hre la, lungril inhâwktak le lungril tlûntakin ama rawng chu bâwl rawh; Lalpa chun lungril sûng po po chu a zawng suok hlak a, lungrila tumhai khawm chu a hriet hlak si a; ama chu i zawng chun, i hmuah um ngei a ta; amiruokchu, ama chu i nghatsan chun, ama khawmin kumkhuoa dingin pei thla vêng a ti che.

INPÂKNA HLABU 126:1

Lalpain Zion salhai a ṭhuoi kîr lai khan, Manga mangtuhai ang el ei na,

INPÂKNA HLABU 126:4

Aw Lalpa, sala kan intâng hi mi ṭhuoi kîr nâwk la, Sim rama vadunghai angin,

INPÂKNA HLABU 32:6

Chuleiin, Pathien ngaisak mi taphawt chu zawnghmu awla i um laiin i kuomah ṭawngṭâi seng raw hai se; Tui lienhai chu a hung liem pha chun anni chu a chîm phâk vak nawna dingin.

INPÂKNA HLABU 46:1

Pathien chu ei inhumhimna le ei hrâtna, Lunginzîng laia ṭhangpui vartu hnai zing a nih.

ISAI 14:1

Lalpa chun Jakob rawi chu lunginsiet a ta, Israelhai chu thlangin anni rama ngei chun a lân umtir ding a ni si a; chun, ram dang mihai chun anni chu hung zâwm an ta, Jakob sûnghai chu chel tlat an tih.

ISAI 43:5

Ṭi naw ro, in kuomah ka um si a; in thlahai chu khawsak tienga inthawkin hung ṭhuoi ka ta, khawthlang tienga inthawkin ṭhuoi khâwm ka ti cheu a,

ISAI 43:6

hmârtieng kuoma chun, ‘Inthla ro,’ tîng ka ta, simtieng kuoma chun, ‘Hrên zing naw ro,’ tîng ka tih; ka naupasalhai chu hlataka inthawkin hung ṭhuoi unla, ka naunuhmeihai chu leihnuoi tâwpa inthawkin hung ṭhuoi ro;

ISAI 45:19

Inrûkin, ram inthim hmunah thu ka hril ngai naw a, Jakob thlahai kuomah, ‘Iengkhawm lovah mi zawng ro,’ ka ti ngai nawh: kei Lalpa hin felna thu ka hril hlak a, thu indiktakhai chu ka hril hlak.

ISAI 55:6

Hmu awla a um lai hin Lalpa chu zawng unla, a hnâi lai hin ko ro;

JEREMIA 12:15

Anni ka hmalthlâk hnunga chun hung kîr nâwk ka ta, an chungah lunginsietna nei ka tih; chun, mi tin chu mâni rochan senga chun hung ṭhuoi nâwk ka ta, mi tin chu mâni ram senga chun.

JEREMIA 3:14

Hung kîr ro, hnungtawl thlahai, Lalpa chun a tih; in pasal ka ni si a, chun, khawpuia pakhat le, pahnama pahni lâng ka ti cheu a, Ziona chun hung ṭhuoi ka ti cheu;

JEREMIA 30:10

Chuleiin, Aw Jakob, ka siehlaw, ṭi naw rawh, Lalpa chun a tih: Aw Israel, beidawng bawk naw rawh, ngai ta, ram hlataka inthawkin ka sandam ding che a ni si a, i thlahai chu an sal intângna rama inthawkin sandam bawk ka tih; chuongchun, Jakob chu hung kîr a ta, nuomsa le to ṭawk ṭawkin um a tih, tukhawma sukṭi ta naw ni hai.

JEREMIA 30:18

Lalpa chun hieng hin a tih: Ngai ta u, Jakob puon in sal intângna chu inlêt nâwk ka ta; a chêngna hmunhai chu lunginsiet ka tih: chun, a dêng pâwng chung ngeiahai chun khawpui chu bâwl nîng a ta, lal in ropui khawm chu chutaka a um dân pângngai ang bawkin um a tih.

JEREMIA 30:3

Ngai ta, nihai chu a hung tlung ta si a, Ka mi Israelhai le Judahai ka ṭhuoikîr nihai chu a hung tlung mêk ie, ram, an thlatuhai kuoma ka pêka chun ṭhuoikîr nâwk ka ta,hluo tîng an tih',ti hi Lalpa thusuok a nih,” Lalpa chun a tih.

JEREMIA 31:16

Lalpa chun hieng hin a tih: I râwl chu ṭapnaa inthawk le, i mithai chu mitthlihaia inthawkin insûm rawh; i sinthaw chu lâwmman pêk a ni ding a ni si a, Lalpa chun a tih; chun, anni chu hmêlma rama inthawk chun hung kîr nâwk an tih.

JEREMIA 31:17

I hihnung tâwpna tienga ding chun beiseina a um a nih, Lalpa chun a tih: i thlahai chu an ramri sûnga ngei chun hung nâwk an tih.

JEREMIA 31:23

Sipaihai Lalpa, Israel Pathien chun hieng hin a tih: An sal intângna ka hung lâk kîr nâwk pha chun Juda rama le chutaka khawpuihaia chun hi ṭawngbau hi la hmang nâwk an tih: “Aw indikna chêngna, Lalpa chun mal sâwm raw se che,” ti dâm le, “Aw inthiengna tlâng,” ti dâm hi.

JEREMIA 51:10

Lalpa chun ei felnahai chu a hung lâk suok a; hung unla, Ziona chun va hril dar ei tiu, ei Pathien Lalpa sinthawhai hi.

JEREMIA 8:3

Chun, hi sûngkuo rilo la umsunhai, ka hnawt hmangna hmuna la umhai chun, hring nêkin thi thlang lem an tih, sipaihai Lalpa chun a tih.

EZEKIEL 37:21

Chun, an kuoma chun, ‘Lalpa Pathien chun hieng hin a tih: Ngai ta u, hnamhai an lo fe hmang ta nahai laia inthawkin Israel thlahai chu lâng ka ta, kil tina inthawkin ṭhuoi khâwm ka ta, anni ram ngeia chun hung ṭhuoi ka ta;

EZEKIEL 39:25

“Chuleiin, Lalpa Pathien chun hieng hin a tih; Tuhin Jakob sal intângna chu hung la kîr ka ta; Israel sûngkuo pumpui ta ding chun zângaina nei ka tih; chun, ka hming inthieng khawm humhal bawk ka tih.

AMOS 9:14

Chun, ka mi Israelhai chu sala inthawkin ṭhuoi kîr nâwk ka ta; khaw ṭâwphai chu siem nâwk an ta, hluong an tih; chun, grêp huonhai siem an ta, a uoin dâwn an tih; huonhai khawm siem an ta, a ra chu fâng an tih.

MIKA 4:12

Nisienlakhawm, Lalpa ngaituonahai chu an hriet naw a, a remruot chu an hriet thiem bawk nawh: hrizâwla buphal siekhâwm angin anni chu ân khâwm ta si a.

ZEPHANIA 3:20

Chu pha chun hung la lût kati che a, chu pha chun la khâwm ka ti cheu; In mithmu ngeia in sal intângna ka hung lâk kîr pha chun, Leihnuoia hnam po polaia chun, inpâkna le hming ka siempêk ding cheu a ni si a,” Lalpa chun a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:20

Chun, Isaiin huoitakin, “A mi zawng nawhai hmuin ka um a, A mi lam nawhai kuomah inhriettirin ka um a,” a ti a.

DÂN PAHNINA 30:1

“Chun, hieng thil po po in hmaa kân umtir, malsâwmna le ṭawngsie hi in chungah a hung tlung a, Lalpain a hnawtdarna cheu hnam po pohai laia in hriet suok nâwk a,

DÂN PAHNINA 30:3

Lalpa in Pathien chun in sal nina chu sukbo a ta, lunginsiet a ti cheu a, Lalpa in Pathienin hnam tin laia a sukdarna cheua inthawk chun ṭhuoi khâwm nâwk a ti cheu.

DÂN PAHNINA 30:5

Chun, Lalpa in Pathienin in pi le puhaiin an hluo rama khan ṭhuoi lût nâwk a ti cheu a; hluong in ta, amân sukvângnei a ti cheu a, in pi le puhai khûmin sukpung a ti cheu.

DÂN PAHNINA 4:7

Ei ko taphawta Lalpa ei Pathienin a mi hnai anga anni hnai hlak pathien nei hnam ropui tu am an um ve a?