JEREMIA 29:13 - Pathien Lekhabu Inthieng (BSI)

¹³ Mi zawng in ta, in lungril po poa in mi zawng pha chun mi hmûng in tih.

JEREMIA 29:13 ပူးပေါင်းရင်းမြစ်များ

1 LALHAI 2:4

Lalpain ka chungchâng thua, ‘I thlahaiin an lungril tak le, an lungvar taka ka mithmua thutaka um dinga an umdân an fîmkhur chun Israelhai lalṭhungphaa ṭhung ding tlasam naw ti ni,’ tia a hril kha a sukdet ding a nih.

2 LALHAI 23:3

Chun, lal chu ban hrûlah a ngîr a, chu lekhabua chuong thuthlung thu chu sukdet dingin lungril po po le thlarau po poa Lalpa zui ding le a thupêkhai, a thu inhriettirhai, a thuruothai pawm dingin Lalpa hmaa chun thu a thlung a;

1 CHANCHIN SUINA 22:19

Tuhin, Lalpa in Pathien chu zawng dingin in lungril le in lungvar chu ama tieng ngha unla, tho unla, chuongchun, Lalpa Pathien hmun inthieng; Lalpa thuthlungna bâwm le, Pathien bûr le bêl inthienghai chu hung lâkna dingin, Lalpa hmingin in bâwl ro,” tiin.

1 CHANCHIN SUINA 28:9

Chun, nang ka naupa Solomon, i thlatuhai Pathien chu hre la, lungril inhâwktak le lungril tlûntakin ama rawng chu bâwl rawh; Lalpa chun lungril sûng po po chu a zawng suok hlak a, lungrila tumhai khawm chu a hriet hlak si a; ama chu i zawng chun, i hmuah um ngei a ta; amiruokchu, ama chu i nghatsan chun, ama khawmin kumkhuoa dingin pei thla vêng a ti che.

2 CHANCHIN SUINA 22:9

Chun, Ahazia chu a zawng a, an man a, (Samariaa chun a lo in bihmang a na) Jehu kuoma chun an hung ṭhuoi a, an that ta a; chun, an phûm a, “A lungril po poa Lalpa zawngtu Jehosaphat naupa chu a ni ngei,” an ti a. Chuongchun, Ahazia sûngkuoa chun lalram chunga rorêl thei ding mi pakhat khawm an um ta naw a.

2 CHANCHIN SUINA 31:21

Chun, Lalpa ina rawngbâwlna sin a thaw tinrênga le, dâna le, thupêkahai chun, a Pathien chu zawng dingin lungril po poin a thaw hlak a; a hlawtling ngei a.

INPÂKNA HLABU 119:10

Ka lungril po po hin ka zawng che a, Aw, i thupêkhai ka fehmangsan chu phal lul naw rawh.

INPÂKNA HLABU 119:145

Ka lungril po poin ka ko che a, Aw Lalpa, mi dawn rawh; I thuruothai chu ka vawng ṭha ding annâwm.

INPÂKNA HLABU 119:2

A thuinhriettirhai zâwmtuhai chu an hamṭha, Lungril po poa zawngtuhai chu.

INPÂKNA HLABU 119:58

Ka lungril po poin i lunginsietna ka ngên a, I thu ang peiin mi lunginsiet rawh.

INPÂKNA HLABU 119:69

Chapohai chun ka chungah khêl an phuokfâwm a, Ka lungril po po hin i thununna thuhai chu vawng ṭhâng ka tih.

INPÂKNA HLABU 145:18

Lalpa chun ama kotuhai po po chu a hnai hlak a, Titakzeta ama kotu po pohai chu.

INPÂKNA HLABU 32:6

Chuleiin, Pathien ngaisak mi taphawt chu zawnghmu awla i um laiin i kuomah ṭawngṭâi seng raw hai se; Tui lienhai chu a hung liem pha chun anni chu a chîm phâk vak nawna dingin.

INPÂKNA HLABU 91:15

A mi ko pha chun, dawn ka ta, A lunginzîng lai chun a kuomah um ka ta, Ama chu sanhimin chawimawi ka tih.

ISAI 45:19

Inrûkin, ram inthim hmunah thu ka hril ngai naw a, Jakob thlahai kuomah, ‘Iengkhawm lovah mi zawng ro,’ ka ti ngai nawh: kei Lalpa hin felna thu ka hril hlak a, thu indiktakhai chu ka hril hlak.

ISAI 65:10

Ka mi, a mi zawngtuhai ta ding chun, Saron chu berâm ruolhai huon nîng a ta, Akor ruom chu bâwng ruolhai bawkna hmun ding nîng a tih.

JEREMIA 24:7

An kuoma chun, Lalpa ka nih ti mi hre dingin lungril pêng ka ta; chuongchun, ka mihai nîng an ta, kei khawm an Pathien nîng ka tih; an lungril po po leh ka kuomah an hung kîr nâwk ding a ni si a.

JEREMIA 3:10

Hieng thil po pohai lei khawm hin a zuorpuinu hlêm hmang Juda chu a lungril po po leh a hung kîr naw ta rawp a, a hung kîr tehlêm ringawt a, Lalpa chun a tih,” tiin.

JEREMIA 50:4

Chuong niahai chun, chuong hunahai chun, Lalpa chun a tih: Israel thlahai chu hung an ta, anni le Juda mihai chu a ruolin hung an ta; an ṭap malamin hung an ta, Lalpa an Pathien chu zawng an tih.

HOSEA 5:15

An thiemnawzie an inhriet a, ka hmêl an zawng hma chun, Fêng ka ta, ka hmunah kîr nâwk ka tih; An tuornaa chun mi zawng an ta, hieng hin tîng an tih:

JOEL 2:12

Lalpa chun, “Chuong sa khawmin tuhin in lungril po poin, bu ngheiin, ṭapin, lungngaiin keia tieng hung ngha unla;

MATTHAI 7:7

“Hni ro, chuongchun, pêkin um in tih; zawng ro, chuongchun, hmûng in tih;

THILTHAWHAI 8:36

Chun, lampuia an fe malamin tui umna an tlung a; chun, mitillâk chun, “En ta, hitaka hi tui a um, baptisma chang dingin iengin am a mi hluo a?” a ta.