JEREMIA 28:4 - Pathien Lekhabu Inthieng (BSI)

⁴ hi hmuna hin Juda ram lal Jehoiakim naupa Jekonia le Juda sal intânghai po po Babulona fe tahai chu hung ṭhuoi kîr nâwk ka ta; Lalpa chun a tih; Babulon lal rîngkawl chu ka sukthliek ding a ni si a,” tiin.

JEREMIA 28:4 ပူးပေါင်းရင်းမြစ်များ

INṬANNA 27:40

I kâwlhnâmin a nih i hring ding chu, i sang rawng khawm i bâwl ding a nih; În tleng suok pha ruok chun, A rîngkawl chu i rînga inthawk thinthla tâng i tih,” a ti a.

2 LALHAI 24:14

Chun, Jerusalema mi po po, mi lien po pohai, mi hrât huoisen ṭha po pohai dâm, sing khat zet, themthiem le thirsu po po salah a ṭhuoi vawng a; chu rama mi a pasie sie ti lo chu tukhawm an um ta naw a.

ISAI 9:4

A rikphurna rîngkawl le a liengkoa zâwnfung, a nêksâwrtu hembâwk chu, Midianhai hne ni ang khan i suktliekpêk ta si a.

JEREMIA 13:19

Sim ram khawpuihai chu khârin an um ta a, a hawng ding tukhawm an um nawh; Juda chu a rêngin sala ṭhuoiin a um a: a rêng a ramin sala ṭhuoiin a um a nih,” tiin.

JEREMIA 2:20

Inhmâta inthawk khan i rîngkawl chu i sukthliek a, i khuopnahai chu i suktan a, chun, nang chun, ‘Bawse ta naw ningah,’ i ta; muol insâng tinahai le thing hring hnuoi tinahai chun, nawchizawr anga khawsain nang chu i kûn ta si a.

JEREMIA 22:10

Mithi ta dingin ṭap naw unla, ama chu sûn bawk naw ro; amiruokchu, mi a fe hmang ta ding chun nasatakin ṭap unla; ama chu a hung kîr ta naw ding lei le, a piengna ram chu a hmu ta naw ding leiin.

JEREMIA 22:24

Lalpa chun, ka hring zing angin, Jehoiakim naupa Konia chu ka kut changtienga kutsebi sûngphûm ni sienla khawm, chutaka inthawk chun hmalthlâng ka ti che;

JEREMIA 24:1

Chun, ngai ta, Lalpa biekin hmaha sie theichang leikhawr pahni Lalpa chun a mîn entir a; Babulon lal Nebukadnezzarin Juda lal Jehoiakim naupa Jekonia le Juda rama lalhai le, mi themthiemhai le, thîrsuhai chu Jerusalema inthawka salah a ṭhuoi a, Babulona a hung ṭhuoi tâwl hnung khan.

JEREMIA 24:5

“Lalpa Israel Pathien chun hieng hin a tih: An ṭhatna dinga, Juda sal intâng, hi hmuna inthawka Kaldai rama ka tirhai chu hi theichang ṭhahai ang hin ngai ka ta.

JEREMIA 27:8

Chun, hnam le lalram Babulon lal Nebukadnezzar rawng bâwl lohai le, Babulon lal rîngkawl hnuoia an rîng sie nuom lohai chu, Lalpa chun a tih; ama kut ngeia ka sukbohmang vawng hmakhat chun, anni chu hripui dâm, ṭâm dâm, kâwlhnâm dâmin hrem ka tih.

JEREMIA 28:10

Chun, zâwlnei Hanania chun zâwlnei Jeremia rînga rîngkawl chu a lâk a, a sukthliek ta a.

JEREMIA 28:2

“Israel Pathien sipaihai Lalpa chun hienghin a tih: Babulon lal rîngkawl chu ka sukthliek ta a.

JEREMIA 29:1

Tuhin, sal intâng upa la umsunhai le, thiempuhai le, zâwlneihai le, mipui po po Jerusalema inthawka Babulona Nebukadnezzarin sala a ṭhuoihai kuoma zâwlnei Jeremia lekhathawn thuhai chu hienghai hi an nih:

JEREMIA 29:2

(lal Jekonia le lalnu nu le, mi tillâkhai le, Juda ram le Jerusalema lalhai le, mi themthiemhai le, thîrsuhai leh Jerusalem an suoksan hnung chun a nih).

JEREMIA 30:8

Chun, chu nia chun hieng hi hung nîng a ta, sipaihai Lalpa chun a tih: I rînga inthawk chun rîngkawl chu sukthliek ka ta, i hruihai chu suktan bawk ka tih; chuongchun, mi hmêlmakhai chun ama rawng chu bâwlpêk ta naw ni hai;

LEVI DÂN 26:13

Kei hi Lalpa in Pathien, an suokhai in ni nawna dinga Aigupta rama inthawka ṭhuoi suoktu cheu chu ka nih; an rîngkawlhai chu ka suktliek a, ngîrinchangin kân lâwntir ta cheu hi.

NAHUM 1:13

Tuhin chu i kuoma inthawkin a rîngkawl chu suktliek ka ta, nangma khuopna hruihai chu suktan vawng ka tih.