JEREMIA 28:1 - Pathien Lekhabu Inthieng (BSI)

¹ Chun, Juda ram lal Zedekia rorêl ṭantir, a kum lina, a thla ngana, chu kum ma chun zâwlnei Azzur naupa Hanania, Gibeon mi chun, mipuihai po po le thiempuhai hmaihmaah, Lalpa ina chun ka kuomah hieng hin thu a hril a,

JEREMIA 28:1 ပူးပေါင်းရင်းမြစ်များ

1 LALHAI 3:4

Chun, lal chu inthâwi dingin Gibeon khuoah a fe a, chu chu bâwlhmun ropuitak a ni si a; Solomon chun chu maichâm chunga chun pumrawhmang thilinhlân sâng khat zet ân hlân a.

2 LALHAI 24:18

Zedekia chu ân lal ṭantirin kum sâwmhni le kum khat a na, Jerusalemah kum sâwm le kum khat ân lal a, a nu hming chu Hamutal, Libna khuoa Jeremia naunu a nih.

2 CHANCHIN SUINA 36:11

Zedekia chu rorêl a ṭan chun kum sâwmhni pakhata upa a na; Jerusalema chun kum sâwmpakhat sûng ro a rêl a;

ISAI 9:15

Upa le mi inzaumhai chu a lu chu an na, khêl inchûktir hlak zâwlneihai chu a mei chu an nih.

JEREMIA 23:28

Zâwlnei mang nei chun a mang chu hril sienla, keima thu hretu chun keia thu chu ringumtakin hril bawk raw se. Bu le a kûng chun ieng am inangna an nei a? Lalpa chun a tih.

JEREMIA 27:1

Juda lal Josia naupa Jehoiakim rorêl ṭantir lai chun Lalpa kuoma inthawkin hi thu hi Jeremia kuomah a hung tlung a,

JEREMIA 27:12

Chun, hieng thuhai ang tak hin Juda lal Zedekia kuoma chun thu ka hril a, “Babulon lal rîngkawl hnuoia chun in rînghai hung daw unla, ama le a mihai rawng chu bâwl unla, hringin um ro.

JEREMIA 27:3

Edom lal dâm, Moab lal dâm, Ammon mihai lal dâm, Tura lal dâm, Zidon lal dâm kuoma chun Juda lal Zedekia kuoma Jerusalema hunghai thangkohai kuta chun inphur rawh;

JEREMIA 28:11

Chun, Hanania chun mipuihai po po hmaihmaa chun thu a hril ta a, “Lalpa chun hieng hin a tih: Hnam po pohai rînga inthawkin kum hni pumhlûm sûngin Babulon lal Nebukadnezzar rîngkawl chu hieng ang ngei hin ka sukthliek ding a nih, a tih,” a ta, zâwlnei Jeremia ruok chu a fe hmang ta a.

JEREMIA 28:17

Chuongchun, zâwlnei Hanania chu chu kum ma thla sarinaa chun a thi ta a.

JEREMIA 28:5

Chun, thiempuhai, mipui po po Lalpa ina ngîrhai kuoma chun zâwlnei Jeremia chun zâwlnei Hanania kuomah,

JEREMIA 29:15

“Lalpa chun Babulona khawm chun zâwlneihai a hung siem ta a,” in ti leiin,

JEREMIA 36:12

lekhaziektuhai pindanah lal ina chun a zu fe thla ta a; chun, ngai ta, chutaka chun lalhai po po, lekhaziektu Elisama, Semaia naupa Delaia, Akbor naupa Elnathan, Saphan naupa Gemaria, Hanania naupa Zedekia le lalhai po po chu an inṭhung a.

JEREMIA 37:13

Ama chu Benjamin dai kawtkhâra a um lai chun, vêngtu sipai hotu chutaka chun a lo um a, a hming chu Hanania naupa Selemia naupa Irija a nih; ama chun, “Kaldaihai kuomah în pe a nih,” tiin zâwlnei Jeremia chu a man ta a.

JEREMIA 37:19

I zâwlneihai, ‘Babulon lal chun hi ram amanih, nang amani khawm hung do naw ni,’ tituhai kha khaw lai am an um a?

JEREMIA 49:34

Juda lal Zedekia rorêl ṭantir lai Elam chungthua zâwlnei Jeremia kuoma Lalpa thu hung tlung chu:

JEREMIA 51:59

A rorêl a kum li kuma, Juda lal Zedekia le Babulona an hang fe laia, Maaseia naupa Neria, chu naupa Seraia kuoma zâwlnei Jeremia thupêk thuhai chu. Tun Seraia chu khawtlâng hotu lien tak a na.

EZEKIEL 13:6

An hmulawkna chu ân diknaw a, Ai sâna an hril lâwkhai chu khêl vawng a nih. Lalpain anni chu a tir naw sain, tiin an thu chu sukdet ni ngei dingin mihai an inbeiseitir a.

HOSEA 7:3

An rîtlona chun laltak an suklâwm a; An thu khêlin mi lienhai an suklâwm bawk a.

JOSUA 10:12

Chuongchun, Lalpain Amor mihai chu Israelhai kuta a pêk ni chun Josua chun Lalpa kuomah thu a hril a, Israel mihai mithmua chun, “Nisa, Gibeon chungah ngîr zing rawh. Nang khawm, thlapa, Aijalon ruoma hin um zing rawh”, a ta

JOSUA 9:3

Nisienlakhawm, Gibeon khuoa umhai chun Josuain Jeriko khuo le Ai khuo a thaw dân an lo hriet chun,