JEREMIA 27:5 - Pathien Lekhabu Inthieng (BSI)

⁵ ka bân phar le ka thilthawtheina nasatak chun hnuoi phêk chunga ramsahai le mihriem le leihnuoi chu ka siem a; chun, ka ngaia pêk ding âwm kuoma chun ka pêk ta a.

JEREMIA 27:5 ပူးပေါင်းရင်းမြစ်များ

INṬANNA 1:25

Chuongchun, Pathienin, ram sa anni chi um dân ding ang sengin, ran dâm anni chi um dân ding ang sengin, thilhring hnuoia bawkinvâka lâwnhai po po, anni chi um dân ding ang sengin a siem a: Pathienin chu chu a en a, ṭha a ti hle a.

INṬANNA 9:6

Tukhawm mihriem thisen insuotu chu mihriem vêkin ama thisen chu an insuo ve ding a nih: Pathienin ama angpuiin mihriem a siem si a.

1 LALHAI 8:42

(i hming ropuitak hai, i kut hrâttak hai, i bân i phar thuhai hi an la hriet tâwl ding a ni si a;) chuong mihai chun hi in tieng ngha a, an hung ṭawngṭai pha chun;

EZRA 1:2

“Persia lal Kura chun hieng ang hin a hril, ‘Leihnuoia ram po pohai chu Lalpa vâna Pathien chun a mi pêk a; Juda rama Jerusalema chun a ta dinga in bâwl dingin a mi phût bawk a nih.

NEHEMIA 9:22

Chun, ram le hnamhai i pêk a, chuonghai chu an chanpuol i sempêk seng a; chuongchun, Sihon ram Hesbon lal ram le, Basan lal Og ram chu an hluo a.

INPÂKNA HLABU 102:25

Leihnuoi innghatsan chu tiena i phûm tah a na, Vânhai khawm i kutsuok an nih.

INPÂKNA HLABU 96:5

Mipuihai pathienhai chu milimhai an ni si a, Lalpa ruok chun vânhai khi a siem a nih.

FESUOKNA 20:11

ni ruk sûngin Lalpa chun vân le hnuoi, tuipui le an sûnga um po po le chun a siem zo vawng a, a ni sari ni chun a châwl si a; chuongchun, Lalpain châwlni chu mal a sâwm a, ân ser ta a.

FESUOKNA 6:6

Chuleiin, Israel mihai kuomah hril la, ‘Lalpa ka ni a, Aigupta mihai rikphurhai hnuoia inthawkin la suok ka ti cheu a, an suok in nina chu sukbopêk ka ti cheu a, bân pharin rorêlna nasatak leh intlan suok ka ti cheu.

ISAI 42:5

Pathien, Lalpa, vân siemtu, keiphartu, hnuoi le a sûnga inthawka suok po po suklientu, a chunga mihai kuoma inthuokna petu chun hieng ang hin a tih:

ISAI 44:24

Lalpa, nangni intlantu, sula inthawka nangni inngîrtu cheu chun hieng hin a tih, “Kei hi Lalpa, thil po po siemtu, mâni chaua vân keiphartu, hnuoi suklientu chu ka nih; tu am ka kuomah a um a?

ISAI 45:12

Hnuoi hi ka siem a, a chunga mihriem um hi ka siem bawk a, keimân ka kut ngei hin vân ka keiphar a, a sipaihai chu thu ka pêk bawk a nih.

ISAI 48:13

Anih, ka kut hin leihnuoi innghatsan chu a phûm a, ka kut changtieng hin vânhai khi a keiphar a; ka ko phingleh an ngîr khâwm hlak.

ISAI 51:13

Lalpa nangni siemtu, vân keiphara leihnuoi innghatsanhai phûmtu theinghila, nêksâwrtu sukse dinga a tin lai lunginsenna lei ngawta sûnnithlâka ṭi zing chu, tu am i ni a? Nêksâwrtu lunginsenna chu khâwlai am a um ta a le?

JEREMIA 27:4

an hotuhai kuoma chun thuneina pe la, hienghin ti rawh, ‘Israel Pathien Lalpa chun hieng hin a tih: In hotuhai kuoma chun hieng ang hin hril in tih:

JEREMIA 32:17

‘Aw Lalpa Pathien; i bân phar le i thilthawtheina ropuitak chun vân le hnuoi chu i siem a; nanga ta ding chun iengkhawm intak taluo a um naw a;

JEREMIA 51:15

“A thilthawtheinân hnuoi chu a siem a, a varnain khawvêl chu a tungding a, a hrietthiemna chun vânhai khi a keiphar bawk a;

DANIEL 2:38

mihriem nauhai chêngna taphawt le, ramhnuoia ramsahai le chunglêng vatehai umna taphawt chu i kutah a pêk vawng a, an rênga chunga chun rorêl dingin a siem che a: chuongchun, nang chu rângkachak lu chu i nih.

DANIEL 4:14

Ama chu inringtakin a khêk a, ‘Thing kha phûr thlu unla, a kâuhai kha tan thla ro, a hnahai kha sâwi ṭil unla, a ra kha the dar bawk ro; a kâuhaia vatehai le, a hnuoia ramsahai kha fe hmang raw hai seh.

DANIEL 4:17

Hi thu sukthlûk hi vêngtuhai thupêk le, mi inthienghai thua phût: hringna nei taphawt chun Achunghnungtak chun mihriemhai rama chun ro a rêl a, a nuomna kuoma chun a pêk a, mi inhnuoitakhai khawm a chunga chun a sie thei ti an hrietna dingin a nih,’ tiin.

DANIEL 4:22

Aw lalpa, nang hi i nih: i hung inṭhangin i hung hrât a, i ropuina chu a hung lien a, vân a hung tawng a, i ram hlak chu hnuoi tâwp chen a ni bawk si a.

DANIEL 4:25

chuongchun, mihriem laia inthawka hnawt hmang nîng i ta, i chêngna chu rama ramsahai lai nîng a tih; chun, bâwngchalhai anga hlobet infâktir nîng i ta, vâna inthawka dâidâw chun sukhu ni bawk i tih; chun, hun sarihai chu i chunga chun fe liem a tih; mihriemhai ram chunga hin Achunghnungtak chun ro a rêl a, a nuom nuom kuomah a pêk hlak ti i hriet hmakhat chu.

DANIEL 5:18

Aw nang lalpa, Achunghnungtak Pathien chun i pa Nebukadnezzar chu ram dâm, ropuina dâm, nasatna dâm, inlalna dâm a pêk a;

THILTHAWHAI 14:15

“Puhai, iengdinga hieng thilhai hi in thaw am a na? Keini khawm in nungchang ang put mihriem kan ni hi; hieng thil teplohai hi in nghatsan a, vân hai, hnuoi hai, tuipui hai, an sûnga um po pohai siemtu Pathien hring kuoma chun in hung kawpna dingin Chanchin Ṭha kan hung intlun cheu a ni hi.

THILTHAWHAI 17:24

Pathien, khawvêl le a sûnga thil po po siemtu chu, hnuoi le vân lal a ni leiin, kuta bâwl inhaiah a um nawh.

THILTHAWHAI 17:26

Chun, hnuoi chung po poa um dingin, bul hmunkhatin hnam tin mi a siem a. An ta dingin hun bihai a ruot a, an umna rihai khawm a khang pêk a;

DÂN PAHNINA 2:19

chun, Ammon thlahai ep i va tlung hnai pha khawm sukbuoi naw la, thaw bawk naw rawh; Ammon mihai ram chu i puolah ka pêk naw ding che a nih; Lota thlahai puolah ka pêk tah a nih.

DÂN PAHNINA 2:21

Anak mihai anga mi lien le tam le mi insângtak tak an nih; nisienlakhawm, Lalpain a sukbohmangpêk a, an hluo ve ta thung a, an hmuna chun an um ta a;

DÂN PAHNINA 2:7

Lalpa in Pathien chun in thaw taphawthaia chun mal a sâwm hlak cheu a, hi thlalêr lientak hi in fe thleng dân dâm chu a hriet si a; hieng kum sâwmli sûng po hin Lalpa chu in kuomah a um a, iengkhawm in tlasam naw kha, tiin thu pe rawh,’ tiin.

DÂN PAHNINA 2:9

Chun, Lalpain ka kuoma, ‘Moab mihai chu sukbuoi naw unla, râl thawin thaw naw ro; an ram chu in puola dingin ka pêk naw ding cheu a nih, Lota thlahai puolah Ar chu ka pêk tah a nih.

DÂN PAHNINA 32:8

A Chunghnungtak chun hnamhai ram a pêk laia, Mihriem nauhai a ṭhe lai khan, Hnamhai ramri chu a khang a, Israel mihai zât ang peiin.

DÂN PAHNINA 4:17

hnuoia ran ang amanih, boruoka vuong hlak vate thla nei ang amanih,

DÂN PAHNINA 4:25

“Tu le tehai in hung nei a, chu rama sâwt rei in um hnunga, in insukkhawhlo a, ieng amanih angpui dâma milim siem fâwmhai in indin a, a lung suksen dinga Lalpa in Pathien mithmua thil ṭha naw in thaw vai chun;

DÂN PAHNINA 4:32

“In pieng hma, kha hma tieng kha hang ngaituo unla, leihnuoia Pathienin mihriem a siema inthawk vânkhuphnuoia hieng anga thil ropui hi a um hlakin, hriet khawm a ni hrim hlak am chu?

DÂN PAHNINA 4:35

Lalpa chu Pathien a nih ti in hriet theina dingin in kuoma suklang a na; ama naw chu a dang hrim an um nawh.

DÂN PAHNINA 5:16

“Lalpa i Pathienin thu a pêk che angin i nu le i pa chawimawi rawh; chuongchun, Lalpain ram a pêk che a hin tluongtlung i ta, i dam sâwt ding a nih.

DÂN PAHNINA 9:29

I thilthawtheina ropuitak le i bân phara i ṭhuoi suok, i mihai le i rochanhai an ni tlat si a,’ ka ti a.

KOLOSSA 1:16

Amaa chun iengkim siem a ni si a; vâna umhai, hnuoia umhai leh, hmu thei lo le hmu theihai le chun, lalṭhungphahai khawm, rorêlnahai khawm, inlalnahai khawm, thuneinahai khawm, iengkim amaa chun, ama ta ding bawka siem a nih.

HEBRAIHAI 1:2

hieng ni nuhnunghaia hin eini kuomah a Naupaa chun thu a hril tah. Ama chu iengkim rohluotu dingin a ruot a, amaa bawk chun khawvêlhai chu a siem a.

THUPUONGSUO 4:11

“Nang kan Lalpa le kan Pathien, Ropuina dâm, chawimawina dâm, thilthawtheina dâm chu Hmu tlâk i nih ie, Nangin iengkim i siem a, I dit leia um le siem An ni bawk si a,” tiin.