JEREMIA 27:12 - Pathien Lekhabu Inthieng (BSI)

¹² Chun, hieng thuhai ang tak hin Juda lal Zedekia kuoma chun thu ka hril a, “Babulon lal rîngkawl hnuoia chun in rînghai hung daw unla, ama le a mihai rawng chu bâwl unla, hringin um ro.

JEREMIA 27:12 ပူးပေါင်းရင်းမြစ်များ

THUVARHAI 1:33

Amiruokchu, tukhawm keia thu ngai chu himtakin chêng a ta, Rîtlona ṭi dêr lovin um ṭawk ṭawk a tih.

JEREMIA 17:4

Nang khawm, nang ngei khawm, i rochan dinga, ka pêk chea chun um zing naw ti ni a, ram i hriet ngai lova chun i hmêlmahai rawng inbâwltir ka ti che a; ka lunginsennain mei, kumkhuoa chawk ding chu i lo sêm ta si a.

JEREMIA 21:9

Tukhawm hi khawpui sûnga um chu kâwlhnâmin, ṭâmin, hripuiin thîng a ta, amiruokchu, fe suok a, mi ân huoltuhai cheu Kaldaihai kuoma vân pe chu hring a ta, a hringna chu indona Lâwmman angin nei a tih.

JEREMIA 27:8

Chun, hnam le lalram Babulon lal Nebukadnezzar rawng bâwl lohai le, Babulon lal rîngkawl hnuoia an rîng sie nuom lohai chu, Lalpa chun a tih; ama kut ngeia ka sukbohmang vawng hmakhat chun, anni chu hripui dâm, ṭâm dâm, kâwlhnâm dâmin hrem ka tih.

JEREMIA 28:1

Chun, Juda ram lal Zedekia rorêl ṭantir, a kum lina, a thla ngana, chu kum ma chun zâwlnei Azzur naupa Hanania, Gibeon mi chun, mipuihai po po le thiempuhai hmaihmaah, Lalpa ina chun ka kuomah hieng hin thu a hril a,

JEREMIA 28:2

“Israel Pathien sipaihai Lalpa chun hienghin a tih: Babulon lal rîngkawl chu ka sukthliek ta a.

JEREMIA 38:17

Chun, Jeremia chun Zedekia kuoma chun, “Sipaihai Pathien, Israel Pathien Lalpa chun hieng hin a tih; Babulon lal rorêltuhai kuomah în pêk chun, i hringna chu hlain um a ta, hi khawpui khawm hi meiin kâng naw ni; nang chu hring i ta, i sûnghai leh;

JEREMIA 42:11

In iṭitak Babulon lal chu ṭi naw unla, ama chu ṭi naw ro, Lalpa chun a tih: a kuta inthawka sanhima sandam ding cheuin kei in kuomah ka um zing si a.