JEREMIA 27:10 - Pathien Lekhabu Inthieng (BSI)

¹⁰ in rama inthawka hlataka sawnhmang ding cheuin anni chun khêlthu an hril cheu a ni si a; nangni chu ka hnawt suok cheu a, in bohmangna dingin.

JEREMIA 27:10 ပူးပေါင်းရင်းမြစ်များ

FESUOKNA 22:18

“Dawithiemnu chu a hring i phal ding a ni nawh.

JEREMIA 14:14

chun, Lalpa chun ka kuomah a hril a, “Zâwlneihai chun ka hmingin thukhêlhai an hril a; anni chu ka tir naw a, thu khawm ka pêk naw a, an kuoma khawm thu ka hril bawk nawh; in kuoma chun thil hmulâwk indik nawhai, khawhri zâwl thuhai, thil iengkhawm ni lo, an lungrila thukhêl chu an hril lem hlak a.

JEREMIA 23:16

Sipaihai Lalpa chun hieng hin a tih: “In kuoma thuhriltu zâwlneihai thuhai chu ngai naw unla, anni chun teplo mei mei an inchûktir cheu a nih, an lungrila thil hmulâwk chu an hril a, Lalpa baua inthawka mi chu ni lovin.

JEREMIA 23:25

‘Mang ka nei, mang ka nei,’ tia ka hminga thukhêla thuhriltuhai, zâwlneihaiin an hril chu ka hriet a.

JEREMIA 27:14

In kuoma ‘Babulon lal rawng chu in bâwl ding a ni nawh,’ titu zâwlneihai thu chu ngai naw ro: in kuoma chun thukhêl an hril si a.

JEREMIA 27:15

Lalpa chun a tih: Anni chu ka tir si naw a, nisienlakhawm, ka hmingin thukhêl chu an hril a nih; nangni chu ka hnawt suok theina ding cheu le, nangni le zâwlnei in kuoma thuhriltuhai chu in bohmang theina dingin,” tiin.

JEREMIA 27:16

Thiempuhai le hi hnam po pohai kuoma chun hieng hin ka hril bawk a, “Lalpa chun hieng hin a tih: In kuomah, ‘Ngai ta u, Lalpa bûr le bêlhai chu Babulona inthawkin sâwtnawtêa hung lâk nîng an tih,’ titu in zâwlneihai thu chu ngai naw ro; in kuomah thukhêl an hril a ni si a.

JEREMIA 28:11

Chun, Hanania chun mipuihai po po hmaihmaa chun thu a hril ta a, “Lalpa chun hieng hin a tih: Hnam po pohai rînga inthawkin kum hni pumhlûm sûngin Babulon lal Nebukadnezzar rîngkawl chu hieng ang ngei hin ka sukthliek ding a nih, a tih,” a ta, zâwlnei Jeremia ruok chu a fe hmang ta a.

JEREMIA 28:16

Chuleiin, Lalpa chun hieng hin a tih: Ngai ta, leihnuoi chunga inthawk hin ka tir hmang ding che a nih; Lalpa kala khêlthu i hril leiin, tu kum hin i thi ding a nih,” tiin.

JEREMIA 32:31

Hi khawpui hi an bâwl ṭan nia inthawk vawisûn ni chen hin, keia ta ding chun ka ṭiumna le ka lunginsenna chawkthona chau a nih; chuongchun, ka hmaihmaa inthawkin ka sawn hmang ding a nih;

JEREMIA 8:19

Ka chipuihai naunu ram hlataka inthawka a khêkri chu lo ngai ta u, “Lalpa chu Zionah a um a ni naw am a nih? a Laltak chu a sûnga chun a um nâwm a nih? An milim ker fâwmhai le teplo thil maktakhai chun iengdinga lunginsen dinga an mi chawktho am a na?” tiin.

ṬAP HLA 2:14

I zâwlneihai hlakin invêtna le teplo mei mei thilhmulâwkhai chu an hmupêk che a; I sal nina hung lakîr dingin, i suolna hlak an hmusuok thei si naw a. Nanga ta dingin hlêmna le, teplo thu mei mei chau chu an hmupêk che a.

DANIEL 4:7

Chun, mitvaidawithiemhai, aisânthiemhai, Kaldai mihai le vânghriltuhai chu an hung lût a: chun, an hmaa chun mang chu ka hril a; nisienlakhawm, a umzie chu an mîn hriettir thei naw a.

ZEKARIA 10:2

Milim chun teplo mei mei a hril a, a lo dawngtuhai khawm chun khêl thu chu an hmu si a; manga mangtuhai khawm chun khêl mei mei an mang a, a thlâwn elin an insukthlamuong a nih; chuleiin, berâm angin anni lampui chu an hraw a, sukrimsikin an um hlak, berâmpu a um naw leiin.

MALAKI 3:5

Chun, rorêlnaah in kuom hung hnai ka ta; chun, inkhâmtu khêlinhliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai Lalpa chun a tih.

DÂN PAHNINA 18:10

A naupa amanih, a naunu amanih, meia infethlengtir dâm, aisân chîng dâm, aien chîng dâm, mitvaidawi hmang dâm, dâwithiem dâm,