JEREMIA 26:9 - Pathien Lekhabu Inthieng (BSI)

⁹ Iengdinga Lalpa hminga thu hrila, ‘Hi in hi Silo ang nîng a ta, hi khawpui hi hluotu um lova rausan nîng a tih,’ i ti am a na?” an ti a. Chuongchun, Lalpa ina chun Jeremia chu mipui po po chun an bâwr ta hut hut a.

JEREMIA 26:9 ပူးပေါင်းရင်းမြစ်များ

2 CHANCHIN SUINA 25:16

Chun, ama le an inbiek zing lai chun lal chun a kuomah, “Lal thurawnpuituah kan siem che am a nih? Fîmkhur rawh; iengdingin am thatin um i ta?” a ta. Chuongchun, zâwlnei chun, “Ka thurâwn chu i pawisa naw a, hi thil hi i thaw leiin, Pathien chun suksiet a tum che a nih ti ka hriet a nih,” a ta, a to ta a.

ISAI 29:21

chuonghai chun mi chu thupawi thuah suksuoltuah an siem hlak a, kul kawtkhârah kâwktu âwkna dingin châng an kam hlak a, mi fel chu thil teplo mei meiin an inkhêltir hlak.

JEREMIA 32:3

Juda ram lal Zedekia chun ama chu a khum a, “Ieng dinga hienga thu hi i hril am a na?, ‘Lalpa chun hieng hin a tih: Ngai ta u, hi khawpui hi Babulon lal kuta chun pêng ka ta, ama chun lâng a tih.

JEREMIA 33:10

“Lalpa chun hieng hin a tih: ‘Sa le mihriem khawm um lovin a sie a,’ in ti, hi hmuna le, Juda ram khawpuihaia le, hluotu um lova, ran khawm um lova râusan Jerusalem kawtthlêrahai chun hieng hi hriet la nîng a tih:

JEREMIA 36:29

Chun, Juda ram lal Jehoiakim chungthua chun hieng ang hin hril i tih; ‘Lalpa chun hieng hin a tih: Babulon lal chu hung a ta, hi ram hi hung sukse ngei a ta, chutaka inthawk chun ramsa le mihriem khawm sukchavai a tih, tia, iengdinga hitaka hi ziek am in ni a?’ tiin, hi lekhabu zuol hi i raw ta chu a na.

JEREMIA 9:11

Chun, Jerusalem chu hmun- hnawk intiengkhâwmna le, satenehai ta dinga chêngna hmunah siem ka tih; Juda khawpuihai khawm chu hluotu um lova râusanah siem bawk ka tih. Hi hi hrethiem thei dinga mi var tu am a um a?

ṬAP HLA 4:13

A zâwlneihai suolnahai le a thiempuhai khawhlona, A sûnga mi fel thisen an insuona lei khan a nih.

AMOS 5:10

Kawtkhâra kâwktu chu an theida a, thu fel hriltu chu an tirdak a.

MIKA 2:6

“Thu hril naw rawh,” tiin an hril hlak a. Hieng mihai kuoma hin thu hril naw ni hai, hrilsietna chu inkieng naw bawk a tih.

MATTHAI 21:23

Chun, Pathien biekina a lût hnunga ân chûktir lai chun, thiempu lalhai le vântlâng upahai chu a kuomah an hung a, “Tu thuin am hieng thil hi i thaw a? Tuin am thu a pêk che a?” an ta.

MATTHAI 27:20

Chun, thiempu lalhai le upahaiin Barabba hnia, Isu sukhlum dingin mipuihai chu an thlêm a.

MARKA 15:11

Nisienlakhawm, Thiempu lalhai chun mipuihai chu Barabba chu insuopêk lem dinga hni dingin an infui a.

JOHAN 8:20

Chuong thu chu Pathien biekin- ah inchûktir malamin, thawlâwm siena hmunah a hril a; tukhawmin ama an man si nawh, a hun a la tlung naw leiin.

JOHAN 8:59

Chuongchun, ama dêngna dingin lung an rût a; nisienlakhawm, Isu ân bi hmang a, Pathien biekina inthawk chu a suok ta a.

THILTHAWHAI 13:50

Nisienlakhawm, Judahai chun nuhmei inzaum Pathien ngaisakhai le khuoa upahai chu an infui a, Paula le Barnaba chu an insuknawmnatir a, an rama inthawkin an hnawt suok ta a.

THILTHAWHAI 21:30

A khuo chun an inlap ta mer mur a, mihai chu an tlân khâwm a. Paula an man a, Pathien biekina inthawk chun an kei dawk a, kawthai chu an khâr nghâl ta a.

THILTHAWHAI 22:22

Chun, chu thu chen chun an ngai a, rawl inringtakin, “Mi hieng ang hrep hi, khawvêla inthawkin sukbohmang ro, hring tlâk khawm a ni nawh,” an ti ta a.

THILTHAWHAI 3:11

Chun, ama chun Peter le Johan chu a chel zing laiin, mi po poin mak an ti bêk bêk a, Solomon tuolpûk an tia chun, an kuomah an hung tlân khâwm a.

THILTHAWHAI 5:12

Chun, mi lai Pathienin tirkohai kutin inchikna le thilmak tamtak a thaw hlak a. Annirawi chu an rêngin lungril hmunkhatin Solomon Tuolpûka chun an inkhâwm hlak a.

THILTHAWHAI 5:28

“Hi hming hin inchûktir lo ding kan ti tlat ta cheu kha; hre ro, in thu inchûktirin Jerusalem in suksip vawng ta hi; hi mipa thisen maw hi mîn phurtir ṭâl in tum a ni hi,” tiin a suosal a.

THILTHAWHAI 6:14

hi Nazareth Isu hin hi In hi ṭhiek a ta, Mosiein dân a mi pêkhai kha sukdanglam a tih tiin a hril kan hriet,” an ta.

JOSUA 18:1

Chun, Israel mipui pungkhâwmhai po po chu Silo khuoah an inkhâwm ta a, chutaka chun inbiekna puonin an zar a; ram chu an thu hnuoiah a hung um ta a.