JEREMIA 26:15 - Pathien Lekhabu Inthieng (BSI)

¹⁵ Hi hi hre ngei unla, kei in mi sukhlum chun, nangni chunga le, hi khawpui chunga le, chu chu hluotuhai chunga chun mi thiem thisen chu in intlungtir ngei ding a nih; thil dikah, Lalpa chun in na hrieta hieng thuhai po po hi hril dingin in kuomah a mi hung tir a ni si a,” tiin.

JEREMIA 26:15 ပူးပေါင်းရင်းမြစ်များ

INṬANNA 4:10

Lalpa chun, “Iengam i thaw leh? I sang thisen râwl chun hnuoia inthawkin a mi ko a nih.

INṬANNA 42:22

Chun, Reuben chun, “Naupang chungah thil suksuol naw ro ka ti naw cheu am a nih? in ngai naw a, chuleiin, ngai ta u, a thisen phuba chu an lâk a ni hi,” tiin anni chu a dawn a.

2 LALHAI 24:4

pawitâwklo thisen an suo a, Jerusalem chu pawitâwklo thisena a suksip leiin, Lalpain a ngaidam nuom naw a nih.

2 CHANCHIN SUINA 24:22

Chuongchun, lal Joas chun ama chunga a pa Jehoiada ngilneizie kha a hriet zing ta naw a, a naupa chu a that ta a. Chun, a thi chun, “Lalpain hung en sienla, phuba la raw se,” a ta.

THUVARHAI 6:16

Thil paruk Lalpain a theidahai chu a um a, Anih, pasari, chuong chu ama ta dingin tirdakum an nih;

THUVARHAI 6:17

Mit mengsânghai, lei khêlhlip, Pawitâwklo thisen insuoktir hlak kuthai le chun,

JEREMIA 2:30

A thlâwn elin in thlahai chu ka lo vuok ta a; ṭhat phanain an hmang si nawh; sakeibaknei hnukinrâwl ang elin nangni kâwlhnâm ngei chun in zâwlneihai a fâk zo a ni hi.

JEREMIA 2:34

I fênthuoa khawm mi rimsi, pawitâwklohai thisen chu hmu a ni si a; an rawk laitaka man si lovin. Hieng po po bâka hin nang chun,

JEREMIA 22:17

Amiruokchu, nanga mithai le i lungril chu inhnarna le, mi thiem thisen insuona ding le, nêksâwrna ding le, thawluina ding le, chu chu thawnaa ding chau naw chu thil dang ding a ni naw a.

JEREMIA 22:3

Lalpa chun hieng hin a tih: Felna le rorêlna chu tirsuok unla, nêksâwrtu kuta inthawk suksieta um chu sansuok ro; thil dik naw chu thaw naw unla, thawluina chu thaw naw unla, hmeithaihai le, mikhuolhai le pa neilohai chunga chun; hi hmuna hin mi thiem thisen chu insuo bawk naw ro.

JEREMIA 26:12

Chun, Jeremia chun lalhai po po le mipuihai po po kuoma chun thu a hril ta a, “Lalpa chun thu in lo hriet ta ang po po khan hi khawpui le hi in siet ding thu hril dingin a mi hung tir a nih.

JEREMIA 30:1

Jeremia kuoma Lalpa thu hung tlung chun hieng hin a tih:

JEREMIA 7:6

mikhuolhai chu in nêksâwr naw a, pa nei lohai le hmeithaihai leh; hi hmuna hin mi thiem thisen chu in insuo naw bawk a, nangni le nangni insukpawina dingin pathien danghai chu in zui bawk naw chun,

NAMBAR 35:33

Chuongchun, in umna ram chu, sukpawrche ding a ni nawh, thisen chun ram chu in sukpawrche si a, thisen suokna ram pawrche sâwpna ding chun thisen insuotu thisen ngawt naw chu hmang thei a ni si naw a.

MATTHAI 26:25

Chun, ân mantirtu ding Juda chun a dawn a, “Rabbi, kei am ka nih?” a ta. Ama chun a kuomah, “în ti zing chu teh,” a ta.

MATTHAI 26:4

Isu chu zâwra mana, an sukhlum theina dingin an inrâwn a.

THILTHAWHAI 7:60

Chun, a dingṭhaṭhuon a, rawl inringtakin a khêk a, “Lalpa, hi an thil suksuol hi an chungah maw inphurtir naw rawh,” a ta. Chu thu chu a hril zo phingleh a ininnghil ta a. Saula khawm chun a thi chu a remti a.

DÂN PAHNINA 19:10

Lalpain hluo dinga a pêk cheu in ram sûnga pawitâwklo thisen insuo a um naw a, in chunga thisen a um nawna dingin.

THUPUONGSUO 16:6

Anni chun mi inthienghai le zâwlneihai thisen an insuo a; chun, nangin dâwn dinga thisen ma i pêk thung hi dâwn tlâk an ni hrim deh,” a ti ka hriet a.