JEREMIA 25:9 - Pathien Lekhabu Inthieng (BSI)

⁹ ngai ta u, mi tir ka ta, hmâr rama inthawk chun sûngkuohai po po chu ko ka tih, Lalpa chun a tih; chun, ka siehlaw Babulon lal Nebukadnezzar kuoma chun mi tir ka ta; anni chu hi ram le, a hluotuhai le, a vêla hnamhai po po chunga do dingin hung ṭhuoi ka ta; chuongchun, anni chu sukse letdêr ka ta, makti ding le, inchekna ding le, kumkhaw rausanah ka siem ding a nih.

JEREMIA 25:9 ပူးပေါင်းရင်းမြစ်များ

2 LALHAI 24:2

Chun, Lalpain Kaldai pâwlhai, Suria pâwlhai, Moab pâwlhai, Ammon thla pâwlhai ama thaw dingin a tir suok ta a; a siehlaw zâwlneihai hmanga a hril Lalpa thu anga Juda ram chu insuksiettir dingin.

2 CHANCHIN SUINA 29:8

Chuleiin, Lalpa lunginsenna chu Jerusalem le Judahai chunga chun a um a, in mita in hmu ang hin, inhîpna ding le, makti ding le, inzak dingin a siem ta a.

2 CHANCHIN SUINA 36:21

chu ram chun a châwlni a hmang hmakhat chu Jeremia baua Lalpa thu kha sukfamkim a ni theina dingin; râusana a um sûng po chu châwlni chu a hmang a na, kum sâwmsari suktling dingin.

THUVARHAI 21:1

Lal lungril chu tui luong ruomhai angin Lalpa kuta chun a um a, Ama nuomna tieng tieng a hêm hlak.

ISAI 10:5

Hung ta, Assuria mi, ka lunginsenna hembâwk, ka lungninawna chawitu hmawl!

ISAI 13:3

Keima ngeiin ka mi ruothai chu thu ka pêk ta a, anih, ka mi hrâttak, ka mi indutaka hlimhai chu ka lunginsen hrîkthlatu dingin ka ko tah.

ISAI 39:7

‘Chun, i naupa i rîla la ra ding, i nei ding ngeihai laia mi chu, fehmangpui an tih; anni chu Babulon lal ina chun mi tillâkah la um an tih,’ a tih, ” a ta.

ISAI 44:28

Kura chungchâng thua, ‘Ama chu ka berâm vêngtu a nih, Jerusalem chungchâng thua, siemin um nâwk a tih, ti le, Pathien biekin kuoma, I lungphûm chu remin um nâwk a tih, ti hiel khawpin ka dit zâwng po po chu thâwng a tih,’ titu ka nih,” tiin.

JEREMIA 1:14

Chun, Lalpa chun ka kuomah, “Hmâr tienga inthawkin ram hluotuhai po po chungah thil ṭha naw hung so suok a ta.

JEREMIA 1:15

Ngai ta, hmâr tienga lalram sûngkuohai po po chu ka ko ding a ni si a, Lalpa chun a tih; chun, hung an ta, mi tin chun Jerusalem dai kawtkhâr lûtnaa le a vêlsuokin kul banghai bula le, Juda khawpuihai po poa chun an lalṭhungpha chu hung innghat an tih.

JEREMIA 10:22

Thuthang râwl chu, ngai ta, a hung mêk a nih, Juda ram chu râusan le sihalhai chêngna hmuna siem dingin hmâr ram tienga inthawk buoina nasatak a hung mêk a nih.

JEREMIA 12:14

Ka tuolbâwm rilohai po po, ka mi Israelhai hluo dinga ka ti lo tâwksetu chunga chun Lalpa chun hieng hin a tih: Ngai ta u, an rama inthawk chun anni chu hmalthlâng ka ta, anni laia inthawk chun Juda sûngkuo chu hmalthlâng ka tih.

JEREMIA 18:16

an ram chu makti dinga siem ding le, hahîpa siem dingin; mi tin chu fe khêl taphawt chun maktîng an ta, an lu thin an tih.

JEREMIA 2:15

Sakeibaknei tuoihai chun an inrûm khum a, an inhûk a: a ram chu an suksiet a; a khawpuihai khawm a hluotuhai um lovin a kâng zo ta a.

JEREMIA 20:4

Lalpa chun hieng hin a ti si a: Ngai ta, i ruolhai le nangma ngei ta dingin ṭiumah ka siem ding che a nih; chun, an hmêlmahai kâwlhnâma ngei chun tlûng an ta, chu chu i mit ngeiin hmûng i tih; chun, Juda ram po po chu Babulon lal kutah pêng ka ta, ama chun Babulon tieng salah ṭhuoi a ta, kâwlhnâmin anni chu that a tih.

JEREMIA 24:9

anni chu thil ṭha nawa hnungtieng hmatienga sukṭita um dingin hnuoia lalram po pohai lai chun pe suok ka tih; ṭawngsekawk le, thuvara le hrânghla le inkhâmna ni dingin, anni ka hnawt suokna ding hmun po poahai chun pe suok ka tih.

JEREMIA 25:8

Chuleiin, sipaihai Lalpa chun hieng hin a tih: Ka thuhai chu in ngai naw leiin,

JEREMIA 29:18

Chun, anni chu kâwlhnâm le ṭâm le hriin hnawt ka ta, anni ka tir hmangna tieng hnamhai po po laia chun thusekawk ding le, inchekna ding le, makti ding le, mi ṭawngdâwng dingin hnuoia lalram po po laia hnungtieng hmatienga nawrlênga um dingin pe suok ka tih;

JEREMIA 35:11

Amiruokchu, Babulon lal Nebukadnezzar chu hi rama hin a hung lai khan, ‘Thaw ro, Kaldai sipaihai ṭi lei le, Suria sipaihai ṭi leiin, Jerusalemah hang fêng ei tiu,’ kan ti a; chuongchun, Jerusalema chun kan hang chêng ta a,” tiin.

JEREMIA 36:2

“Lekhabu zuol la la, chutaka chun Israel ram chungthu le, Juda ram chungthu le, hnam po pohai chungthu, Josia hun laia inthawka i kuoma thu ka hril nia inthawka vawisûn ni chena mi hi, thu ka hrilhai po po chu ziek rawh.

JEREMIA 36:29

Chun, Juda ram lal Jehoiakim chungthua chun hieng ang hin hril i tih; ‘Lalpa chun hieng hin a tih: Babulon lal chu hung a ta, hi ram hi hung sukse ngei a ta, chutaka inthawk chun ramsa le mihriem khawm sukchavai a tih, tia, iengdinga hitaka hi ziek am in ni a?’ tiin, hi lekhabu zuol hi i raw ta chu a na.

JEREMIA 4:7

Sakeibaknei chu a chîmbuka inthawk chun a hung suok ta a, hnamhai sukbohmangtu ding chu; a lampuia chun a thang mêk a, a hmuna inthawk chun a suok ta a, i ram chu râusana siem ding le, i khawpuihai khawm hluotuhai um lova sukse dingin.

JEREMIA 40:2

Vêngtu pâwl hotu chun Jeremia chu a ṭhuoi a, a kuomah, “Lalpa i Pathien chun hi hmuna hin hieng thil ṭha naw hi tlung dingin a ruot ta a;

JEREMIA 43:10

chun, an kuoma chun, ‘Sipaihai Lalpa, Israel Pathien chun hieng hin a tih: Ngai ta u, mi tir ka ta, ka siehlaw Nebukadnezzar Babulon lal chu hung ṭhuoi ka ta, kha lung ka phûmhai chunga khan a lalṭhungpha chu innghat a tih; chuong chunga chun a lal puon in chu zar a tih.

JEREMIA 46:20

Aigupta hi bâwngla hmêl ṭhatak a na, nisienlakhawm, hmârtienga sietna chu a hung a, a hung tlung mêk a nih.

JEREMIA 49:19

Ngai ta u, ama chu tlatna hmun pângngaia chun Jordan vadung fâwna inthawk chun sakeibaknei ang elin hung a ta; amiruokchu, ama kuoma inthawk chun intlânsiettir vak ka tih; chun, mi tukhawm thlanga um chu, ama chunga chun ruot ka ta, tu am keia ang an um a? Tuin am hun mi ruotpêk a ta? Berâmpu ka hmaa ngîr ding chu tu am a na?

JEREMIA 6:1

Nangni Benjamin thlahai, Jerusalem sûnga inthawk chun himna dingin tlânhmang ro; Tekoaa chun tawtawrâwt mût unla, Beth-hake-rema chun inchikna chu khai unla; thil ṭha naw chu, bohmangna le chun, hmâr tienga inthawk chun a hung dâk si a.

JEREMIA 8:16

Dana inthawk chun a sakawrhai hnâr hnâwt ri chu ân hriet a; a mi hrât hung inhrosatna ria chun ram pumpui chu ân hnîng a. Anni chu an hung a, ram po po le a sûnga umhai chu an fâk zo si a; khawpui le a sûnga chênghai le khawm chun.

EZEKIEL 12:20

Chun, khawpui, hluoa umhai chu suksiet nîng a ta, ram chu râusan nîng a tih; chun, Lalpa chu ka nih ti mi hre tâng in tih,” tiin.

EZEKIEL 16:40

Nangma chunga chun inkhâwmpuina nei bawk an ta, lunghaiin dêng an ti che a, an kâwlhnâmhaiin sunthleng bawk an ti che.

EZEKIEL 21:11

Chun, hmang a ni theina dingin nâwttlêt dinga pêk a na; Kâwlhnâm chu, tâtngei a na, Anih, thattu kuta pêk dingin nâwttlêtin a um a nih.

EZEKIEL 26:7

Lalpa Pathien chun hieng hin a ti si a: Ngai ta, hmartienga inthawkin, lalhai lal Babulon lal Nebukadnezzar chu, sakawr tawlailîrhai leh, pâwl ruol le mi tamtak leh Tura chunga hin hung ṭhuoi ka ta.

EZEKIEL 36:5

Lalpa Pathien chun hieng hin a tih: Matheilovin, hnam la um sunhai chunga le, Edom po po chungah ka thîkna meiin thu hril ngei ka ta; anni chun an lungril inhawi ti zâwng ang po poa nei dingin lungrila hmusitna le, fâk zoa um dinga pei suok el dingin ka ram chu an lo ruot ta a.

DANIEL 5:18

Aw nang lalpa, Achunghnungtak Pathien chun i pa Nebukadnezzar chu ram dâm, ropuina dâm, nasatna dâm, inlalna dâm a pêk a;

HABAKKUK 1:12

Aw Lalpa ka Pathien, ka Mi Inthieng, Nang chu chatuona inthawk tah i ni nâwm a nih? Thi nâwng kan tih. Aw Lalpa, ama chu rorêlna dingin i ruot a, Aw lungpui, nangin ama chu sukdikna dingin în ngîr a ni kha.

HABAKKUK 1:17

Chuleiin, a lên chu sukruok nâwk hlakin, Hnamhai that zing el chu a ma naw ding am a nih?

DÂN PAHNINA 28:37

Chuongchun, Lalpain a la ṭhuoi hmangna ding cheu hnam po po lai chun makti le sehnâwkna le a se tieng hrilhmêna nîng in tih.