JEREMIA 25:6 - Pathien Lekhabu Inthieng (BSI)

⁶ chun, pathien danghai chu an rawng bâwl ding le anni chibai bûk dingin zui naw unla, in kut sinthawhai chun mi suklungsen bawk naw ro; chuongchun, nangni khawm sukna naw ning cheu,’ an ti a.

JEREMIA 25:6 ပူးပေါင်းရင်းမြစ်များ

1 LALHAI 14:22

Judahai chun Lalpa mithmua chun thil suol an thaw a; an puhai thilthaw po po khûma an suolnahai chun a thîkthu a chawktho pêk a.

2 LALHAI 17:35

Lalpa chun anni le thu thlungin thu a pêk a, “Pathien danghai chu ṭi naw unla, anni chu chibai bûk naw unla, an kuomah inthâwi naw ro;

FESUOKNA 20:23

Keima le biek ding pathien danghai in insiem ding a ni naw a, in ta dingin tangkaraw pathienhai, rângkachak pathienhai in siem ding a ni bawk nawh.

FESUOKNA 20:3

Kei naw chu pathien danghai i nei ding a ni nawh.

JEREMIA 32:30

An naupang laia inthawk tah Juda mihai le Israel mihai hin ka mithmuah thil suol chu an lo thaw hlak si a; Israel mihai chun an kut sinthawhai chun an mi lo suklungsen si a, Lalpa chun a tih.

JEREMIA 35:15

Chun, zîngkâra thoa anni hung tirin, ‘Mi tin chu mâni lampui suola inthawk chun hung kîr unla, in thilthawhai chu siemṭha unla, pathien danghai chu an rawng bâwl dingin zui bawk naw ro, chuongchun, nangni le in thlatuhai kuoma ram ka ipêk cheua hin chêng in tih,’ tiin, ka siehlaw zâwlneihai po po chu in kuomah ka hung tir a; nisienlakhawm, in nâ khawm in sit naw a, ngai khawm in mi ngai naw kha.

JEREMIA 44:7

Chuleiin, tuhin Lalpa sipaihai Pathien, Israel Pathien chun hieng hin a tih: nangnia inthawka pasal, nuhmei, naute le nene ne lai, Juda rama inthawka mâksan khawm um dêr lo dinga iengdinga in thlarauhai chung ngeia hieng thil ṭha naw hi thaw am in na?

JEREMIA 44:8

chuongahai chun in kut sinthawhai chun in mi suklungsen a, in va mikhuolna tiengahai chun Aigupta rama pathien danghai kuoma chun riminhnik dâm in raw a; chuong chu hi hnuoia hnam po pohai laia thusekawk le, ṭawngsephur le, sâtthlâk in ni theina ding chau a ni naw am a nih?

JEREMIA 7:6

mikhuolhai chu in nêksâwr naw a, pa nei lohai le hmeithaihai leh; hi hmuna hin mi thiem thisen chu in insuo naw bawk a, nangni le nangni insukpawina dingin pathien danghai chu in zui bawk naw chun,

JEREMIA 7:9

Inruin, tuolthatin, uirein, khêla inkhâmin, Baal hmaa chun riminhnik rawin pathien in hriet nawhai chu zuiin,

HOSEA 1:7

Juda sûnghai ruok chu lainat ka ta, thalngul amanih, kâwlhnâm amanih, indona amanih, sakawr amanih, sakawr chung chuong mi amania anni sandam lovin, Lalpa an Pathien chun sandam ka tih,” a ta.

DÂN PAHNINA 13:2

inchikna amanih, thilmak amanih an inentir cheu chu a hung tlung a, in hriet ngai naw, ‘Pathien dang zui ei tiu khai, an rawng bâwl ei tiu,’ in kuoma an ti chun,

DÂN PAHNINA 28:14

a thuhai hi a ieng khawm hi changtienga manih, vawitieng amanih pathien danghai zui le rawngbâwl dinga in pêtsan naw phawt chun.

DÂN PAHNINA 6:14

Pathien dang in vêla mihai pathien chu in biek ding a ni nawh.

DÂN PAHNINA 8:19

Lalpa in Pathien chu in theinghil a, Pathien danghai in zui a, a rawng dâm in bâwl a, in biek hlau chun, bohmang ngei ngei in tih ti vawisûn hin kân hriettir cheu.

JOSUA 24:20

Lalpa chu in mâksan a, hnam dang pathienhai rawng in bâwl chun chu, in chungah a ṭha sa hin in chungah thil ṭha nawin ṭuong vêng a ta, a sukbohmang el ding cheu a nih”, a ta.