JEREMIA 25:5 - Pathien Lekhabu Inthieng (BSI)

⁵ ‘Mi tin el chu tuhin in thilthaw indik nawhaia inthawk le, mâni lampui suola inthawk chun kîr seng unla; nangni le in thlatuhai kuoma inhma le kumkhuoa dinga, Lalpain ram a pêk cheua chun chêng ro;

JEREMIA 25:5 ပူးပေါင်းရင်းမြစ်များ

INṬANNA 17:8

Chun, i kuoma le i hnunga i thlahai kuoma chun, i khuolchâmna ram, Kanaan ram po po hi, kumkhaw ro dingin ka pêk ding cheu a nih; chun kei hi an Pathien nîng ka tih,” a ta.

INPÂKNA HLABU 139:24

Chun, keimaa hin rîtlona kawng hrim hrim a um le a um naw en la, Chatuon lampuia chun mi ṭhuoi rawh.

INPÂKNA HLABU 37:27

Suol fe san la, thil ṭha thaw rawh, Chuongchun, kumkhuoin chêng zing rawh.

ISAI 1:16

Insâwp unla, insukfai ro, ka mithmu phâk nawah in thilthawhai hi a suolna chu sie hmang ro; suol thaw thaw el hi ma ta unla, thil ṭha thaw inchûk ta ro;

JEREMIA 17:25

hi dai kawtkhârhaia hin lalhai le rorêltuhai David lalṭhungphaa ṭhunghai chu sakawr tawlailîr le sakawr chunga chuongin, anni le an rorêltuhai le Juda mihai le Jerusalem hluotuhai chu la lût an tih; chun, hi khawpui hi kumkhuoin um zing bawk a tih.

JEREMIA 18:11

Chuleiin, tuhin fe la, Jerusalem hluotuhai le Juda rama mihai kuoma chun thu hril la, ‘Lalpa chun hieng hin a tih: Ngai ta u, in chungah thil ṭha naw ka riruong a, in chungah phierrûkna ka phierrûk a, tuhin mi tin mâni lampui rilo senga inthawk chun hung kîr raw se; chuongchun, in thilthawhai le in lampuihai chu siem ṭha ro,’ tiin.

JEREMIA 35:15

Chun, zîngkâra thoa anni hung tirin, ‘Mi tin chu mâni lampui suola inthawk chun hung kîr unla, in thilthawhai chu siemṭha unla, pathien danghai chu an rawng bâwl dingin zui bawk naw ro, chuongchun, nangni le in thlatuhai kuoma ram ka ipêk cheua hin chêng in tih,’ tiin, ka siehlaw zâwlneihai po po chu in kuomah ka hung tir a; nisienlakhawm, in nâ khawm in sit naw a, ngai khawm in mi ngai naw kha.

JEREMIA 4:1

“Aw Israel, i hung kîr chun, Lalpa Pathien chun a tih: ka kuomah i hung kîr ding a nih; i tirdakumnahai chu ka mithmua inthawka i sie hmang chun nang chu sukchângin um naw ti nih;

JEREMIA 7:7

in thlatuhai kuoma ram ka i pêk tah, inhmaa inthawka kumkhawtluong elin, hi hmuna hin inchêngtir ka ti cheu.

EZEKIEL 18:30

Chuleiin, Israel sûngkuo, mi tin chu a thilthawhai ang peiin rêlpêk ka tih, Lalpa Pathien chun a tih. Hung kîr unla, in bawsietnahai po poa inthawkin hung kîr ro; chuongchun, suolna chu in tlûkna lung hung ni naw nih.

EZEKIEL 33:11

An kuoma chun, ‘Ka hring zing angin, Lalpa Pathien chun hieng hin a tih; mi rilo thinaa chun lâwmna ka nei naw a; mi rilo chu a um dân a bânsan a, a hring ruok chun lâwmna ka nei a; hung kîr ro, in lampui suola inthawk chun hung kîr ro; aw Israel sûngkuo, iengdingin am thîng in ta?’ ti rawh.

HOSEA 1:7

Juda sûnghai ruok chu lainat ka ta, thalngul amanih, kâwlhnâm amanih, indona amanih, sakawr amanih, sakawr chung chuong mi amania anni sandam lovin, Lalpa an Pathien chun sandam ka tih,” a ta.

THILTHAWHAI 26:20

a tîrin Damaskaa mihai kuomah, chu hnunga chun Jerusalema mihai kuoma dâm, Juda ram tina mihai kuoma dâm, Jentailhai kuoma dâm khawm sim hming inbûk tlâka thil thawa, sima, Pathien tieng an nghatna dingin ka hril lem hlak a nih.